ၽြႃးပဵၼ်ၸဝ်ႈလႄႈ မႄႈၸဝ်ႈၵျႄးၸူး

ၽြႃးပဵၼ်ၸဝ်ႈ လႄႈ မႄႈၸဝ်ႈၵျေးၸူး

------------------------------------------
ၵမ်ႉၼမ် ၿုတ်ႉꩪၽႃႇသႃႇ ၵူၼ်းၼႂ်းမိူင်းမၢၼ်ႈ လႄႈ မိူင်းတႆးႁဝ်း ဢၼ်ႁပ်ႉၶၢမ်ႇ ယုမ်ႇယမ် တြႃးတေႃႇ
ၽြႃးပဵၼ်ၸဝ်ႈႁဝ်းၼႆႉ ၽႂ်ၵေႃႈႁူႉဝႆႉဝႃႈ ၵုင်ႇမုၼ်မႄႈၸဝ်ႈ ၵျေးၸူးၼႆႉ မၼ်းယႂ်ႇၵႃႈႁိုဝ်ၼႆယူႇ။ ပေႃးလၢတ်ႈၶိူဝ်းၵုင်ႇ မုၼ်မႄႈၼႆ ဢမ်ႇမီးတီႈတႅၵ်ႈ ပဵၼ်ၵုင်ႇဢၼၼ်ႇတ ယႂ်ႇၵႂၢင်ႈလူင်တေႉတေႉၼၼ်ႉယဝ်ႉ။ ယႂ်ႇၵႂၢင်ႈတၢၼ်ႇႁိုဝ် ၵေႃႈ ပေႃးမႃးတႅၵ်ႈၵၼ်တင်းၵူၼ်းပူႉထူႉၸၼ်ႇႁဝ်းၼႆႉ တေႉ တေလႆႈဝႃႈၼၼ်ယူႇ တႃႇလုၵ်ႈလၢင်းၶဝ်။
ၵမ်ႈၽွင်ႈ ပၢႆၵႆႉလေႇဝႃႈ တေႃႈၼင်ႇ ၽြႃးပဵၼ်ၸဝ်ႈ ယင်းတွပ်ႇလႆႈၵုင်ႇမႄႈမၼ်းတႃႇၼမ့်ၼူမ်းၼိုင်ႈၽၢႆႇၵူၺ်း

ဢၼ်ဝႃႈၼၼ်ႉယဝ်ႉ။ ပေႃးတူၺ်း ဢၼ်ၶဝ်ဝႃႈၼၼ်ႉ ႁင်ႈၸႂ်ႈယူႇလူဝ်လူဝ် ၵူၺ်းၵႃႈ ပဵၼ်ဢၼ်လၢတ်ႈၽိတ်း ယုမ်ႇၽိတ်းၵႂႃႇပႅတ်ႈယဝ်ႉ။
ဢၼ်ဢဝ်ၵုင်ႇမုၼ်မႄႈသေ လၢတ်ႈတႅၵ်ႈၼိူင်းၼၼ်ႉ တေႉ လီယူႇ၊ ၵုင်ႇမုၼ်မႄႈၼႆႉ ယႂ်ႇလိူဝ်သေ လွႆသဝ်မိူင်း (မြင့်မိုရ်ေတာင်) လိုၵ်ႉလိူဝ်သေ ၼမ်ႉသမ်ႇမုၵ်ႈတရႃႇ ၸၵႂႃႇၸိူဝ်းၼႆႉ လီလၢတ်ႈသေတႅၵ်ႈၼိူင်းယူႇ၊ ယွၼ်ႉမၼ်း ပဵၼ်ၵုင်ႇဢၼၼ်ႇတႃႉ ဢၼ်ယႂ်ႇတေႉတေႉၼၼ်ႉယဝ်ႉ။
ၵူၺ်းၵႃႈ ဢမ်ႇႁူႉလီလီသေ လႃလီလၢတ်ႈလိတ်ႈလူင် ၵႂႃႇဝႃႈ ၽြႃးပဵၼ်ၸဝ်ႈယင်းဢမ်ႇတွပ်ႇၵုင်ႇၼမ်ႉၼူမ်းမႄႈ ၵႂႃႇသဵင်ႈ ဢၼ်ဝႃႈၼၼ်ႉယဝ်ႉ ဢၼ်ၼႆႉ မိူၼ်တင်းႁဝ်း လၢတ်ႈပူၼ်ႉလိူဝ် လၢတ်ႈၽိတ်းလိူဝ် ထၢင်ႇၽိတ်းလိူ ၼိူဝ်
