ယႃႇႁႅင်ႈၵိုင်ႉၵင်ႉတႅပ်းတတ်းၵႃႈၶၼ်

👉ႁၼ်ပိူၼ်ႈ ႁဵတ်းလီ ၼိုင်ႈပွၵ်ႈၼိုင်ႈလႂ်ၵူၺ်း၊ ယႃႇပေႁႅင်ႉဝႃႈၶဝ်လီၼႃႇ၊ ၸိုဝ်ႈၸႂ်ႈၼႃႇ၊ 
သိုဝ်ႈယူဝ်းၼႃႇ၊
ပေႃးႁဝ်းဢမ်ႇႁူႉလွင်ႈပိုၼ်းလင်ပိူၼ်ႈလီလီလႄႈ
ဢၵျၢင်ႉတင်းယၢမ်ႈပိူၼ်ႈလီလီ။
👉 ႁၼ်ပိူၼ်ႈႁဵတ်းႁၢႆႉၼိုင်ႈပွၵ်ႈၼိုင်ႈလႂ်ၵူၺ်း၊

သုင်တႅမ်ႇ လႄႈ တႅမ်ႇသုင်

သုင်- တႅမ်ႇ လႄႈ တႅမ်ႇ- သုင်။
----------------------------------
ယူႇတီႈသုင်သုင်သေ မုင်ႈတူၺ်းလူင်းၵႂႃႇတီႈတႂ်ႈၼႆႉ ငၢႆႈဢိူဝ်ႈ ၶေႃးၵေႃႈတေဢမ်ႇၵူၼ်ႉ၊ ပေႃးလူင်းၵႂႃႇၵေႃႈ ငၢႆႈ မိူၼ်ၵၼ်ၼၼ်ႉယဝ်ႉ။
ယူႇတီႈတႅမ်ႇတႅမ်ႇသေ မုင်ႈၶိုၼ်ႈတီႈသုင်သုင်ၼၼ်ႉ ၶႂ်ႈယၢပ်ႇဝႆႉ လႆႈႁႅၼ်ၼႃႈႁႅၼ်တႃ ၶေႃးၵေႃႈၶႂ်ႈၵူၼ်ႉဝႆႉ၊ သင်ဝႃႈၶိုၼ်ႈၵႂႃႇၼႆၵေႃႈ တေယၢပ်ႇမိူၼ်ၵၼ် တေလႆႈႁိူဝ်ႉ။

ၵွပ်ႈသင်လႄႈၵွတ်းၽၢၼ်

ၵွပ်ႈသင်ႄလႈ ၵွတ်းၽၢၼ်

--------------------------
မီးၵူၼ်းၽၢၼ်ၵေႃႉၼိုင်ႈ မႃးထၢမ်ၽြႃးပဵၼ်ၸဝ်ႈဝႃႈ၊ ၵွပ်ႈသင်လႄႈ ၵူၼ်းၸိူင်ႉၶႃႈႁဝ်းၼႆႉ ၵွတ်းၽၢၼ်ၶၢၼ်ၸႂ် တူၵ်းၵိၼ်းတၢၼ်ႇၼႆႉၶႃႈၼေႃ----၊

ပၢႆးဝူၼ်ႉၶပ်ႉလႄႈ ပီႈၼွင်ႉတႆး

ပၢႆးဝူၼ်ႉၶပ်ႉ လႄႈ ပီႈၼွင်ႉတႆး
=====================

ပၢႆးဝူၼ်ႉၶပ်းၼႆႉ လမ်ႇလွင်ႈတႃႇပီႈၼွင်ႉတႆးႁဝ်းတေႉတေႉ၊ ၵွပ်ႈသင်လႄႈပေႃးၼႆၸိုင် ၵွပ်ႈဝႃႈ ပၢႆးဝူၼ်ႉၶပ်ႉၼႆႉ မၼ်းႁဵတ်းႁႂ်ႈႁဝ်းပွင်ႇဝႃႈ ၵူၼ်းၵေႃႉၼိုင်ႈလႄႈၵေႃႉၼိုင်ႈ တၢင်းဝူၼ်ႉဢမ်ႇမိူၼ် ၵၼ်ၼႆၼၼ်ႉယဝ်ႉ။

ၵႂၢမ်းၵၼ်ႇတေႃးဢေႃးၵႃႇသ လႄႈ ၵွၢမ်းတၢင်ႇသွမ်း ၽြႃးပဵၼ်ၸဝ်ႈ

                        ၵႂၢမ်းၵၼ်ႇတေႃး ဢေႃးၵႃႇသ [ပၢၼ်ၵဝ်ႇ]

    ဢေႃးၵႃႇသ ၵႃႇယၵမ်ႇ ဝၸီႇၵၢမ်ႇ မၼေႃးၵၢမ်ႇ ၼင်ႇၵႃႈတူဝ်ႁဵတ်း သူပ်းဝႃႈ ၸႂ်ၵျၢမ်ႇ ပဵၼ်ၵၢမ်ႇတုၸရူိၵ်ႈ ၶူိင်ႈမူိၵ်ႈ လမ်လၢင်ႇ မဝ်ႇၸၢင်ႇမဝ်ႇၸႅတ်ႈ ဢပႅတ်ႈလၢႆမဵဝ်းၸိူဝ်ႈၼၼ်ႉ ဢၵျူဝ်းပုၼ်ႈတႂၢၵ်ႈ ပေႇပၢၵ်ႈဢဝ်ႁၢႆ ယၢမ်းၼႆတမ်ႈတီႈ ၽြႃးရတၼႃႇ တြႃးရတၼႃႇ သင်ႇၶႃႇရတၼႃႇ တမ်ႈတီႈရတၼႃႇ ၸဝ်ႈမျၢတ်ႈသၢမ်ပိူင်ၸိူဝ်းၼၼ်ႉ ၶႃႈ

လၢႆးလၢတ်ႈၵႂၢမ်း ဢင်ႇၵႃႇႁႃႈပိူင်

လၢႆးလၢတ်ႈၵႂၢမ်း ဢင်ႇၵႃႇ ႁႃႈပိူင်
--------------------------------------
႑ႉ လၢတ်ႈမိူဝ်ႈ မႅၼ်ႈၶိင်ႇ မႅၼ်ႈယၢမ်း။
႒ႉ လၢတ်ႈဢၼ်မၢၼ်ႇမႅၼ်ႈ ၸိုဝ်ႈၸႂ်ႈ။

