ဢၼ်ၽိတ်းၼၼ်ႉမႄးႁႂ်ႈလိ 528 လႄႈ 1500

ဢၼ်ၽိတ်းၼၼ်ႉ မႄးႁႂ်ႈလီ

႕႒႘ လႄႈ ႑႕႐႐ 528 လႄႈ 1500

----- ---- ------ ----- ----- -------

ၵူၼ်းႁုၼ်ႈယႂ်ႇႁဝ်းတေႃႈလဵဝ် ဢဝ်လွင်ႈဢၼ်ၽိတ်း

သေ ၵႆႉႁၼ်ဢုပ်ႇၵၼ် လၢတ်ႈတေႃႇၵၼ် ၵပ်းၵၢႆႇလူၺ်ႈ လွင်ႈႁၵ်ႉလွင်ႈပႅင်း မွၵ်ႇလၢတ်ႈၼႄၵၼ် လွင်ႈႁၵ့်ၽႂ်မၼ်း ၼိူဝ်ၵၼ်ယူႇ။ 

ဢမ်ႇမီးသင်၊ တၢင်းႁၵ်ႉႁဝ်းသွင်ၵေႃႉၼႆႉသိုဝ်ႈယူဝ်းတေႃႇၵၼ်၊ ဢၼ်ႁဝ်း ႁၵ်ႉၼိူဝ်သူၼႆႉ ပဵၼ်တၢင်းႁၵ်ႉ
528 ဢိူဝ်ႈꧦ။ ၸိူဝ်းၼႆႉ ၵႂႃႇၵႂႃႇၵႆႉလႆႈငိၼ်းယူႇ။ လိူဝ်သေၼၼ်ႉထႅင်ႈ 

1500 ၵူၺ်းဢမ်ႇၵႃး မီးပႃး 528 ထႅင်ႈၵွၼ်ႇဢိူဝ်ႈ၊ ဢၼ်ဝႃႈၼၼ်ႉယဝ်ႉ။

ပေႃးပဵၼ်ပီႈၼွင်ႉဢွၵ်ႇၵၼ် လႄႈ ဢၼ်ဝႆႉပိူၼ်ႈမိူၼ်ၼင်ႇပီႈၼွင်ႉၵၼ်ၼၼ်ႉ လူဝ်ႇႁၵ်ႉၵၼ် 528 ဢိူဝ်ႈ ၸၵႂႃႇၸိူဝ်းၼႆႉ။ ယဝ်ႉၵေႃႈ ၼႂ်းၵၢင် ပေႃႈမႄႈ လႄႈ လုၵ်ႈလၢင်း။ ၶူးသွၼ် လႄႈ လုၵ်ႈႁဵၼ်း။ ပီႈၼွင့်ႁူမ်ႈတွင်ႉၵၼ်ၸိူဝ်းၼႆႉ ပဵၼ်တၢင်းႁၵ့်ၸႅတ်ႈၸၢင်ႇ ဢၼ်ဢမ်ႇမီးတၢင်းၽိတ်းသင် ႁၵ်ႉၵၼ် 528 လွၼ်ႉလွၼ်ႉယဝ်ႉ ဢၼ်ဝႃႈၼၼ်လႄႈသင်။ ပေႃးပဵၼ် ၵေႃႉႁၵ်ႉၵေႃႉပႅင်းၵၼ်ႁၵ်ႉၵၼ်တေႉ ပဵၼ်တၢင်းႁၵ်ႉ 1500 ယဝ်ႉ၊ တေႁူႉဝႆႉၸိူင်ႉၼႆ ႁင်းၽႂ်ႁင်းမၼ်းယူႇ။

ၵူၺ်းၵႃႈ

လွင်ႈႁၵ်ႉ ဢၼ်ႁူႉဝႆႉၸိူဝ်းၼၼ်ႉ ဢဝ်တီႈပွင်ႇ

မၼ်းႁၼ်ၽိတ်းပိူင်ႈဝႆႉယူႇ ဢိတ်းဢိတ်း။

မၼ်းတေဢမ်ႇၸႂ်ႈဝႃႈ ဢၼ်ပေႃႈမႄႈ ႁၵ်ႉၼိူဝ်လုၵ်ႈလၢင်း

ဢၼ်ၶူးသွၼ် ႁၵ်ႉၼိူဝ်လုၵ်ႈႁဵၼ်း၊ ပီႈၼွင်ႉဢွၵ်ႇၵၼ် ႁၵ်ႉၼိူဝ်ၵၼ် ၸိူဝ်းၼႆႉပဵၼ် 528 လွၼ်ႉလွၼ်ႉယဝ်ႉ၊ ဢၼ်ဝႃႈၼၼ်ႉယဝ်ႉ။

