သုင်တႅမ်ႇ လႄႈ တႅမ်ႇသုင်

သုင်- တႅမ်ႇ လႄႈ တႅမ်ႇ- သုင်။
----------------------------------
ယူႇတီႈသုင်သုင်သေ မုင်ႈတူၺ်းလူင်းၵႂႃႇတီႈတႂ်ႈၼႆႉ ငၢႆႈဢိူဝ်ႈ ၶေႃးၵေႃႈတေဢမ်ႇၵူၼ်ႉ၊ ပေႃးလူင်းၵႂႃႇၵေႃႈ ငၢႆႈ မိူၼ်ၵၼ်ၼၼ်ႉယဝ်ႉ။
ယူႇတီႈတႅမ်ႇတႅမ်ႇသေ မုင်ႈၶိုၼ်ႈတီႈသုင်သုင်ၼၼ်ႉ ၶႂ်ႈယၢပ်ႇဝႆႉ လႆႈႁႅၼ်ၼႃႈႁႅၼ်တႃ ၶေႃးၵေႃႈၶႂ်ႈၵူၼ်ႉဝႆႉ၊ သင်ဝႃႈၶိုၼ်ႈၵႂႃႇၼႆၵေႃႈ တေယၢပ်ႇမိူၼ်ၵၼ် တေလႆႈႁိူဝ်ႉ။

မီးငိုၼ်းၶမ်းယဝ်ႉသေ တႃႇတေၸႂ်ႉၸၢႆႇၼႆႉ ငၢႆႈဢိူဝ်ႈ ၸၢႆႇလႆႈလီ ဢမ်ႇလႆႈႁိူဝ်ႉတူဝ်ႁိူဝ်ႉၸႂ်။
ပေႃးဢမ်ႇမီးငိုၼ်းၶမ်းၼႆ တႃႇတေၸႂ်ႉၸၢႆႇၼၼ်ႉ ယၢပ်ႇဢိူဝ်ႈ တေလႆႈႁႃငိုၼ်းၶမ်းသေၵွၼ်ႇ ယဝ်ႉၵေႃႈ တေလႆႈႁိူဝ်ႉတူဝ်ႁိူဝ်ႉၸႂ်။
ပဵၼ်မုၼ်ၸဝ်ႈ မုၼ်ၸၢင်းယဝ်ႉသေ တႃႇတေထၢၵ်ႈ လူင်းၵႂႃႇၼၼ်ႉငၢႆႈဢိူဝ်ႈ၊ ယွၼ်ႉပိူဝ်ႈဢမ်ႇလူဝ်ႇ ၵႃလၵ သင်ၶႃႇလႄႈ ဢမ်ႇလူဝ်ႇ ပၸ်ၸေးသီႇပိူင်။
ပဵၼ်ၵူၼ်းႁိူၼ်းသေ တႃႇတေၶိုၼ်ႈပဵၼ်သၢင်ႇ ပဵၼ် ၸၢင်းၼၼ်ႉ ယၢပ်ႇဢိူဝ်ႈ၊ လူဝ်ႇပေႃႈဢွၵ်ႇမႄႈဢွၵ်ႇသေ ဢမ်ႇၵႃး လူဝ်ႇထႅင်ႈ ပၸ်ၸေးသီႇပိူင်လႄႈ တေလႆႈၺႅပ်ႈ ၵမ်ႇမဝႃႇၸႃႇ တေလႆႈမီးၵႃလၵ သင်ႇၶႃႇၸွမ်းထႅင်ႈ ႒႐ တူၼ်ၵွၼ်ႇ။
တႃႇတေပဵၼ်ၵူၼ်းလီၼၼ်ႉ ယၢပ်ႇဢိူဝ်ႈ၊ ယွၼ်ႉပိူဝ်ႈ တေလႆႈယိူၼ်ႉၵၼ်ႈ ၵမ်သိၼ် ထိင်းတူဝ် ထိင်းၸႂ် ၸဵမ် လွင်ႈႁဵတ်းလွင်ႈသၢင်ႈ၊
တႃႇတေပဵၼ်ၵူၼ်းမိူၵ်ႈၵူၼ်းလိူင်းၼၼ်ႉ ငၢႆႈဢိူဝ်ႈ ယွၼ်ႉပိူဝ်ႈ ႁဵတ်းလႆႈငၢႆႈလႄႈ ဢဝ်ၸႂ်ဝႃႈ ၶႂ်ႈႁဵတ်းသင်ၵေႃႈ ႁဵတ်းႁွတ်းလူင်ၵႂႃႇ။
တႃႇတေပဵၼ်ၽူႈမီးပၺ်ႇၺႃႇၼၼ်ႉ ယၢပ်ႇဢိူဝ်ႈ ယွၼ်ႉပိူဝ်ႈ လႆႈႁဵၼ်း လႆႈသွၼ်ဢဝ် လႆႈသဵင်ႈငိုၼ်း လႄႈ လႆႈသဵင်ႈၶၢဝ်းယၢမ်း။
တႃႇတေပဵၼ်ၵူၼ်း ဢမ်ႇမီးပၺ်ႇၺႃႇ ဢမ်ႇမီးတၢင်း ႁူႉသင်ၼၼ်ႉတေႉ ငၢႆႈဢိူဝ်ႈ၊ ဢမ်ႇသွၼ်သင် ဢမ်ႇလဵပ်ႈ ႁဵၼ်းသင်သေ ယူႇၵႂႃႇၸလိူဝ်ႈၸလႃႈၵေႃႈ ပဵၼ်ယဝ်ႉ။
တႃႇတေၶိုၼ်ႈလႆႈ ၼိပ်ႉပၢၼ်ႇၼၼ်ႉ ဢမ်ႇငၢႆႈ၊ တႃႇ တေလူင်းမိူင်းငရၢႆးတေႉ ငၢႆႈဢိူဝ်ႈ။

ၸဝ်ႈၶမ်းလဵၵ်ႉတႅမ်ႈတၢင်ႇၼႄ