႓ႉ ယႃႇလၢတ်ႈသဵင်ၶႅင် ႁႂ်ႈလၢတ်ႈသဵင်လီ သဵင်ဝၢၼ် ဢူၼ်ႈဢွၼ်ႇ။
႔ႉ လၢတ်ႈႁႂ်ႈ မီးၽွၼ်းလီ တႃႇပိူၼ်ႈတႃႇႁဝ်း။
႖ႉ ဢဝ်မျၢတ်ႉတႃႇၼမ်းၼႃႈသေလၢတ်ႈ။
ပေႃးလၢတ်ႈႁႂ်ႈတဵမ်ထူၼ်ႈၼႂ်း ဢင်ႇၵႃႇ ႁႃႈပိူင်ၼႆႉၼႆၸိုင် ပဵၼ် သုၽႃႇသိတႃဝႃႇၸႃ ယဝ်ႉ။

ပၢႆးဝူၼ်ႉၶပ်ႉ

တေႁဵတ်းႁိုဝ် ဢဝ်မၢၵ်ႇၽိတ်ႉပွမ်ႈလဵင်ႉႁႂ်ႈမႅဝ်းၵိၼ်

 ေတႁဵတ်းႁိုဝ် ဢဝ်မၢၵ်ႇၽိတ်ႉပွမ်ႈ လဵင်ႉႁႂ်ႈမႅဝ်းၵိၼ်?
-------------------------------------------------------------
မိူဝ်ႈၵူႈပွၵ်ႈ လႆႈငိၼ်းဝႃႈ တီႈၶေႃးမႅဝ်းၼၼ်ႉ တေႁဵတ်းႁိုဝ် ဢဝ်ႁဵင်ႇၵႂႃႇႁွႆႈပၼ် ၼႆၼၼ်ႉ ယၢမ်ႈပဵၼ်ပၼ်ႁႃလူင်မႃးဢၼ်ၼိုင်ႈယဝ်ႉ။
ၵွပ်ႈမႅဝ်းလၵ်းလႅမ်ႁိုဝ် ႁၢႆႉႁိုဝ်တေႉဢမ်ႇႁူႉ သမ်ႉၶႂ်ႈႁၢႆ့ ဝႆႉလႄႈ ၸိူဝ်းပဵၼ်ၼူၼၼ်ႉ ၸင်ႇဢွၼ်ၵၼ် ၵုမ်ၵၼ်

တူၼ်ႈမႆႉလူင် လႄႈ ၽူႈမီးပၺ်ႇၺႃႇယႂ်ႇ

တူၼ်ႈမႆႉလူင် လႄႈ ၽူႈမီးပၺ်ႇၺႃႇယႂ်ႇ
-------------- ----- -----------------
ပိူင်ပဵၼ်တူၼ်ႈမႆႉၼႆႉ ၼိုင်ႈတူၼ်ႈယႂ်ႇ ၼိုင်ႈသုင်လီ ၵႃႈႁိုဝ်ၵေႃႈ ၵိင်ႇမၼ်းၵေႃႈ လူဝ်ႇမီးၼမ် ၽိူဝ်မၼ်းၵေႃႈ လူဝ်ႇၶဵဝ်ယူႇၼၼ်ႉယဝ်ႉ၊ ပေႃးပဵၼ်ၼၼ်ၵွၼ်ႇ ၸွင်ႇတေ ပၼ်တၢင်းၵတ်းယဵၼ် ၼူၵ့်ၶဝ်တင်းလၢႆလႄႈ တူၼ်ႈမၼ်း ၵေႃႈၸွင်ႇတေႁၢင်ႈလီ ၼႆယဝ်ႉ။
ပေႃးတူၼ်ႈမၼ်းသုင်လၢႆလၢႆၵူၺ်း ဢမ်ႇမီးၵိင်ႇ ဢမ်ႇမီးမႂ်သင်ၵေႃႈ လႆႈတင်းဝႃႈသုင် လၢႆလၢႆၵူၺ်း တေဢမ်ႇမီးၽွၼ်းလီ တႃႇၼူၵ်ႉၶဝ်တင်းလၢႆ လႄႈ တေဢမ်ႇၸၢင်ႈပိုင်ႈႁူမ်ႈ ပိုင်ႈၽူၺ်းၼႆၼၼ်ႉယဝ်ႉ။

ဢၼ်ၽိတ်းၼၼ်ႉမႄးႁႂ်ႈလိ 528 လႄႈ 1500

ဢၼ်ၽိတ်းၼၼ်ႉ မႄးႁႂ်ႈလီ

႕႒႘ လႄႈ ႑႕႐႐ 528 လႄႈ 1500

----- ---- ------ ----- ----- -------

ၵူၼ်းႁုၼ်ႈယႂ်ႇႁဝ်းတေႃႈလဵဝ် ဢဝ်လွင်ႈဢၼ်ၽိတ်း

သေ ၵႆႉႁၼ်ဢုပ်ႇၵၼ် လၢတ်ႈတေႃႇၵၼ် ၵပ်းၵၢႆႇလူၺ်ႈ လွင်ႈႁၵ်ႉလွင်ႈပႅင်း မွၵ်ႇလၢတ်ႈၼႄၵၼ် လွင်ႈႁၵ့်ၽႂ်မၼ်း ၼိူဝ်ၵၼ်ယူႇ။ 

ဢမ်ႇမီးသင်၊ တၢင်းႁၵ်ႉႁဝ်းသွင်ၵေႃႉၼႆႉသိုဝ်ႈယူဝ်းတေႃႇၵၼ်၊ ဢၼ်ႁဝ်း ႁၵ်ႉၼိူဝ်သူၼႆႉ ပဵၼ်တၢင်းႁၵ်ႉ

ႁဵတ်းသင်ၵေႃႈ ယႃႇႁႂ်ႈလွတ်ႈတၢင်းႁူႉ

ယႃႇႁႂ်ႈလွတ်ႈတၢင်းႁူႉ
-----------------------------
ႁဵတ်းသင်ၵေႃႈယဝ်ႉ ယႃႇႁႂ်ႈမၼ်းလွတ်ႈ ယႃႇႁႂ်ႈမၼ်းႁၢမ်း တၢင်းႁူႉ။ ၸဵမ်လွင်ႈယူႇလွင်ႈသဝ်း၊ ၼႃႈၵၢၼ်တႃငၢၼ်း၊
လွင်ႈႁၵ်ႉလွင်ႈပႅင်းၸၵႂႃႇၸိူဝ်းၼႆႉ၊ ပေႃးႁၢမ်းသေတၢင်းႁူႉ ပေႃးၼႆ တေဢမ်ႇၶိုၼ်ႈသၢင်ႉၶိုၼ်ႈသုင်လႆႈ၊ ယဝ်ႉၵေႃႈ တေဢမ်ႇမီးလွင်ႈဢုၼ်ႇၸႂ်။