တီႈတေႉမၼ်း

တၢင်းႁၵ်ႉ 528 ဢၼ်ဝႃႈၼႆႉ မၼ်းပဵၼ် မျၢတ်ႉတႃႇ 528 ဢၼ်ဝႃႈၼၼ်ႉယဝ်ႉ။ မျၢတ်ႉတႃႇ ဢၼ်ဝႃႈၼၼ်ႉ ၽိူၵ်ႇၸိုၼ်ႈ ၶၢဝ်သႂ် ဢမ်ႇမုင်ႈမွင်းသင်တႃႇတေလႆႈတီႈ

ပိူၼ်ႈ ပဵၼ်တႃႇပၼ်လၢႆလၢႆယဝ်ႉ။ ပေႃးသူင်ႇမျၢတ်ႉတႃႇၼႆ တေပဵၼ်သူင်တႃႇပိူၼ်ႈၼႆယဝ်ႉ ၼင်ႇႁိုဝ်ပိူၼ်ႈပေႃးတေလႆႈ

ယူႇၵတ်းယူႇယဵၼ် လွတ်ႈၽႄးၶဵၼ်ၼၼ်ႉယဝ်ႉ။ ယွၼ်ႉၼၼ်မၼ်းပဵၼ်မျၢတ်ႉတႃႇ ဢၼ်ၽိူၵ်ႇၸိုၼ်ႈ ၶၢဝ်သႂ်လီတေႉတေႉ။

သင်ၸိူဝ်ႉဝႃႈ ပေႃႈမႄႈ လႄႈ လုၵ်ႈလၢင်း၊ ၶူးသွၼ် လႄႈ လုၵ်ႈႁဵၼ်း သူင်ႇမျၢတ်ႉတႃႇပၼ်ၵၼ်ၼႆ ပေႃႈႁဝ်း မႄႈႁဝ်း ၶူးသွၼ်ႁဝ်း လုၵ်ႈႁဝ်းလၢင်းႁဝ်း လုၵ်ႈၼွင်ႉႁဝ်း ၸၵႂႃႇၸိူဝ်းၼႆႉ တေႁၼ်ပႃးဝႃႈ ႁဝ်း ႁဝ်း ၼႆၼၼ်ႉယဝ်ႉ

ပေႃးပဵၼၼ်ၼၼ် တေဢမ်ႇပႆႇၸႂ်ႈ မျၢတ်ႉတႃႇ 528 ဢၼ် ၸႅတ်ႈမၼ်း။

မျၢတ်ႉတႃႇ 528 ဢၼ်ဝႃႈၼႆႉ တေယိူင်းၸူးထိုင် သတ်းတဝႃႇတင်းသဵင်ႈသေ

သတ်းတဝႃႇတင်းသဵင်ႈ ------

1. ႁႂ်ႈလႆႈလွတ်ႈၽႄးၶဵၼ်သေၵမ်း

2. ႁႂ်ႈလႆႈၵတ်းယဵၼ်ၸႂ် သေၵမ်း။

3. ႁႂ်ႈလႆႈၵတ်းယဵၼ်တူဝ်သေၵမ်း

4. ႁႂ်ႈလႆႈယူႇမူၼ်ႈ သိူဝ်းသႃႇသေၵမ်းၼႆ သူင်ႇၵမ်းလႂ်ၵေႃႈ တေဢမ်ႇပႃးတႃႇတူဝ်ၸဝ်ႈၵဝ်ႇ တေဢမ်ႇပႃးတႃႇ ---ႁဝ်း။

