"ၶႅပ်းတိၼ်"
မီးၵႃႈၶၼ်ၵႃႈႁိုဝ်ၵေႃႈယဝ်ႉ ဢဝ်ပၵ်းသႂ်ႇတီႈႁူဝ်ဢမ်ႇလႆႈ ......
"ၵူၼ်းႁၢႆႉ/ၵႅၵ်း"
ၶႅၼ်ႇၵႃႈႁိုဝ်ၵေႃႈယဝ်ႉ ဢမ်ႇလႆႈၶႅပ်းၸုမ်ႈၵူၼ်းလီလႆႈ .....
"ပေႃႈမႄႈ"
ၶႂ်ႈႁၵ်ႉလုၵ်ႈလၢင်းၵႃႈႁိုဝ်ႁၵ်ႉ သင်ဢမ်ႇမေႃႁၵ်ႉၸိုင် ဢမ်ႇထိုင်တီႈႁွႆးႁၵ်ႉလႆႈ ......
"လုၵ်ႈလၢင်း"
ပေႃႈမႄႈႁၢႆႉၵႃႈႁိုဝ်ၵေႃႈယဝ်ႉ ဢမ်ႇထုၵ်ႇလီႁဵတ်းၽိတ်းလိုၵ်ႉလမ်ႇ ......
"ၶူး/သြႃႇ"
မီးပႆႇၺႃႇၼမ်ၵႃႈႁိုဝ်ၵေႃႈလီ သင်သင်ႇသွၼ်ၸိၼေသဵၼ်တၢင်းၽိတ်းၸိုင် တပေး/လုၵ်ႈၼွင်ႉ ၸၢင်ႈတုၵ်ႉၶယၢပ်ႇၶၢၼ်ဢိူဝ်ႈ ......
"တပေး/လုၵ်ႈၼွင်ႉ"
ၶူး/သြႃႇႁၢႆႉၵႃႈႁိုဝ်ၵေႃႈယဝ်ႉ သင်ၼေပၼ်သဵၼ်ႈတၢင်းမၢၼ်ႇမႅၼ်ႈၸိုင် ထုၵ်ႇလီယူႇၸမ်ဢိူဝ်ႈ ......
"ဢူၺ်းၵေႃႉ/တႆးၵေႃႉ"
လီၼိူဝ်ၸဝ်ႈၵဝ်ႇၵႃႈႁိုဝ်ၵေႃႈယဝ်ႉ သင်ၸၼ်တူၵ်းၼိူဝ်သဵၼ်ႈတၢင်းႁုၵ်းႁၢႆႉၸိုင် ဢမ်ႇထုၵ်ႇလီႁွမ်းႁဵတ်းၵေႃႉ .....
"ၼႃႈႁိူၼ်း"
တၢင်းႁၼ်ထိုင်ပိူင်ႈၵၼ်ၵႃႈႁိုဝ်ၵေႃႈယဝ်ႉ ဢမ်ႇထုၵ်ႇလီၸႅၵ်ႇၼိူဝ်လိူတ်ႈ .....
"ၵေႃႉႁၵ်ႉ"
ႁၵ်ႉၵႃႈႁိုဝ်ပေႃႈယဝ်ႉ သင်ၵုမ်ႇပၼ်ပၼ်လွင်ႈၸဵပ်းသႅပ်ႇယူႇၵူၺ်းၸိုင် ထုၵ်ႇလီၽေတၢင်းဢိူဝ်ႈ .....
"ၽူဝ်တင်းမေး"
ပၼ်တၢင်းပွင်ႇၸႂ်ၵႃႈႁိုဝ်ၵေႃႈလီ သင်ႁဵတ်းလွင်ႈဢမ်ႇသိုဝ်ႈတေႃႇယူႇၵူၺ်းၸိုင် ဢမ်ႇထုၵ်ႇလီယွမ်းႁပ်ႉၵူၺ်း ......