ၵႂၢမ်းလိၵႂၢမ်းဝၢၼ်လၢႆလၢႆၵေႃႈ ဢမ်ႇၸႂ်ႈၵႂၢမ်းမၢၼ်ႇမႅၼ်ႈမူတ်း

ၵႂၢမ်းလီၵႂၢမ်းဝၢၼ် လၢႆလၢႆၵေႃႈ ဢမ်ႇၸႂ်ႈၵႂၢမ်းမၢၼ်ႇမႅၼ်ႈမူတ်း

----------------------------------------------------------------
မိူဝ်ႈလၢတ်ႈတေႃႇပိူၼ်ႈတေႉ ပဵၼ်ၵႂၢမ်းလီၵႂၢမ်းဝၢၼ်လၢႆလၢႆ
ၵူၺ်းၵႃႈ ၼႂ်းလေႃးၵလူင်ၼႆႉ ၶေႃႈၵႂၢမ်းဢၼ်လၢတ်ႈ ထုၵ်ႇႁူ
ထုၵ်ႇၸႂ်မူတ်းၵေႃႈ ပေႃးၵႂႃႇယုမ်ႇဝႃႈ ပဵၼ်ၶေႃႈၵႂၢမ်းလီ
မၢၼ်ႇမႅၼ်ႈမူတ်းၼႆတေႉ ၽိတ်းပိူင်ႈမူတ်းယဝ်ႉ။
ၵႂၢမ်းထုင်းတေႉမီးဝႆႉဝႃႈ
ၵႂၢမ်းလီ ၶဝ်ႈႁူၽႂ်ဢမ်ႇၸႃႉ
ၵႂၢမ်းၸႃႉၶဝ်ႈႁူၽႂ်ဢမ်ႇလီ၊ ဢၼ်ဝႃႈၼၼ်ႉတေႉ
ၸႂ်ႈယူႇၵူၺ်းတေဢမ်ႇၸႂ်ႈ ႁူဝ် 100% တဵမ်။
မိူဝ်ႈၶဝ်မီးတၢင်းလူဝ်ႇ တီႈပိူၼ်ႈၼၼ်ႉ လၢတ်ႈလီလၢတ်ႈဝၢၼ်။
မိူဝ်ႈၶဝ်ဢမ်ႇမီးတၢင်းလူဝ်ႇၼၼ်ႉ လၢတ်ႈၵႂၢမ်းပွတ်းၵႂၢမ်းပႅတ်း။
မိူဝ်ႈၶဝ်ဢမ်ႇလႆႈၸႂ်ပိူၼ်ႈၼၼ်ႉ လၢတ်ႈလႃႇပေႃးဢမ်ႇမီးတီႈ
လီဢဝ်။
လၢတ်ႈၵႂၢမ်းၸႃႉမႃး ႁဝ်းဢမ်ႇလႆႈၶီ
လၢတ်ႈၵႂၢမ်းလီမႃး ႁဝ်းလႆႈယၢပ်ႇ။ ဢၼ်ဝႃႈၼၼ်ႉ ၵမ်ႈၽွင်ႈၼႆႉ တေႁဵတ်းၵဵင်ႈလၢတ်ႈၵႂၢမ်းဝၢၼ် တႃႇတေ
လႆႈလီ လႆႈပဵၼ်ပုၼ်ႈသုၼ်ႇတူဝ်ၶဝ်ၼႆၼၼ်ႉယဝ်ႉ။ ၵူၺ်း ၼႂ်းၸႂ်မၼ်းတေႉ တေၶူမ်လိူဝ်သေ မၢၵ်ႇႁႅင်ႈၶူမ်ၵွၼ်ႇ။
ၼႂ်းၵူၼ်းႁဝ်းၼႆႉ ဢၼ်လီလႆႈၵူဝ်သေပိူၼ်ႈသုတ်းၸမ့် သူပ်းတေႉလၢတ်ႈဝၢၼ်တေႃႇပိူၼ်ႈသေ ၸႂ်ၶဝ်သမ်ႉၶူမ်ၼႆ ၼၼ်ႉယဝ်ႉ။ မိူဝ်ႈဢမ်ႇႁူႉၼၼ်ႉတေ့ တေႁဵတ်းၵေႃႉၵူၼ်း
ၸၼၼ်ႉယူႇ။ မၼ်းမိူၼ်ၵူၼ်းပျႃႉၸၢတ်ႈ ဢမ်ႇမီးၵေႃႈ လၢတ်ႈဢဝ်ၼၼ်ႉယဝ်ႉ။
မိူဝ်ႈဢမ်ႇႁူႉတေႉ လၢတ်ႈတေႃႇၵၼ် ႁဵတ်းၵၢၼ်ၸွမ်း ၵၼ် ၽိူဝ်ႇႁူႉမႃး ပဵၼ်တၢင်းၽိတ်းလၢႆလၢႆ မႃးပူဝ်ႉသႂ်ႇႁူဝ် ႁဝ်းၵေႃႈ မီးယဝ်ႉ။
တေလႆႈၽၢင်ႉဝႆႉ ၼႂ်းၵူၼ်းတင်းလၢႆၼၼ်ႉ ၵူၼ်းမေႃ လၢတ်ႈၵႂၢမ်းလီၵႂၢမ်းဝၢၼ်ၶဝ်။ တေလႆႈၵူဝ်ဝႆႉမိူၼ်ၼင်ႇငူး ၶဵဝ်ၼိူဝ်မႆႉၼၼ်ႉ ၽိူဝ်ႇႁူႉတူဝ်မႃး ငူးပေႃးမႃးမီးယူႇၼိူဝ် ႁူဝ်ႁဝ်းၼႆတေႉ ယၢပ်ႇဢိူဝ်ႈ။
ယွၼ်ႉၼၼ်
ၵႂၢမ်းလီၵႂၢမ်းဝၢၼ်လၢႆလၢႆၵေႃႈ ယႃႇထၢင်ႇဝႃႈ ပဵၼ်ၵႂၢမ်း မၢၼ်ႇမႅၼ်ႈၸိုဝ်ႈၸႂ်မူတ်းမူတ်း။
လၢတ်ႈၵႂၢမ်းလီၵႂၢမ်းဝၢၼ်သေ ၼႂ်းၸႂ်သမ်ႉဢမ်ႇပဵၼ် ၸိူင်ႉၼင်ႇဢၼ်ၶဝ်လၢတ်ႈၼႆတေႉ တေဢမ်ႇယူႇႁိုင်လႆႈ လူၺ်ႈဢူၺ်းၵေႃႉ။
ၼႂ်းလုၵ်ႈၼႆႉ ၵူၼ်းဢၼ်ၵႆႉၺႃးပိူၼ်ႈလႅၼ်ၵိၼ်ၼၼ့် ဢမ်ႇၸႂ်ႈဝႃႈ ပိူၼ်ႈလၢတ်ႈၵႂၢမ်းၵျၢမ်း ၵႂၢမ်းလိူင်းသေလႄႈ ၺႃးပိူၼ်ႈလႅၼ်ၵိၼ်ဢမ်ႇၸႂ်ႈ၊ လၢတ်ႈၵႂၢမ်းလီၵႂၢမ်းဝၢၼ် ပေႃးတၢၼ်ႇၼမ်ႉၽိုင်ႈသေ လႅၼ်ၵိၼ်ပိူၼ်ႈၵႂႃႇလၢႆလၢႆယဝ့်