တႃႇႁႂ်ႈပိူၼ်ႈလႆႈၵတ်းယဵၼ် လွၼ်ႉလွၼ်ႉယဝ်ႉ။

မျၢတ်ႉတႃႇ 528 ၼႆႉပဵၼ်ဢီသင်လၢႆလၢႆလႃႇပေႃးဝႃႈ ၼႆၸိုင်။ ပုၵ်ႉၵူဝ်ႇ 12 ၵေႃႉ ၼိုင်ႈၵေႃႉၼၼ်ႉ သူင်ႇပၼ် မျၢတ်ႉတႃႇဢၼ်တင်းၼိူဝ်ၼၼ်ႉ သီႇၵမ်း ပေႃးယဝ်ႉ သူင်ႇ သိုပ်ႇသိပ်းၼႃႈမိူင်း။

ပေႃးဢဝ်ပႃးပႃႇလိၵေႃႈ

သပ်ပေသတ်တႃ= သတ်းတဝႃႇတင်းသဵင်ႈတင်းမူတ်း

ဢ​ဝေရႃႁုၼ်တု= ႁႂ်ႈလွတ်ႈၽႄးၶဵၼ်သေၵမ်း။

ဢပျႃႇပၸ်ၸႃႁုၼ်တု=ႁႂ်ႈလႆႈၵတ်းယဵၼ်ၸႂ်သေၵမ်း။

ဢၼီၶႃႁုၼ်တု=ႁႂ်ႈလႆႈၵတ်းယဵၼ်တူဝ်သေၵမ်း။

သုၶီဢတ်တႃၼံ ပရိႁရၼ်တု=ႁႂ်ႈလႆႈယူႇမူၼ်ႈသိူဝ်းသႃႇ ႁႂ်းၽႂ်ႁင်းမၼ်းသေၵမ်း။ ၼႆ ပုၵ်ႉၵူဝ်ႇ ၼိုင်ႈၵေႃႉၼၼ်ႉ တေလႆႈသူင်ႇပၼ် လၢႆးၼႆႉသီႇၵမ်း။

ယဝ်ႉၵေႃႈ

သပ်ပေပႃၼႃ= သတ်တႃဝႃႇၸိူဝ်းဢၼ်မီးဢသၢၵ်ႈလႂ်

သပ်ပေၽူတႃ=သတ်းတဝႃႇ ဢၼ်ထၢင်ႇၸႅင်ႈၸိူဝ်းၼၼ်ႉလႂ်

သပ်ပေပုၵ်ႉၵလႃ= ၵႃႈပဵၼ်ပုၵ်ႉၵူဝ်ႇတင်းသဵင်ႈလႂ်

သပ်ပေဢတ်တၽႃႇဝပရိယႃပၼ်ၼႃ=သတ်ႉတဝႃႇ ဢၼ်မီးယူႇ ၼႂ်းဢတ်တ​ၽေႃးၼႆႉလႂ်

သပ်ပႃဢိတ်ထိယေႃ= ၵႃႈပဵၼ်ၼၢင်းယိင်းတင်းသဵင်ႈလႂ်

သပ်ပေပုရိသႃ= ၵႃႈပဵၼ်ၽူႈၸၢႆးတင်းသဵင်ႈလႂ်

သပ်ပေဢရိယႃ= ၸဝ်ႈမျၢတ်ႈဢရိယႃႇတင်းသဵင်ႈလႂ်

သပ်ပေဢၼရိယႃႇ=ၵႃႈပဵၼ်ၵူၼ်းပုထုၸၼ်ႇတင်းသဵင်ႈလႂ်

သပ်ပေေၻဝႃ= ၵႃႈပဵၼ်ၽီတင်းသဵင်ႈလႂ်

သပ်ပေမၼုသ်သႃ=ၵႃႈပဵၼ်ၵူၼ်းတင်းသဵင်ႈလႂ်

သပ်ပေဝိၼိပႃတိၵႃ=ၵႃႈပဵၼ်ဢ​ပေႇၽုင်ႇတင်းသဵင်ႈလႂ်

ၶဝ်တင်းသဵင်ႈၸိူဝ်းၼႆႉ ၼိုင်ႈဢၼ်ၼၼ်ႉ လႆႈသူင်ႇပၼ် ဢ​ဝေရႃႁုၼ်တု ၸၵႂႃႇတင်းၼိူဝ်ၼၼ်ႉ သီႇၵမ်းၼႆယဝ်ႉ။