"ႁိမ်းႁွမ်း"
ၶႂ်ႈသေႉၵႃႈႁိုဝ်သေႉ သင်ၸဝ်ႈၵဝ်ႇယူႇၼိမ်ယူႇၼႆၸိုင် လွင်ႈသေႉၼေးၶဝ်တေယဵၼ်ၵႂႃႇယူႇၵူၺ်း ....
"ၵႂၢမ်း"
မေႃလၢတ်ႈၵႃႈႁိုဝ်ၵေႃႈယဝ်ႉ ထုၵ်ႇလီလၢတ်ႈမိူဝ်ႈထိုင်ယၢမ်းမၼ်းၼၼ်ႉၵူၺ်း .....
"ႁူ"
ထွမ်ႇမၼ်းလၢတ်ႈသေ ဢၼ်ဢၼ်ၸဝ်ႈၵဝ်ႇလၢတ်ႈၼၼ်ႉ တေမီးၽွၼ်းလီတိူဝ်းဢိူဝ်ႈ .....
"မၢၵ်ႇတႃ"
ၸဝ်ႈၵဝ်ႇတူၺ်းၸိူင်ႉႁိုဝ်ၼႆၼၼ်ႉ လီသေ ဢၼ်ၸဝ်ႈၵဝ်ႇႁၼ်ၸိူင်ႉႁိုဝ်ၼႆၼၼ်ႉဢိူဝ်ႈ .....
"တၢင်းယၢမ်ႈ"
ႁၢင်ႈၸႃႉၵႃႈႁိုဝ်ၵေႃႈလီ သင်မီးတၢင်းယၢမ်ႈဢၼ်လီယူႇၸိုင် ၵူၼ်းႁၵ်ႉၼမ်ဢိူဝ်ႈ .....
"မႃႇၼႃႉ"
ၶႂ်ႈမေႃပႆႇၺႃႇၵႃႈႁိုဝ်မေႃ သင်မီးမႃႇၼႃႉၼႆၸိုင် မိူၼ်ၵၼ်တင်းဢမ်ႇမီးပႆႇၺႃႇၵူၺ်း .....
"ၼမ်ႉၸႂ်"
ၶႂ်ႈပႃးၵႃႈႁိုဝ်ပႃး သင်ဢမ်ႇပႃးၺၢၼ်ႇၸိုင် ဢမ်ႇထိုင်တီႈ ဢမ်ႇတဵမ်ထူၼ်ႈ .....
"ဝိရိယ"
လီၵႃႈႁိုဝ်ၵေႃႈယဝ်ႉ သင်ဢမ်ႇႁဵတ်းၸွမ်းၺၢၼ်ပႆႇၺႃႇၸိုင် ဢမ်ႇဢွင်ႇမၢၼ်လႆႈ .....
"ငိုၼ်း"
မိူဝ်ႈပႆႇမီးၵဵပ်းႁွမ်သေ မီးယဝ်ႉ ထုၵ်ႇလီပႅင်းၸၢႆႇဢိူဝ်ႈ ....
"တူၺ်းႁၼ်လွင်ႈလီ"
တႃႇႁႂ်ႈၸႂ်ၸဝ်ႈၵဝ်ႇၵတ်းယဵၼ်ၼၼ်ႉ တိုၼ်းတေလူဝ်ႇမၼ်းယဝ်ႉ .....
"လိၵ်ႈလၢႆးပၢႆးပေႇ"
သင်ႁူႉၼမ်ႉဝၢၼ် ဢရသႃႇမၼ်းၸိုင် ၶၢဝ်းယၢမ်းလူလိၵ်ႈဢၼ်ဝႃႈၼၼ်ႉ တေမီးမႃးႁင်းၵူၺ်းမၼ်းဢိူဝ်ႈ ....
ၼပ်ႉယမ်ထိုင်ၵူႈၵေႃႉသေ
ဝၼ်းၼုမ်ႇ( လႃႈသဵဝ်ႈ )
႑႖. ႑. ႒႐႑႙ ဝၼ်းပုတ်ႉ
.jpg)
No comments:
Post a Comment