သင်သူ​​တေ​​​​တေႇၼႃႈႁိူၼ်း

×× သင်သူတေတႄႇၼႃႈႁိူၼ်းၸိုင် ယႃႇလိူၵ်ႈၵူၼ်းၸၢႆး
ၵေႃႉဢၼ်မေႃလိၵ်ႈၼၼ်ႉၵူၺ်း လိူၵ်ႈဢဝ်ၵေႃႉဢၼ်မေႃ
ႁၼ်ထိုင်ၵၢင်ၸႂ်သူလႄႈ ၶဝ်မေႃဢီးလူသူၼိူဝ်သူ
ၼၼ်ႉလႄႈ ။



×× သင်သူတေတႄႇၼႃႈႁိူၼ်းၸိုင် ယႃႇလိူၵ်ႈဢဝ်ၵူၼ်း
ၸၢႆးၵေႃႉဢၼ်မီးပၢႆးဝူၼ်ႉလီꧦၼၼ်ႉလွင်ႈလဵဝ် လိူၵ်ႈဢဝ်ၵေႃႉဢၼ်ၶၢမ်ႇတုၵ်ႉၶၢမ်ႇယၢပ်ႇ ယွမ်းၸွႆႈထႅမ်
သူလႆႈၵူႈလွင်ႈ ၽွင်းယၢမ်းသူလူဝ်ႇတၢင်းၸွႆႈထႅမ်ၼၼ်ႉ
လႄႈ ။

×× သင်သူတေတႄႇၼႃႈႁိူၼ်းၸိုင် ယႃႉပေလိူၵ်ႈဢဝ်
ၵူၼ်းၸၢႆးၵေႃႉဢၼ်မၢၵ်ႈမီးတဵမ်ထူၼ်ႈၵူႈလွင်ႈၼၼ်ႉ
ၵူၺ်း လိူၵ်ႈဢဝ်ၵေႃႉဢၼ် မီးၸႂ်သိုဝ်ႈယူဝ်းတေႃႇသူ
ၼၼ်ႉလႄႈ ။

>> ယၢမ်းမိူဝ်ႈမီးလွင်ႈဢမ်ႇပွင်ႇၸႂ်ၵၼ်ၼိူဝ်ၵၼ်မႃး
ၼၼ်ႉ တေလႆႈဢုပ်ႇၵုမ်သပ်းလႅင်းၼေၵၼ် ၸႅင်ႈꧦလႅင်းꧦ လွင်ႈသိုဝ်ႈယူဝ်းၼၼ်ႉ ဢဝ်ငိုၼ်းသိုဝ်ႉ
ဢမ်ႇလႆႈ ။

×× သင်သူတေတႄႇၼႃႈႁိူၼ်းၸိုင် ယႃႇပေလိူၵ်ႈဢဝ်
ၵေႃႉဢၼ်မီးၼႃႈမီးတႃ ၸိုဝ်ႈသဵင်လိုဝ်းလင်ၽႂ်ꧦၵေႃႈ
ႁူႉၸၵ်းလႄႈ ၶဝ်ႈၵႄႈဢွၵ်ႇၵၢင်ပိူၼ်ႈလႆႈၼၼ်ႉၵူၺ်း ။

>> လိူၵ်ႈဢဝ်ၵေႃႉဢၼ်သူတေပိုင်ႈဢိင်လႆႈတေႃႇၸူဝ်ႈ
ၼၼ်ႉလႄႈ လွင်ႈသ​ရေႇၼႃႈတႃၼၼ်ႉ မၼ်းဢမ်ႇၸႂ်ႈ
လွင်ႈမၼ်ႈၵိုမ်းလူး ။

×× သင်သူတေတႄႇၼ​ႃႈႁိူၼ်းၸိုင် ယႃႉပေလိူၵ်ႈဢဝ်
ၵေႃႉဢၼ်ႁၢင်ႈၽၢင်ႁၢင်ႈလီလွင်ႈလဵဝ်ၵူၺ်း လိူၵ်ႈဢဝ်
ၵေႃႉဢၼ်မေႃလၢတ်ႈမေႃၸႃ မေႃယုမ်ႇယမ်ဝႆႉၵႃႈၶၼ်
သူ ပဵၼ်လွင်ႈယႂ်ႇၼၼ်ႉလႄႈ ။

×× တႃႇတေလိူၵ်ႈၵေႃႉႁူမ်ႈၸၢတ်ႈပၢၼ်ၼိုင်ႈၵေႃႉၼၼ်ႉ
ယႃႇၸူးငၢႆႈ ယႃႇဝူၼ်ႉပွတ်း ယႃႇၸႂ်ႉလူမ်းတေႃးသ​သေ
တႅပ်းတတ်း ဝၢႆးမႃးၵူဝ်လႆႈၼႅင်ၸႂ်ၶိုၼ်းဢိူဝ်ႈ ။

×× လိူၵ်ႈၵေႃႉၵူႈၸၢတ်ႈပၢၼ်ၽိတ်းသေ ၶိုၼ်းၽႄတၢင်း
ၵၼ်လႄႈ ပွၵ်ႈမႃးယူႇတီႈၵဝ်ႇၶိုၼ်းလႆႈယူႇသေတႃႉ
ၵႃႈၶၼ်တူဝ်ၵဝ်ႇဢမ်ႇမိူၼ်ၵဝ်ႇၶိုၼ်းယဝ်ႉ ။

×× မိူဝ်ႈပႆႇလိူၵ်ႈၼၼ်ႉႁႂ်ႈၸႂ်ႉၶၢဝ်းယၢမ်းထတ်းသၢင်ႈ
တူၺ်းႁိုင်ꧦၽိူဝ်ႇတေလႆႈသုမ်းၸၢတ်ႈပၢၼ်ယွၼ်ႉမၼ်း
ၼၼ်ႉ လႆႈသုမ်းၼမ်ႉတႃယွၼ်ႉမၼ်းၵေႃႈ တိူင်းမၼ်း
သေလႄႈ ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။

ငဝ်ႈတိုၼ်း - page စာဖတ်ကြမယ်

ပိၼ်ႇ - မွၵ်ႇႁၢမ်းဢၢႆ ( ဝဵင်းသဝ်ႁိၼ် )
13 . 3 . 2019 ဝၼ်းပုတ်ႉ