ပုၵ်ႉၵူဝ် 12 ၵေႃႉၵေႃႈလႆႈ သူင်ႇပၼ်မျၢတ်ႉတႃႇ 48 ၵမ်း

လိူဝ်ၼၼ်ႉ ပုၵ်ႉၵူဝ်ႇ 12 ၵေႃႉၼၼ်ႉၵူၺ်းၼင်ႇၵဝ်ႇ ၼႃႈတင်းဢွၵ်ႇ၊ ၼႃႈတင်းတူၵ်း၊ ၼႃႈတင်းႁွင်ႇ၊ ၼႃႈတင်းၸၢၼ်း၊ ၸဵင်ႇၸၢၼ်းတင်းဢွၵ်ႇ၊ ၸဵင်ႇၸၢၼ်းတင်းတူၵ်း၊ ၸဵင်ႇႁွင်ႇတင်းဢွၵ်ႇ၊ ၸဵင်ႇႁွင်ႇတင်းတူၵ်း၊ ၼႃႈတင်းတႂ်ႈ၊ ၼႃႈတင်းၼိူဝ်၊ ၼႂ်းသိပ်းၼႃႈမိူင်းၼႆႉ ပုၵ်ႉၵူဝ်ႇ 12 ၵေႃႉၼၼ်ႉ ၼိုင်ႈၵေႃႉ သူင်ႇပၼ်သိပ်းၼႃႈမိူင်း တႃႇသီႇၵမ်းၼၼ်ႉသေ ပဵၼ်ၵႂႃႇ 480 ၵမ်းယဝ်ႉ။

480 ၼႆႉ တင်းဢၼ်သူင်ႇပုၵ်ႉၵူဝ်ႇသိပ်းၼႃႈမိူင်း 48 ၵမ်းၼၼ်ႉ လေႃးၵၼ် ပဵၼ်ၵႂႃႇ 528 ယဝ်ႉ။

12 × 4 =48

48 × 10 = 480

480 × 48 = 528

ၼႂ်းမျၢတ်ႉတႃႇ 528 ၼႆႉ

ႁွင်ႉဝႃႈမျၢတ်ႉတႃႇ ႁႃႈပၢၵ်ႇသၢဝ်းပႅတ်ႇယဝ်ႉ။

ၼႂ်းမျၢတ်ႉတႃႇၼႆႉ သူင်ႇပၼ်ၵမ်းလႂ်ၵေႃႈ ဢမ်ႇပႃးဝႃႈ ---ႁဝ်း ပဵၼ်ဢၼ်ယိူင်းၸူးသတ်းတဝႃႇတင်းလၢႆယဝ်ႉ။ ယွၼ်ႉၼၼ် ပဵၼ်မျၢတ်ႉတႃႇ ဢၼ်ၽိူၵ်ႇၸိုၼ်ႈ ၶၢဝ်သႂ် လီတေႉတေႉၼၼ်ႉယဝ်ႉ။ ယဝ်ႉၵေႃႈ ဢၼ်ထၢင်ႇၽိတ်းထၢင်ပိူင်ႈ ဢၼ်လၢတ်ႈမႃးမိူဝ်ႈၸဝ်ႉၸဝ်ႉၸိူဝ်းၼၼ်ႉၵေႃႈ ႁႂ်ႈမေႃပွင်ႇၸႂ်သေ ႁႂ်ႈမေႃမူၼ်ႉမႄးၵၼ်သေၵမ်း။

1500 ၼႆႉတေႉ ဢမ်ႇၸႂ်ႈ မျၢတ်ႉတႃႇ ပဵၼ်ၵိလေႇသႃႇ ယဝ်ႉ။ ၸိူဝ်းဢၼ်ပွင်ႇၸႂ်ဝႆႉဝႃႈ ပေႃးပဵၼ် ၵေႃႉႁၵ်ႉၵေႃႉပႅင်း

ၵၼ် လႄႈ ၽူဝ်မႄးၵၼ် ဢွၼ်ၵၼ်ႁူႉဝႆႉဝႃႈ ပဵၼ်တၢင်းႁၵ်ႉ 1500 ၼႆယဝ်ႉ။

ပေႃးတဝေႃႈတေႉတေႉမၼ်း တၢင်းႁၵ်ႉ 1500 ၼႆႉ ၵႃႈပႆႇပဵၼ် ဢရိယႃႇ၊ ရႁၢၼ်းတႃႇ၊ ၽြႃးပဵၼ်ၸဝ်ႈသေ ယင်းတိုၵ့်ပဵၼ်ၵူၼ်း ပုထုၸၼ်ႇယူႇၵူၺ်းတေႉဢမ်ႇလွတ်ႈ