ၵႂၢမ်းလီၵႂၢမ်းဝၢၼ်သေ ၸႂ်ဢမ်ႇလီဢမ်ႇဝၢၼ်ၸွမ်း ၼၼ်ႉ ၸူဝ်ႈၵႅပ်ႉၵမ်းၵူၺ်းတေႉ ဢမ်ႇတၼ်းႁူႉၶဝ်လႆႈ။
ၶူဝ်းၶွင်ၸဝ်ႈၵဝ်ႇ လႆႈပႃးၵႂႃႇၸွမ်းယဝ်ႉသေ ၸွင်ႇၵွႆႈႁူႉၼၼ်ႉ ႁမ်ႉၼမ်ယဝ်ႉ။
ၵွပ်ႈဢမ်ႇႁူႉလႄႈ ပၼ်ၵႂႃႇ၊ ယဝ်ႉၵေႃႈ ၸွမ်းၸႂ်ၶဝ်၊ ၵွပ်ႈထွမ်ႇၶဝ်လၢတ်ႈသေလႄႈ ဢမ်ႇတၼ်းႁူႉလႆႈ ၸႂ်ၶဝ် ၼႆၼၼ်ႉယဝ်ႉ။ ပေႃးႁိုင်ယဝ်ႉ ၸွင်ႇၵွႆႈႁူႉဝၢႆးလင်ၸမ်ႉ ၵႂၢမ်းဝၢၼ်ၼၼ်ႉ ၶူမ်လိူဝ်သေ မၢၵ်ႇႁႅင်ႈၶူမ်ထႅင်ႈလူး
ၵွၼ်ႇ။
ၸွင်ႇၵွႆႈႁူႉတူဝ်ဝၢႆးလင်ၼႆႉ လႆႈၸဵပ်းၸႂ်လိူဝ်သေ လႆႈႁူႉၸွမ်းၵမ်းလဵဝ်ၼၼ်ႉယဝ်ႉ။
ၵႂၢမ်းလီၵႂၢမ်းဝၢၼ်လၢႆလၢႆၵေႃႈ တေဢမ်ႇၸႂ်ႈ ၼမ်ႉၸႂ် လီၼမ်ႉၸႂ်ဝၢၼ်သေလၢတ်ႈမူတ်းꧦ ဢၼ်ဝႃႈၼၼ်ႉ ၶႂ်ႈႁူႉဝႆႉ တီႈတူဝ်ၽႂ်ၸႂ်မၼ်းလႄႈ မႃးပၼ်ၾၢင်ႉၵၼ်ဝႆႉ။
ဢမ်ႇမၢႆထိုင်ဝႃႈ ၵႂၢမ်းလီၵႂၢမ်းဝၢၼ်မူတ်းၼင်ႇၵဝ်ႇ မၼ်းယူႇတီႈ တူဝ်ၽူႈၵေႃႉဢၼ်လၢတ်ႈၼၼ်ႉသေ ထုၵ်ႇ
လီယုမ်ႇၵေႃႈယုမ်ႇ ဢမ်ႇထုၵ်ႇလီယုမ်ႇၵေႃႈ ယႃႇယုမ်ႇ။
ၵူၼ်းႁဝ်းၼႆႉၵမ်ႉပႃႈၼမ် ပေႃးဢမ်ႇမီး ပၺ်ႇၺႃႇၶၢမ်ႇ ပိုၼ်ႉမၼ်းဝႆႉၼႆ ပိူၼ်ႈလၢတ်ႈသင်ၵေႃႈ ၸၢင်ႈယုမ်ႇငၢႆႈ ၼၼ်ႉယဝ်ႉ။ ယွၼ်ႉဢမ်ႇမီးပၺ်ႇၺႃႇ ဢၼ်ထတ်းသၢင်ႈ ၶေႃႈၵႂၢမ်းပိူၼ်ႈ၊ လၢတ်ႈတေႉႁ လၢတ်ႈလဵၼ်ႈႁ ဢၼ်ဝႃႈ
ၼၼ်ႉ။
မၢင်မဵဝ်း ပေႃးလႆႈယုမ်ႇၵေႃႈ ယုမ်ႇတၢႆၼၼ်ႉယဝ်ႉ။ ၽူႈလူင်ႉလႅၼ်ႇၶဝ် မႃးသပ်းလႅင်းၼႄ ပၢႆၶႂ်ႈၸႂ်လမ်ၶဝ် ၶိုၼ်းသေၵွၼ်ႇ။
လွင်ႈယုမ်ႇဢၼ်ဝႃႈၼၼ်ႉၵေႃႈ လိူဝ်သေယုမ်ႇ
ၽြႃး တြႃး သင်ႇၶႃႇ သြႃႇ မႄႈပေႃႈ -ဢၼၼ်ႇတႁႃႈၸဝ်ႈ ယဝ်ႉ လိူဝ်သေၼၼ်ႉ တေလႆႈထတ်းသၢင်ႈသေယုမ်ႇ။
ၵိုင်ႉၵင်ႉယုမ်ႇၵေႃႈ ၸၢင်ႈၶီ ဢၼ်ဝႃႈၼၼ်ႉ မိူၼ် တေႇဝတၢတ်ႈ ပႃးလုၵ်ႈၼွင်ႉႁႃႈပၢၵ်ႇသေ ၵႂႃႇၵႃႉၼၼ်ႉ ၵႂႃႇၺႃး ၽီၽၢႆးၶဝ်ၽၢၼ်ႇႁဵတ်းၵူၼ်းသေလႅၼ်ဝႃႈ ´တင်းၼႃႈၼႆႉ ၶဝ်ႈၼမ်ႉတၢင်းၵိၼ်လိူင်ႇၼႃႇ ဢၼ်သူပႃးမႃးၼၼ်ႉ ဢမ်ႇတၢပ်ႈလူဝ်ႇဢဝ်ၵႂႃႇၼၵ်းႁဵတ်းသင် ထွၵ်ႇပႅတ်ႈမူတ်းမူတ်းသေ ၵႂႃႇမဝ်တူဝ်မဝ်ၸႂ်သူလႃႈ´ တူၺ်းလူး ဝူဝ်းသူၼၼ်ႉ ပေႃးဢွမ်ႇၶႂ်ႈပေႉလၢၵ်ႈလေႃႉယဝ့်
ယွၼ်ႉမၼ်းၼၵ်း လၢတ်ႈၸိူင်ႉၼႆသေ တေႇဝတၢတ်ႈၵေႃႈယုမ်ႇ ၵႂၢမ်းၽီလူး ၸိူဝ်းၼၼ်ႉငၢႆႈငၢႆႈ ယဝ်ႉၵေႃႈ ထွၵ်ႇပႅတ်ႈၶဝ်ႈၼမ်ႉတၢင်း
ၵိၼ်ၶဝ်မူတ်း ထၢင်ႇဝႃႈတင်းၼႃႈမီးၶဝ်ႈၼမ်ႉတၢင်းၵိၼ်တေႉ ၽိူဝ်ႇၵႂႃႇ ဢမ်ႇမီးသင်ၵိၼ်ယဝ်ႉလႄႈ ဢမ်ႇမီးႁႅင်းသေ ဢဝ်ပဵၼ်တၢင်းၵိၼ်ၽီၽၢႆးၵႂႃႇပႅတ်ႈတင်းမူတ်း တႃႇၵူၼ်းႁႃႈပၢၵ်ႇၼၼ်ႉ။
ယွၼ်ႉယုမ်ႇငၢႆႈ ဢမ်ႇမီးၶေႃႈထတ်းသၢင်ႈ ၸႂ်ႈတေႉ
ဢမ်ႇၸႂ်ႈတေႉဢၼ်ဝႃႈၼၼ်ႉယဝ်ႉ။
ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ-- ၸဝ်ႈၶမ်းလဵၵ်ႉ

