ဝၢႆးတူၵ်းသုမ်းၵႂႃႇယဝ်ႉ လွင်ႈဢၼ်ထုၵ်ႇလီႁဵတ်း

"ဝꨤꨯးသူတူꨀ္းသုမ္းꨀꨮꨣꨲယဝ္ꨵ လြင္ꨳꨡꨓ္သူထုꨀ္ꨲလီꨟꨱတ္း"

          လွင်ႈတူၵ်းသုမ်းဢၼ်ဝႃႈၼႆႉ ပဵၼ်ဢၼ်ၵူၼ်းၵူႈေၵႃႉ
ယၢမ်ႈထီႉတူိဝ်ႉမႃး။  ၵူၼ်းဢၼ်ၶႂ်ႈၶုိၼ်ႈယႂ်ႇၸၼ်ႉသုင်ၼၼ်ႉ
ၼုိင်ႈၶႅၼ်းေတယၢမ်ႈႁူႉၸၵ်းမၼ်းလီ။
ၵူၺ်းၵႃႈ ၸၢတ်ႈပၢၼ်ဢၼ်ဝႃႈ ပဵၼ်ၵူၼ်းၶဝ်ႈပၢင်ေၶႉၶဵင်ႇၼၼ်ႉ
လွင်ႈတူၵ်းသုမ်းၼႆႉ ဢမ်ႇႁဵတ်းႁႂ်ႈၸၢတ်ႈပၢၼ်သူ သုတ်းသဵင်ႈလႆႈ။

ၸၢင်ႈလႆႈတူၵ်းသုမ်း ယွၼ်ႉပၢႆးမၢၵ်ႇမီး၊ ေတၸၢင်ႈလႆႈတူၵ်းသုမ်း
ယွၼ်ႉတူင်ႇဝူင်းၵူၼ်း၊ ေတၸၢင်ႈလႆႈတူၵ်းသုမ်း ယွၼ်ႉၽၢႆႇႁူဝ်ၸႂ်
ၸႃႉၵႂႃႇ လွင်ႈတူၵ်းသုမ်းၸူိဝ်းၼႆႉ ေပႃးသူလႆႈထူပ်းမႃးၸုိင်
ဢၼ်သူထုၵ်ႇလီဝူၼ်ႉ / ထၢမ်ၼႆႉ- ​ေတၶတ်းၸႂ်ၽၢင်ႈဢွၵ်ႇႁႂ်ႈလႆႈ
ၼႂ်းလွင်ႈတူၵ်းသုမ်းၼႆႉႁ ...?  ဢမ်ႇၼၼ် ေတၶၢမ်ႇၸူမ်ပႅတ်ႈ
ၼႂ်းႄၵႈလွင်ႈတူၵ်းသုမ်းၼႆႉႁုိဝ် ၼႆယူႇ။
ၼႂ်းပၢင်လဵၼ်ႈေၶႉေၶႇၵၼ်ၼႆႉ ၵႃႈသူပႆႇဝၢင်းၶူိင်ႈေသဢိတ်း
ၽႂ်ေၵႃႈ ေတဢမ်ႇတုိၵ်းေပႉဢဝ်သူလႆႈေလႃႇ ......



1.    ႁႆႈတူၵ်းၼမ်ႉတႃလႆႈယူႇ။

လွင်ႈႁႆႈၼႆႉ ဢမ်ႇမၵ်းမၼ်ႈလႆႈဝႃႈ ပဵၼ်လွင်ႈဢူၼ်ႇဢွၼ်ႇၵူၺ်း
ၼင်ႇၵဝ်ႇ။  လွင်ႈႁႆႈၼႆႉ ေပႃးဝႃႈမၼ်းေတယႃပၼ် ဢၼ်သူလႆႈ
ၶမ်ၸႂ်ယူႇၼၼ်ႉလႆႈၼႆၸုိင် သူႁႆႈလႆႈယူႇ။
ၵူၺ်းၵႃႈ  သူေတလႆႈႁူႉဝႆႉဝႃႈ ေပႃးထုိင်ၶၢဝ်းမၼ်း ေတလႆႈတဵတ်ႇ
လွင်ႈႁႆႈသူၼၼ်ႉယူႇ ......

2.    ၽင်ႇႁိမ်းႁွမ်းသူၼၼ်ႉ မီးၵူၼ်းႁၵ်ႉသူယူူႇ။

လွင်ႈတူၵ်းသုမ်းၼႆႉ မၼ်းပၼ်ႁႅင်းလွင်ႈဢမ်ႇမူၼ်ႈၸႂ် ႄလႈ
ၸႂ်လဵၵ်ႉေၶႃးၶူမ်။  သူေတၸၢင်ႈလႆႈထၢင်ႇလဵၵ်ႉၶုိၼ်းတူဝ်ၵဝ်ႇ
ဝႃႈ ၸဝ်ႈၵဝ်ႇဢမ်ႇလႆႈလွင်ႈ၊ ဢမ်ႇၶဝ်ႈထုင်းတီႈလႂ်လႆႈၼႆေၵႃႈ
ၸၢင်ႈပဵၼ်လႆႈယူႇ။  ၵူၺ်းၵႃႈ  သူထုၵ်ႇလီဝူၼ်ႉႁၼ်ထုိင်ဝႃႈ
ၽင်ႇႁိမ်းၶၢင်ႈသူၼၼ်ႉ တုိၵ်ႉမီးေပႃႈ ႄလႈ ႄမႈ၊
ပီႈၼွင်ႉၸူိဝ်ႉၶူိဝ်းဢၼ်ႁၵ်ႉသူၼၼ်ႉယူႇ ......