ၽႂ်ၼႆၼၼ်ႉယဝ်ႉ။ ႁၵ်ႉၵေႃႈပဵၼ်ၼၼ်ႉ ၸင်းၵၼ်ၵေႃႈ ပဵၼ်ၼၼ်ႉယဝ်ႉ။

ၵိလေႇသႃႇ 10 ပိူင်ဢၼ်ဝႃႈၸမ်ႉ

ၸႂ် 1

ၸေတသဵၵ်ႈ 52

ၼိပ်ႉၽၼ်ႇၼရုပ်ႈ 18

လၵ်ႉၶၼႃႉရုပ်ႈ 4. တင်းမူတ်းပဵၼ်ၵႂႃႇ 75

75× 2= 150

ဢၼ် 2 ၼၼ်ႉ ပဵၼ် (ပၸ်ၸုပ်ႉပၢၼ်ႇ လႄႈ ဢတိတ်ႈ)

150×10=1500

ဢၼ် 10 ၼၼ်ႉ ပဵၼ် (ၵိလေႇသႃႇ 10 ပိူင်)

ၵိလေႇသႃႇ 10 ပိူင်ဢၼ်ဝႃႈၸမ်ႉ

-----------------------------------

လေႃးၽ ၸႂ်လမ်ႇမၢၵ်ႈ လေႃးၽ

တေႃးသ ၸႂ်လမ်တေႃးသ၊ ၸႂ်ႁၢဝ်ႈ ၸႂ်ၵႅမ်း။

မေႃးႁ ၸႂ်ဢၼ်လႆႈၶၢမ်ႇတင်း ဢႃရုင်ႇႁႃႈပိူင်သေ

ႁူမ်ႇငမ်းဝႆႉ ဢမ်ႇႁူႉၸၵ်း ဢမ်ႇႁၼ်လႆႈ

ပႃးၼႃႈလႄႈ ၸၢၼ်ႈၵွၼ်ႇဝၼ်းလင်။

မႃၼ ၸႂ်မႃႇၼ ၸႂ်ၽႅၼ်သုင်။

ၻိတ်ထိ ၸႂ်ဢၼ်ယုမ်ႇၽိတ်း ယုမ်ႇပိူင်ႈ။

ဝိၸိၵိၸ်သႃႇ ၸႂ်ဢၼ်ဢမ်ႇတႅပ်းတတ်းလႆႈ ၸႂ်ၸဝ်ႈၵဝ်ႇ။

ထိၼ ၸႂ်ဢမ်ႇလႅတ်းဢမ်ႇသႅဝ်း၊ ၸႂ်ဢၼ်မိူၼ်ၵူၼ်း

တႃၼွၼ်းဢမ်ႇဢိမ်ႇ။

ဢုၻ်ꩪၸ်သ ၸႂ်ဢၼ်ပိဝ် ၸႂ်ဢမ်ႇၼိမ်ဢမ်ႇသဝ်း။

ဢႁိရိၵ ၸႂ်ဢၼ်ႁဵတ်းၵၢၼ် ဢၵူႉသူဝ်ႇလႄႈ ဢမ်ႇ

မီးတၢင်းဢၢႆ။ ၸႂ်ဢမ်ႇမေႃဢၢႆပိူၼ်ႈ

ဢ​ၼွတ်တပ်ပ ၸႂ်ဢၼ်ႁဵတ်းၵၢၼ် ဢၵူႉသူဝ်ႇလႄႈ

ဢမ်ႇမေႃၵူဝ်ပိူၼ်ႈ။

10 ဢၼ်ၼႆႉယဝ်ႉ။

တႃႇတေပွင်ႇၸႂ်ပၼ် တီႈၵႂၢင်ႈမၼ်းတေႉ ပေႃးဢမ်ႇၸႂ်ႈ ၵူၼ်းဢၼ်လႆႈသွၼ် ဢၽိထမ်ႇမႃႇတေႉ တေယၢပ်ႇယူႇ ၵူၺ်းၵႃႈ တီႈၼႆႉတေႉ ၼႄဝႆႉႁႂ်ႈႁူႉမွၵ်ႈၵႃႈၼၼ်ႉၵူၺ်း။