ပေႃးမေႃထွမ်ႇ လႆႈပၺ်ႇၺႃႇ

ပေႃးမေႃထွမ်ႇ လႆႈပၺ်ႇၺႃႇ
-------------------------------
လႆႈၼႅင်ၸႂ် ယွၼ်ႉၵႂၢမ်းလၢတ်ႈ၊ လႆႈမီးပၺ်ႇၺႃႇ ယွၼ်ႉထွမ်ႇ ၼႆယဝ်ႉ။
ၵႂၢမ်းလီ ၵႂၢမ်းမီးၵႃႈၶၼ်ၸိူဝ်ႉၼၼ်ႉ ပေႃးပိူၼ်ႈလၢတ်ႈၼႆ ထွမ်ႇလႄႈ မၼ်းၸၢင်ႈႁဵတ်းႁႂ်ႈၶိုၼ်း မႄးလီ တီႈတူဝ်ၸႂ် ၸဝ်ႈၵဝ်ႇယဝ်ႉ။ ပေႃးထွမ်ႇၼမ်မႃး ၸဝ်ႈၵဝ်ႇၵေႃႈလႆႈပၺ်ႇၺႃႇၸွမ်းသေပဵၼ်ၵူၼ်းမီးပၺ်ႇၺႃႇ
ယွၼ်ႉမေႃထွမ်ႇၼႆၼၼ်ႉယဝ်ႉ။
ပေႃးမေႃ ထွမ်ႇဢဝ် လႆႈပၺ်ႇၺႃႇ
ပေႃးမေႃ ထွမ်ႇဢဝ် တွင်းလႆႈလီ
ပေႃးမေႃ ထွမ်ႇဢဝ် မေႃလၢတ်ႈလႆႈလီ။
လွင်ႈထွမ်ႇဢၼ်ဝႃႈၼၼ်ႉၵေႃႈ ယႃႇဝႆႉမၼ်းပဵၼ် ၵၢၼ်ဢၼ်မဝ်မၢင်လႃးလႃး မၼ်းပဵၼ်လွင်ႈယႂ်ႇဢၼ်
ၼိုင်ႈသေ တေႁဵတ်းႁႂ်ႈသၢင်ႇထုၵ်ႇမႃးလိူဝ်ၵဝ်ႇဢိူဝ်ႈ။
လွင်ႈထွမ်ႇဢၼ်ဝႃႈၼႆႉ ယွၼ်ႉမၼ်းလွင်ႈယႂ်ႇလႄႈ သၽႃႇဝ ပိူင်ပဵၼ်မၼ်း ပၼ်မႃးႁူသွင်ၽၢႆႇၼႆႉယူႇယဝ်ႉ။
ၵမ်ႉၼမ် တေၵႆ့ထွမ်ႇ ဢၼ်ဢမ်ႇၸိုဝ်ႈ ဢၼ်ဢမ်ႇၸႂ်ႈ ၸိူဝ်းၼၼ်ႉလၢႆလၢႆယဝ်ႉ ပေႃးထွမ်ႇယဝ်ႉၵေႃႈ ၸဝ်ႈၵဝ်ႇ ၵေႃႈၵႆႉပဵၼ်ၵူၼ်း ဢမ်ႇၸိုဝ်ႈဢမ်ႇၸႂ်ႈၼႆၼၼ်ႉယဝ်ႉ။
ပေႃးပဵၼ်လႆႈ ၶႂ်ႈႁႂ်ႈထွမ်ႇဢၼ် ပၼ်တၢင်းႁူႉ တၢင်းၶႆႈ ၸႂ်ၸဝ်ႈၵဝ်ႇလႄႈ ဢၼ်တေႁဵတ်းႁႂ်ႈ ၸဝ်ႈၵဝ်ႇ လႆႈလီလႆႈ ပဵၼ်ၵႂႃႇၼၼ်ႉၵူၺ်း။
ပေႃးၵႂႃႇၺႃး တီႈၸိူင်ႉၼၼ် ၵမ်ႈၽွင်ႈတေဢမ်ႇၶႂ်ႈ ထွမ်ႇ ဢမ်ႇၸၢင်ႈႁဵတ်းႁိုဝ်လႄႈ ယူႇၵႂႃႇ ထွမ်ႇၵႂႃႇႁဵတ်း ၼၼ်ၵူၺ်း၊ ဢမ်ႇႁူႉ ဢမ်ႇဝူၼ်ႉဝႃႈ ၶေႃႈၵႂၢမ်းၶဝ်လၢတ်ႈ ၼၼ်ႉမီးၽွၼ်းလီၵႃႈႁိုဝ်ၼႆ။ ပေႃးၵႂႃႇၺႃးတီႈၸိူင်ႉၼၼ် လႄႈ ဢမ်ႇမေႃထွမ်ႇဢဝ်ပေႃးၼႆ လႆႈဝႃႈလုတ်ႈၵႂႃႇသုမ်းၵႂႃႇ သုၼ်ႇလႆႈ သုၼ်ႇပဵၼ်ၸဝ်ႈၵဝ်ႇ ဢၼ်ၼိုင်ႈၼၼ်ယဝ်ႉ။
တေလႆႈၶတ်းၸႂ် ဝၢင်းၽႃႈ ဢၼ်ထွမ်ႇဢမ်ႇၸိုဝ်ႈ
ဢမ်ႇၸႂ်ႈ ၼၼ့်သေ ၶတ်းၸႂ်ထွမ်ႇ ဢၼ်ၸိုဝ်ႈဢၼ်ၸႂ်ႈ
ၼၼ်ႉဢိူဝ်ႈ၊ ယဝ်ႉၵေႃႈႁႂ်ႈပႃးတင်းယၢမ်ႈပၼ်။
ၸဝ်ႈၵဝ်ႇတေလႆႈထတ်းသၢင်ႈတူၺ်းၼႂ်းၸႂ်ၸဝ်ႈၵဝ်ႇ ပေႃးဝႃႈ ပႆႇမီးလွင်ႈယၢမ်ႈဢၼ်ထွမ်ႇ ပေႃးဝႃႈပႆႇမီး လူဝ်ႇ ၶတ်းၸႂ်ႁႂ်ႈမီးမႃးဢိူဝ်ႈ။ ပေႃးထွမ်ႇၵေႃႈ ယႃႇပေထွမ်ႇ မဝ်မဝ်မၢင်မၢင်၊ ပေႃးထွမ်ႇမဝ်မဝ်မၢင်မၢင်ၵေႃႈ တေလႆႈ မဝ်မဝ်မၢင်မၢင်ၼၼ်ႉၵူၺ်း။