3.    လုိဝ်ႈႁူိဝ်ႉလုိဝ်ႈၸႂ်ႄလႈ။

လွင်ႈႁူိဝ်ႉဢူၼ်ႈၼူၼ်းၸႂ်ၼႆႉ ႁဵတ်းႁႂ်ႈသူ သမ်ႉေပႃးဢမ်ႇၶႂ်ႈယၢင်ႈ
ၵႂႃႇထႅင်ႈတၢင်းၼႃႈလႆႈၼၼ်ႉယူႇ။   ၽွင်းၼင်ႇၼၼ်
ဢၼ်သူလူဝ်ႇၼႆႉ ပဵၼ်လွင်ႈလုိဝ်ႈႁူိဝ်ႉလုိဝ်ႈၸႂ်။
သူလုိဝ်ႈႁူိဝ်ႉလုိဝ်ႈၸႂ်ပၼ်ၽွင်ႈၼႆႉ ေတယႃႇပၼ်လႆႈလွင်ႈႁူိဝ်ႉ
ဢၼ်သူၸုိၼ်ႇတုိၼ်ႇၽၢင်ႈ လုၵ်ႉႁဵတ်းၵမ်းလဵဝ်ၼၼ်ႉလႆႈယူႇ။
ၵူၺ်းၵႃႈ  ေပပၼ်ပူၼ်ႉလူိဝ် .....

4.    ထတ်းသၢင်ႈႄလႈ။

ဝၢႆးေသလွင်ႈၶမ်ၸႂ်ႁဝ်း ၶ်ႂႈႁၢႆဝၢႆးမႃးဢိတ်းဢိတ်းယဝ်ႉၼၼ်ႉ
ၶုိၼ်းထတ်းသၢင်တူၺ်း ပူိင်ပဵၼ်လွင်ႈတူၵ်းသုမ်း၊
လွင်ႈၶမ်ၸ်ႂ၊ လွင်ႈၸဵပ်းၸႂ်ႁဝ်းၸူိဝ်းၼၼ်ႉႄလႈ။
ၸဝ်ႈၵဝ်ႇလႆႈႁဵတ်းသင်ဝႆႉမႃး၊ လူဝ်ႇသင်ဝႆႉလၢႆလၢႆ
ယုပ်ႈယွမ်းဝႆႉသင် ေလႈ ေတလႆႈၶုိၼ်းမူၼ်ႉႄမးသင်လၢႆလၢႆ။
လွင်ႈတူၵ်းသုမ်းဢၼ်ဝႃႈၼႆႉ ပဵၼ်ဢၼ်ႁႂ်ႈသူဢူၼ်ႈဢွၼ်ႇၵႂႃႇ
ဢမ်ႇၸႂ်ႈေသ၊ ထုၵ်ႇလီၶတ်းၸႂ်ႁဵတ်းႄၼသၢၵ်ႈေသႇ
လွင်ႈဝႃႈ မၼ်းပဵၼ်ဢၼ်ႁဵတ်းႁႂ်ႈသူၵႅၼ်ႇၶႅၼ်ႇ ၼႆၼၼ်ႉယူႇ .....

5.    မီးလွင်ႈဢၼ်ၶႅမ်ႉလူိဝ်ေသၼႆႉယူႇ။

မူိဝ်ႈၼႆႉ သူတူၵ်းသုမ်းသမ်ႉေပႃးဢမ်ႇၶႂ်ႈထူပ်းႁဵတ်းသင်
ၼႆေသတႃႉ သူေတလႆႈႁပ်ႉၶၢမ်ႇဝႆႉယူႇ လွင်ႈဝႃႈမီးဢၼႃႇၵၢတ်ႈ
ဢၼ်ၶႅမ်ႉလူိဝ်ေသၼႆႉထႅင်ႈဢၼ်ဝႃႈၼၼ်ႉႄတႉ။
ေပၶၢမ်ႇဢဝ်ၸၢတ်ႈပၢၼ် သုမ်းမူၵ်းၸူမ်ၼႂ်းလပ်းသုိင်ႇၵူၺ်းႄလႈ။
လွင်ႈတူၵ်းသုမ်းဢၼ်ဝႃႈၼႆႉ မူိၼ်ၼင်ႇသူလႆႈႁပ်ႉႁူႉၼၼ်ႉ
မၼ်းဢမ်ႇၸႂ် လွင်ႈဢၼ်ထီႉတူိဝ်ႉလီေလႃႇ ......

6.    လွင်ႈၸူိဝ်းၼႆႉ ပဵၼ်ၸူဝ်ႈၵႅပ်ႉၵူၺ်း။

လွင်ႈၶမ်ၸႂ်၊ လွင်ႈႁူိဝ်ႉဢူၼ်ႈ၊ လွင်ႈၸဵပ်းၸႂ်ၸႃႉၵႂႃႇ
ေပၶုပ်ႉၶဝ်ႇမုိဝ်းပဝ်ႇထွၵ်ႈလိၼ်ေသ ယွမ်းၵၢၼ်ႉပၼ်
လွင်းၶမ်ၸႂ်ၸူိဝ်းၼႆႉထႅင်ႈယဝ်ႉ။
လွင်ႈၶမ်ၸႂ်ၸူိဝ်းၼႆႉ မၼ်းပဵၼ်ၸူဝ်ႈၵႅပ်ႉၵူၺ်း။
ဢမ်ႇၸႂ်ႈၵမ်းလုိၼ်းသုတ်း ၶွင်ၸၢတ်ႈပၢၼ်သူ ......

ၼပ်ႉယမ်ယႂ်ႇၼမ်ေသ .............

                                         ပိၼ်ႇတႅမ်ႈ ... မႆႉသၢင်းၶမ်း