တင်းပၢႆယၢမ်ႈငိၼ်းဝႃႈ ပေႃးမီးတၢင်းႁၵ်ႉၼႆ ဢမ်ႇမီး တၢင်းဢၢႆၼႆဝႃႇ သုတ်းတီႈၽြႃးပဵၼ်ၸဝ်ႈ ပေႃးႁေႃးဝႆ့ယဝ့် လူး ၼႂ်းၵိလေႇသႃႇ 10 ပိူင်ၼၼ်ႉ။ တင်းႁၵ်ႉၵေႃႈ ပဵၼ် ၵိ​ိလေသႃႇ ၵိလေႇသႃႇၵေႃႈ ပဵၼ်တၢင်းႁၵ်ႉယဝ်ႉ။

ယွၼ်ႉတၢင်းႁၵ်ႉၶဝ်ယႂ်ႇၼႃႇလႄႈ ဢမ်ႇၼၼ် ယွၼ်ႉ ၵိလေႇသႃႇၶဝ်ယႂ်ႇၼႃႇလႄႈ ၼႂ်းသူၼ်မွၵ်ႇ မိူင်းလူင် တႃႈၵုင်ႈၼၼ်ႉ ၵေႃႉႁၵ်ႉၵၼ်သွင်ၵေႃႉ ဢမ်ႇမီးတၢင်းဢၢႆ တၢင်းၵူဝ်သင်သေ ႁဵတ်းၼင်ႇၸႂ်ၶဝ်ၶႂ်ႈပဵၼ်။

ၵွပ်ႈၼၼ် မျၢတ်တႃႇ 528 လႄႈ ၵိလေႇသႃႇ 1500 ၼၼ်ႉ ယႃႇပေဢဝ်ၶဝ်ႈလေႃးၵၼ်ၼႆၼၼ်ႉယဝ်ႉ။ ပေႃးသူင်ႇမျၢတ်ႉတႃႇ သင်ပႃး ၸိၸမ်ႈသႂ်ႇပၼ် ၵေႃႉၼၼ်ႉ ၵေႃႉၼႆႉ မိူၼ်ၸိူင်ႉမိူဝ်ႈၵႆႈ ပေႃႈႁဝ်း မႄႈႁဝ်း ၶူးႁဝ်း ၸၵႂႃႇၸိူဝ်းၼႆႉ ပေႃးပႃး --ႁဝ်း --ႁဝ်း ၼႆတေဢမ်ႇၸႂ်ႈ မျၢတ်ႉတႃႇၸႅတ်ႈဢၼ်ဝႃႈၼၼ်ႉႁႂ်ႈႁူႉပွင်ႇလႅင်းၸႂ်ပၼ် ၵၼ် သေၵမ်း။ မျၢတ်ႉတႃႇ 528 ၼႆႉ မၼ်းဢမ်ႇယိူင်း ဢၢၼ်ႈပၼ်ၵေႃႉၼၼ်ႉၵေႃႉၼႆႉ မၼ်းယိူင်းဢၢၼ်း တင်းမူတ်း သေသူင်ႇပၼ်ယဝ်ႉ ယွၼ်ႉၼၼ် မၼ်းပဵၼ် မျၢတ်ႉတႃႇ ဢၼ်ၸႅတ်ႈၸၢင်ႇ ၽိူၵ်ႇၸိုၼ်ႈၶၢဝ်သႂ်လီတေႉꧦ

ဢၼ်ယၢမ်ႈလၢတ်ႈၽိတ်း ဢၼ်လႆႈထၢင်ႇၽိတ်းမႃး

ၸိူဝ်းၼၼ်ၵေႃႈ ပေႃးႁူႉယဝ်ႉ ႁႂ်ႈမေႃပွင်ႇၸႂ်သေ ႁႂ်ႈမေႃ ၸႂ်ႉတိုဝ်းလၢတ်ႈတေႃႇၵၼ်သေၵမ်း---။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ-- ၸဝ်ႈၶမ်းလဵၵ်ႉၶေမိၼ်ႇတႃႉ မိူင်းသူႈ