ၵပ်းၵၢႆႇလူၺ်ႈ လွင်ႈထွမ်ႇၼႆႉသေ မီးယူႇ ဢင်ႇၵႃႇ ပႅတ်ႇပိူင်
႑ႉ ပေႃးပိူၼ်ႈလၢတ်ႈ ၵမ်ႉၼမ်ၵူၼ်းထွမ်ႇလႄႈ ဢၼ်ၶဝ်ႈ
ၸႂ်ထွမ်ႇမၼ်းမီးဢႄႇ ယဝ်ႉၵေႃႈဢၼ်တိုၵ်ႉလၢတ်ႈယူႇၼႆႉ သင်ပဵၼ်ဝႃႈတူဝ်ၸဝ်ႈၵဝ်ႇၼႆ တေလီၵႃႈႁိုဝ်ၼႆၼၼ်ႉယဝ့်။
ၽၢင်ႉပၼ် ယႃႇႁႂ်ႈမီးၸႂ်ၶီႈၵေ့ ပိူၼ်ႈလၢတ်ႈၸိူင်ႉၼၼ်။
႒ႉ ၵေႃႉလၢတ်ႈၼၼ်ႉၵေႃႈ လူဝ်ႇလႆႈပႃးၸႂ်ပႃးၶေႃး ၶဝ်ႈၸႂ် ၶဝ်ႈၶေႃးသေလၢတ်ႈ။ တေလႆႈပႃးၸႂ်ၸေတၼႃႇတဵမ်ထူၼ်ႈ လၢတ်ႈႁႂ်ႈပဵၼ်ၵႂၢမ်း မီးႁႅင်းၸႂ်၊ လႄႈ ၵႂၢမ်းယွင်ႈယေႃး။ ပေႃးလၢတ်ႈယဝ်ႉ တေလႆႈမီး ၶေႃႈထၢမ်လႄႈ ၶေႃႈတွပ်ႇ ၵူၼ်းထွမ်ႇလႄႈ ၵူၼ်းလၢတ်ႈ။
႓ႉ ပေႃးပိူၼ်ႈတိုၵ်ႉလၢတ်ႈယူႇၼၼ်ႉ ယႃႇဢဝ်ၸႂ်ၸဝ်ႈၵဝ်ႇ ၵႂႃႇႁွတ်ႈတီႈၼိုင်ႈယဝ်ႉတီႈၼိုင်ႈ တေလႆႈႁၢမ်ႈတၢပ်ႈပၼ် သင်ပဵၼ်ၼၼ်။ မၼ်းလၢတ်ႈၵႂၢမ်းယၢဝ်းၵေႃႈယဝ်ႉ ဢမ်ႇ ၼၼ် ဢမ်ႇပေႃးမီးၽွၼ်းလီၵေႃႈယဝ်ႉ ပေႃးထွမ်ႇပၼ် တေလႆႈႁူႉၼမ်ႉၸႂ်ၵေႃႉလၢတ်ႈၼၼ်ႉ ဝႃႈမၼ်းပဵၼ်ၵူၼ်း ၸိူင်ႉႁိုဝ်ၼႆၼၼ်ႉယဝ်ႉ။ ယဝ်ႉၵေႃႈ တေႁဵတ်းႁႂ်ႈၸဝ်ႈၵဝ်ႇ မီးတၢင်းယိုၼ်ႉၵၼ်ႈလႆႈလႄႈ မီးတၢင်းယၢမ်ႈမႃးၼႆယဝ်ႉ။
႔ႉ ၼႂ်းၸူဝ်ႈၶၢဝ်းလဵဝ် တီႈလဵဝ်ၵၼ် ပေႃးလႆႈယူႇၼႂ်းၵၢင် သေလႆႈငိၼ်း တင်းသွင်ၽၢႆႇသွင်တၢင်းပေႃးၼႆ လိူၵ်ႈထွမ်ႇ ဢၼ်မီးၵႃႈၶၼ်လႄႈ ဢၼ်တေလႆႈၽွၼ်းလီၼၼ်ႉဢိူဝ်ႈ။
ယႃႇပေထွမ်ႇတင်းသွင်ၽၢႆႇ မၼ်းတေဢမ်ႇလႆႈသင်တေႉ တေႉ။
႕ႉ ပေႃးလႆႈၼင်ႈထွမ်ႇၼႆယႃႇဝႆႉၸႂ်ၸဝ်ႈၵဝ်ႇ ဢုပ်ႇဢၢပ်ႇၼႃႇ ယွၼ်ႇၸႂ်ဝႆႉလီလီသေထွမ်ႇၵႂႃႇၼႆႉလီသေ ပိူၼ်ႈယဝ်ႉ။ ၸႂ်ဢုပ်ႇဢၢပ်ႇ ဢၼ်ဝႃႈၼၼ်ႉၵေႃႈ ပဵၼ်ၸႂ် ၵမ်ႉၶႂ်ႈလုၵ်ႉ ၵမ်ႉၶႂ်ႈၼင်ႈ ၶႂ်ႈၶဝ်ႈ ၶႂ်ႈဢွၵ်ႇ ပဵၼ်ၸႂ်ဢမ်ႇမီး သမႃႇထိၼၼ်ႉယဝ်ႉ။ ယဝ်ႉၵေႃႈ ႁူမ်ၸူမ်းပၼ် ၵေႃႉဢၼ် ႁဝ်းလႆႈမႃးထူပ်းလႄႈ လႆႈမႃးထွမ်ႇ ၶေႃႈၵႂၢမ်းမၼ်းလၢတ်ႈ
ၼႆၼၼ်ႉယဝ်ႉ။
႖ႉ တေလႆႈဝႆႉၸႂ် မိူၼ်ၸိူင်ႉၼင်ႇ ဢူၺ်းၵေႃႉဢူၺ်းသေႈ သေ မိုတ်ႈꧦၵိုဝ်းꧦထွမ်ႇၵႂႃႇလႄႈ။ ပေႃးၸဝ်ႈၵဝ်ႇထွမ်ႇလီလီ ပေႃးၼႆ ၵူၼ်းလၢတ်ႈမၼ်းၵေႃႈ တေလၢတ်ႈလီလီသေ ပၺ်ႇၺႃႇဢၼ်မၼ်းမီးၼၼ်ႉ မၼ်းတေဢမ်ႇၵိုတ်းဝႆႉ သင်သေ တေလၢတ်ႈပၼ်ႁဝ်းထွမ်ႇမူတ်းမူတ်း။ ၵူၼ်းလၢတ်ႈၼၼ်ႉၵေႃႈ ပေႃးၵူၼ်းထွမ်ႇမၼ်း ပႃးၸႂ်ထွမ်ႇ ၵွၼ်ႇ မၼ်းၸွင်ႇၵွႆႈပႃးၸႂ်လၢတ်ႈယဝ်ႉ။