ၽြႃးပဵၼ်ၸဝ်ႈယဝ်ႉ။
တီႈတေႉမၼ်း ၽြႃးပဵၼ်ၸဝ်ႈၼႆႉ တွပ်ႇၵႂႃႇၵုင်ႇမႄႈ မၼ်းၸဝ်ႈ ဢမ်ႇမီးတီႈၼိူင်းသင်ထႅင်ႈၵွၼ်ႇ။ တွၵ်ႇၵုင်ႇပေႃႈ၊ ၵုင်ႇမႄႈ ၵူၺ်းသေဢမ်ႇၵႃး ဢၼ်ပဵၼ်မႄႈ သိုပ်ႇမၼ်းၸဝ်ႈ ၵေႃးသမီ ၼၼ်ႉၵေႃႈ တွပ်ႇၵႂႃႇထႅင်ႈလူး ၵွၼ်ႇ။ ပေႃးတေမႃးတူၺ်းတီႈၼႆႈ ၵူၼ်းၼႂ်းလေႃးၵ လူင်ႁဝ်းတေႃႈလဵဝ်ၼႆႉ လႄႈ ၽြႃးပဵၼ်ၸဝ်ႈႁဝ်း လၢႆးတွပ်ႇၵုင်ႇပေႃႈမႄႈတေႉၵေႃႈ ႁိုဝ်တေၵႂႃႇမိူၼ်ၵၼ်။ ၽြႃးပဵၼ်ၸဝ်ႈ ဢဝ်ၶူဝ်းၶွင်ငိုၼ်းၶမ်းသေ တွပ်ႇၵႂႃႇၵုင်ႇမုၼ်ႈပေႃႈမႄႈ တႃႇၸၢတ်ႈၼႆႉ ၸိူင်ႉၼင်ႇ ၵူၼ်းလေႃးၵ ႁဝ်းၼႆႉတေႉ ႁိုဝ်တေၸႂ်ႈ၊ ဢဝ်ထမ်ႇမတြႃးသေ တွပ်ႇၵႂႃႇ ႁႂ်ႈ
ပူၼ်ႉလွတ်ႈလႆႈ ၼႂ်းၽဝ သမ်ႇသရႃႇလူင်ၼႆႉလူးၵွၼ်ႇ။
လၢႆးတွပ်ႇၵုင်ႇပေႃႈမႄႈၼႆႉ ၵျႃႉလိူဝ်သေ လၢႆးၼႆႉၵေႃႈ
ဢမ်ႇမီးသင်ထႅင်ႈယဝ်ႉ။
ၽြႃးပဵၼ်ၸဝ်ႈႁဝ်းၼႆႉ ဢဝ်ထမ်ႇမ​သေ တွပ်ႇၵုင်ႇ
ပေႃႈမႄႈ ႁဵတ်းႁႂ်ႈပဵၼ် ဢရိယႃႇၵႂႃႇသေ ဢမ်ႇၵႃး ဢၼ်ပဵၼ်ပီႈၼွင်ႉပႂ်ႉပႃးၸိူဝ်ႉၶိူဝ်း (ၺႃႇတတ်ထၸရိယ) မႄႈသိုပ်ႇမၼ်းၸဝ်ႈ လုၵ်ႈပီႈ လုၵ်ႉၼွင်ႉၵၼ် တင်းသဵင်ႈ တင်းမူတ်းၸိူဝ်းၼၼ်ႉၵေႃႈ ႁဵတ်းႁႂ်ႈပဵၼ် ၸဝ်ႈ ဢရိယႃႇ ၵႂႃႇမူတ်း။
ဢၼ်ပဵၼ်ပေႃႈမၼ်းၸဝ်ႈ သုတ်ႉထေႃးꩪၼ ၼၼ်ႉၵေႃႈ ပဵၼ် ဢၼႃႇၵၢမ်ႇၵႂႃႇ။ ဝၢႆးသေၽြႃးပဵၼ်ၸဝ်ႈ ၵိူတ်ႇဢွၵ်ႇမႃးၼႂ်းမိူင်းၵူၼ်းယဝ်ႉ ဝၢႆးၼၼ်ႉၸဵတဝၼ်း မႄႈမၼ်းၸဝ်ႈ လွၼ်ႇၵႂႃႇသေ မိူဝ်းပဵၼ်ၶုၼ်ၽီ သၼ်တုသိတ တီႈၼိူဝ်မိူင်းၽီသႃႇဝတိင်ႇသႃႇၼၼ်ႉၵေႃႈ ဝၢႆးသေ မၼ်းၸဝ်ႈပဵၼ်ၽြႃးယဝ်ႉ ထူၼ်ႈထိုင် ၸဵတ်းဝႃႇ ၼၼ်ႉ ၶိုၼ်ႈမိူဝ်းၼိူဝ်မိူင်းၽီ ဢဝ်ဢၽိထမ်ႇမႃႇသေ