႗ႉ ဝႆႉၸႂ်ယၢဝ်းယၢဝ်းသေထွမ်ႇ မိူဝ်ႈၶဝ်တိုၵ်ႉလၢတ်ႈယူႇ ၼၼ်ႉ ယႃႇႁိမ်ၶဝ်ႈ(ၸိမ်ၶဝ်ႈ)သေလၢတ်ႈၸွမ်း ယႃႇယႃႉ ယႃႇပၼ်တၢင်းသုၵ်ႉသၵ်ႉၶဝ်။ မိူဝ်ႈၶဝ်လၢတ်ႈပႆႇယဝ့်ၼၼ့် ယႃႇၸၼ်မႃးၽၢႆႇၸဝ်ႈၵဝ်ႇ။
႘ႉ တေလႆႈဝႆႉၸႂ်ဝႆႉတူဝ်ၸဝ်ႈၵဝ်ႇဝႃႈ တေဢမ်ႇလႆႈပဵၼ် ၵူၼ်းယႃႉၵူၼ်းၵဝ်း မိူဝ်ႈပိူၼ်ႈတိုၵ်ႉလၢတ်ႈ တိုၵ်ႉဢုပ်ႇၵုမ် ၵၼ်ယူႇၼၼ်ႉ။ ပေႃးမီးပၢင်ႁူပ်ႉထူပ်း တေလႆႈဝႃႈ ၶဝ်ၼႆႉ မေႃဢဝ်ၶၢဝ်းယၢမ်းလီသေ မေႃဢုပ်ႇဢူဝ်းၵၼ်ၼႆယဝ်ႉ။
ၵူၼ်းႁဝ်းၼႆႉ ႁိုင်ꧦၼၢၼ်းꧦ လူဝ်ႇလႆႈထတ်းသၢင်ႈၶိုၼ်း တီႈတူဝ်ၵဝ်ႇယူႇၵူႈၵေႃႉယဝ်ႉ။ မၼ်းမီးလွင်ႈၽိတ်းပိူင်ႈႁ မီးလွင်ႈဢမ်ႇသၢင်ႇထုၵ်ႇႁ ၼႆၼၼ်ႉ လူဝ်ႇလႆႈႁူႉ ပေႃးႁူႉ ယဝ်ႉၵေႃႈ ၶိုၼ်းမႄးၶိုၼ်းႁႂ်ႈ သၢင်ႇထုၵ်ႇ၊ ႁႂ်ႈလီ။ ယဝ်ႉၵေႃႈ ႁႂ်ႈမေႃတူၺ်းႁၼ်ၽၢႆႇပိူႈၼ်ႈ လႄႈၽၢႆႇႁဝ်း။
ၼႂ်းလေႃးၵၼႆႉ မီးဝႆၵေႃႉလၢတ်ႈလႄႈ ၵေႃႉထွမ်ႇယူႇ သွင်မဵဝ်း။ ပေႃးဢမ်ႇမီးၵေႃႉထွမ်ႇၵေႃႈ ၵေႃႉလၢတ်ႈၼၼ်ႉ
ၵေႃႈဢမ်ႇၸၢင်ႈလၢတ်ႈ။
တႃႇတေပၼ်ႁႅင်းၸႂ် ႁႂ်ႈၽူႈလၢတ်ႈၶဝ် လၢတ်ႈလႆႈ
ၼၼ်ႉ ပဵၼ်ၵေႃႉထွမ်ႇမၼ်းၼၼ်ႉယဝ်ႉ။
ၵမ်ႈၽွင်ႈ တႃႇတေလၢတ်ႈလႆႈ လွင်ႈဢၼ်ၸဝ်ႈၵဝ်ႇ ၶႂ်ႈလၢတ်ႈၼၼ်ႉ လႆႈလဵင်ႉတၢင်းၵိၼ် လႄႈၼမ်ႉၼဵင်ႈ
ၸဵမ်းၸိူဝ်းၼႆႉၵွၼ်ႇယဝ်ႉ။
လၢႆးႁဵတ်းႁႂ်ႈပိူၼ်ႈႁၵ်ႉ ဢၼ်ဝႃႈၼၼ်ႉၵေႃႈ လုၵ်ႉမႃးတီႈ ဢၼ်မေႃထွမ်ႇပၼ် ၼၼ်ႉၵေႃႈပႃးယူႇ ဢၼ်ၼိုင်ႈယဝ်ႉ။
ၵမ်ႈၽွင်ႈထွမ်ႇၵႂႃႇႁဵတ်းၼ် ပဵၼ်ဢူၺ်းၵေႃႉလီၵၼ်ၵႂႃႇ
ၵေႃႈ မီးယဝ်ႉ။
မိူဝ်ႈပိူၼ်ႈတိုၵ်ႉလၢတ်ႈယူႇလႄႈ ႁဵတ်းၽၢင်ႁၢင်ႈ ဢမ်ႇၶႂ်ႈ ထွမ်ႇၼႄတူဝ်ၼႄၶိင်းၼၼ်ႉ မိူၼ်တင်းလူလၢႆ
ၵၼ် ၼၼ်ႉယဝ်ႉ။
ပေႃးထွမ်ႇလီလီ ဢၼ်မၼ်းလၢတ်ႈၼၼ်ႉ မိူၼ်ၵၼ် တင်း ပၼ်ႁႅင်းၸႂ်လႄႈ ၼပ်ႉယမ်ၵၼ်ၼၼ်ႉယဝ်ႉ။
ဢၼ်ႁူႉလႆႈၸႂ်ပိူၼ်ႈၼၼ်ႉၵေႃႈ လုၵ်ႉမႃးတီႈ ထွမ်ႇဢၼ်ပိူၼ်ႈလၢတ်ႈၼၼ်ႉယဝ်ႉ။
ပေႃးထွမ်ႇၵႂၢမ်းမၼ်းလၢတ်ႈယဝ်ႉ မၼ်းၼႆႉ ပဵၼ်ၵူၼ်းမဵဝ်းသင်ဢၼ်ဝႃႈၼၼ်ႉၵေႃႈ ႁူႉၵႂႃႇၵမ်းလဵဝ်ယဝ်ႉ။
လွင်ႈထွမ်ႇဢၼ်ဝႃႈၼႆႉ ပဵၼ်ဢၼ် ဢမ်ႇလႆႈထၢမ်သေ
လႄႈ လႆႈႁူႉၼႆၼၼ်ႉယဝ်ႉ။
ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ--- ၸဝ်ႈၶေမၼ်ႇတႃႉ မိူင်းသူႈ

ၽြႃးပဵၼ်ၸဝ်ႈလႄႈ မႄႈၸဝ်ႈၵျႄးၸူး

ၽြႃးပဵၼ်ၸဝ်ႈ လႄႈ မႄႈၸဝ်ႈၵျေးၸူး

------------------------------------------
ၵမ်ႉၼမ် ၿုတ်ႉꩪၽႃႇသႃႇ ၵူၼ်းၼႂ်းမိူင်းမၢၼ်ႈ လႄႈ မိူင်းတႆးႁဝ်း ဢၼ်ႁပ်ႉၶၢမ်ႇ ယုမ်ႇယမ် တြႃးတေႃႇ
ၽြႃးပဵၼ်ၸဝ်ႈႁဝ်းၼႆႉ ၽႂ်ၵေႃႈႁူႉဝႆႉဝႃႈ ၵုင်ႇမုၼ်မႄႈၸဝ်ႈ ၵျေးၸူးၼႆႉ မၼ်းယႂ်ႇၵႃႈႁိုဝ်ၼႆယူႇ။ ပေႃးလၢတ်ႈၶိူဝ်းၵုင်ႇ မုၼ်မႄႈၼႆ ဢမ်ႇမီးတီႈတႅၵ်ႈ ပဵၼ်ၵုင်ႇဢၼၼ်ႇတ ယႂ်ႇၵႂၢင်ႈလူင်တေႉတေႉၼၼ်ႉယဝ်ႉ။ ယႂ်ႇၵႂၢင်ႈတၢၼ်ႇႁိုဝ် ၵေႃႈ ပေႃးမႃးတႅၵ်ႈၵၼ်တင်းၵူၼ်းပူႉထူႉၸၼ်ႇႁဝ်းၼႆႉ တေႉ တေလႆႈဝႃႈၼၼ်ယူႇ တႃႇလုၵ်ႈလၢင်းၶဝ်။
ၵမ်ႈၽွင်ႈ ပၢႆၵႆႉလေႇဝႃႈ တေႃႈၼင်ႇ ၽြႃးပဵၼ်ၸဝ်ႈ ယင်းတွပ်ႇလႆႈၵုင်ႇမႄႈမၼ်းတႃႇၼမ့်ၼူမ်းၼိုင်ႈၽၢႆႇၵူၺ်း

ၶႆႇၵႆႇလႄႈ ၵႆႇမႄႈ ဢၼ်လႂ်မႃးဢွၼ်တၢင်း

ၶႆႇၵႆႇ လႄႈ ၵႆႇမႄႈ ၽႂ်မႃးဢွၼ်တၢင်း?

------------------------------------------
ပေႃး ၶႆႇၵႆႇမႃးဢွၼ်တၢင်း။

ၶႆႇၵႆႇ တႅၵ်ႇဢွၵ်ႇမႃးၵႆႇဢွၼ်ႇ၊ ၵႆႇဢွၼ်ႇ ပဵၼ်မႃး ၵႆႇမႄႈလူင်၊ ၵႆႇမႄႈလူင်ၶိုၼ်းၶႆႇ၊ တႅၵ်ႇဢွၵ်ႇမႃးၵႆႇဢွၼ်ႇ။
ပေႃးၵႆႇမႄႈမႃးဢွၼ်တၢင်း။

ဢၼ်ယႃႉၵဝ်း ဢၼ်ၶတ်းၶႂၢင်

ဢၼ်ယႃႉၵဝ်း ဢၼ်ၶတ်းၶႂၢင်

------------------------------
ၼႂ်းလုၵ်ႈၼႆႉ ၽႂ်ၵေႃႈဢမ်ႇလွတ်ႈလႆႈတၢင်းၽိတ်း၊ ပေႃးၶႂ်ႈလွတ်ႈတၢင်းၽိတ်းၵေႃႈ ဢမ်ႇလူဝ်ႇႁဵတ်းသင် သေမဵဝ်းၼႆၼၼ်ႉၵူၺ်းယဝ်ႉ။

ဝူၼ်ႉဢၼ်ဝႃႈၼၼ်ႉ ပဵၼ်ဢီသင်

ဝူၼ်ႉဢၼ်ဝႃႈၼ်ႉ ပဵၼ်ဢီသင်?

-----------------------------------------