ႁေႃးတြႃး တွပ်ႇၵုင်ႇမုၼ်မႄႈ မၼ်းၸဝ်ႈလႄႈ ၶုၼ်ၽီၶဝ်
တင်းလၢႆယဝ်ႉ။ မႄႈမၼ်းၸဝ်ႈၵေႃႈ လႆႈပဵၼ်
သေႃးတပၢၼ်ႇၵႂႃႇၵမ်းလဵဝ်၊ ပေႃးဝႃႈပဵၼ် သေႃးတပၢၼ်ႇ ယဝ်ႉၼႆ တီႈၼႂ်းၶူင်းၵၢင်ႈလူင်ၼႆႉ တေလႆႈယူႇၵႂႃႇထႅင်ႈ ၸဵတ်းၸၢတ်ႈၵူၺ်းသေ ႁွတ်ႈထိုင်ၼိပ်ႉပၢၼ်ႇၵႂႃႇၼႆၼၼ်ႉ ယဝ်ႉ။
ၵွပ်ႈၼၼ် ၽြႃးပဵၼ်ၸဝ်ႈႁဝ်းၼႆႉ တွပ်ႇၵႂႃႇၵုင်ႇမုၼ်
မႄႈမၼ်းၸဝ်ႈ ႁႂ်ႈပေႃးႁၼ်တၢင်းၵႂႃႇၼိပ်ႉပၢၼ်ႇသေ
ဢမ်ႇၵႃး ဢၼ်ပဵၼ် မႄႈၵဵပ်းလဵင်ႉမၼ်းၸဝ်ႈၵေႃႈ ပွႆႇဝၢင်း ၶႂၢင်ႉပၼ် တႃႇတေပဵၼ် (ၽိၵ်ႉၶူႉၼီ) ရႁၢၼ်းၼၢင်းယိင်း သေ လႆႈပဵၼ် ရႁၢၼ်းတႃႇၵႂႃႇ ၸၢၼ်ႈၼၼ်ႉၵမ်းလဵဝ်။
လၢႆးတွပ်ႇၵုင်ႇမုၼ်ပေႃႈမႄႈၼၼ်ႉ ဢၼ်ၵျႃႉလိူဝ်သေ ၼႆႉၵေႃႈ ဢမ်ႇမီးယဝ်ႉ။ ယွၼ်ႉၼၼ် တေႃႈၼင်ႇ
ၽြႃးပဵၼ်ၸဝ်ႈႁဝ်း တၼ်းလႆႈတွပ်ႇၵႂႃႇ ၵုင်ႇၵျေးၸူး မႄႈမၼ်းၸဝ်ႈ တႃႇၼမ်ႉၼူမ်းၼိုင်ႈၽၢၵ်ႇၵူၺ်း ဢၼ်ဝႃႈ ၼၼ်ႉ ၽိတ်းယဝ်ႉ။ ၼင်ႇႁိုဝ်တေဢမ်ႇလၢတ်ႈဢွၵ်ႇထႅင်ႈ ႁၼ်ၽႂ်လၢတ်ႈၵေႃႈ ပၼ်ၽၢင်ႉၵၼ်ၵႂႃႇသေၵမ်း။
ၽႂ်ၵေႃႈယဝ်ႉ ပေႃးဝႃႈၶႂ်ႈတွပ်ႇၵုင်ႇမုၼ်ပေႃႈမႄႈ ယူတေႉတေႉၼႆၸိုင် ဢဝ်ꩪမ်ႇမတြႃးသေ တွပ်ႇၵုင်ႇမုၼ် ပေႃႈမႄႈၵႂႃႇၼႆႉ ၵျႃႉလိူဝ်သေ ဢဝ်တၢင်ႇမဵဝ်းတွပ်ႇၵႂႃႇၼၼ့် ယဝ်ႉ။ ၽြႃးပဵၼ်ၸဝ်ႈႁဝ်းၵေႃႈ ၸိၼႄသဵၼ်ႈတၢင်း တႃႇတေတွပ်ႇၵုင်ႇမုၼ်ပေႃႈမႄႈ ၵႂႃႇဢွၼ်တၢင်းယူႇၶႃႈလူး။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ--- ၸဝ်ႈၶေမိၼ်ႇတႃႉ မိူင်းသူႈ။