"ၵွၼ်ႇၸူဝ်ႈၶူပ်ႇသူတဵမ်(30)သူၶႂ်ႈပဵၼ်သင်"

"ၵွၼ်ႇၸူဝ်ႈၶူပ်ႇသူတဵမ်(30)သူၶႂ်ႈပဵၼ်သင်"

==============================
"ၼႂ်းသဵၼ်ႈမၢႆၵူၼ်းမီးၸႂ်ယူႇၵေႃႈ မိူၼ်တင်းၵူၼ်းတၢႆ
ၼၼ်ႉ ပႃးၵူၼ်းဢမ်ႇမီးယိူင်းဢၢၼ်း ဢမ်ႇမီးယိူင်းမၢႆ
ၼၼ်ႉၵေႃႉၼိုင်ႈယဝ်ႈ"။
-Unknown

ၼႂ်းၸူဝ်ႈၵူၼ်းသၢမ်ပၢၼ်ၼၼ်ႉ ပၢၼ်ဢၼ်ဢဵၼ်ႁႅင်း
ၺၢၼ်ႇလႄႈ တူဝ်ၸႂ်ၵႅၼ်ႇၶႅင်တဵမ်ထူၼ်ႈ တေႉတေႉ
ၼႆႉပဵၼ်ပၢၼ် သၢဝ်းၶိုၼ်ႈၼၼ်ႉယဝ်ႈ။လွင်ႈမေႃႁၵ်ႉ
မေႃၸင်းၵေႃႈ ပွင်ႇၸႂ်လီမႃးတေႉၼႂ်းပၢၼ်ၼႆႉ။ၼႂ်း
သၢဝ်းပီႊပူၼ်ႉမႃး ၽၢႆႇလင်ၼၼ်ႉ ႁဝ်းႁဵတ်းသင်ဝႆႉ
ၵေႃႈလီဢမ်ႇႁဵတ်းၵေႃႈယဝ်ႉ ၶၢဝ်းယၢမ်းဢၼ်ၼၼ်ႉ
ပူၼ်ႉၵႂႃႇယဝ်ႉလႄႈ ဢဝ်ၶိုၼ်းသင်ဢမ်ႇလႆႈယဝ်ႉ။

ၵွပ်ႈၼႆၼႂ်းလိၵ်ႈႁူဝ်ၼႆႉ ​တေမႃးလၢတ်ႈၼႄပၼ်
ၸိူဝ်းဢၼ်ႁဝ်းႁဵတ်းလႆႈ ၼႂ်းၶၢဝ်းတၢင်းမိူဝ်းၼႃႈၼႆႉ
ယဝ်ႉ။တၢမ်တူဝ်ၽူႈတႅမ်ႈၵေႃႈ ပဵၼ်ၵူၼ်းၵေႃႉၼိုင်ႈ
ၼႂ်းပၢၼ်ၼႆႉၼင်ႇၵဝ်ႇ ၵွပ်ႈႁၼ်တႆးၵေႃႉမၢင်ၸိူဝ်း

တိုၵ်ႉၵႂင် တိုၵ်ႉၶမ်ၸႂ်တႃႇၽဝၶဝ်မိူဝ်းၼႃႈလႄႈ တႃႇ
တေႁႂ်ႈပဵၼ် တီႈၵမ်ႉထႅမ်ၸွၺ်ႈၽၢႆႇၼိုင်ႈတၢင်းၼိုင်ႈ
တႃႇၵေႃႉၶဝ်ၸိူဝ်းၼၼ်ႉ ၶႃႈႁဝ်းၽူႈတႅမ်ႈလိၵ်ႈၵေႃႈ
ၸင်ႇၶတ်းၸႂ် ၶူၼ်ႉသွၵ်ႈႁႃပိၼ်ႇမႃးပၼ်ယူႇယဝ်ႈ။

ၼႂ်ႈပၢၼ်ၼႆႉၼႆႉ ပဵၼ်ပၢၼ်ထိသွင်ဢၼ်တေ ၸႅၵ်ႇ
ၽေပၼ်ဝႃႈ ၵေႃႉၼႆႉတေၶိုၼ်ႈယႂ်ႇ လႄႈၵေႃႉၼႆႉ
တေတူၵ်းတႅမ်ႈၼႆၼၼ်ႉလႄႈ တေလႆႈဝႃႈပဵၼ်ပၢၼ်
သဵၼ်ႈတၢင်းၽေ တေလႆႈဝႃႈၼႆယူႇ။တၢင်းၽေၵေႃႈ
ဢမ်ႇၸႂ်ႈ ၽႂ်မႃးႁဵတ်းဝႆႉၼင်ႇၵဝ်ႇ ၵူၺ်းပဵၼ်ထၢတ်ႈ
ၸႂ်လႄႈ လွင်ႈတင်းႁူႉႁၼ် တၢမ်တူဝ်ၵူၼ်းႁဝ်းၸိူဝ်း
ဢၼ်ပႆယူႇ တီႈၼိူဝ်ႈသဵၼ်ႈတၢင်းၽဝၼႆႉ ပႅၵ်ႇပိူင်ႈ
ၵၼ်လႄႈ ၸင်ႇလႆႈၽေၵၼ်ယူႇယဝ်ႈ။

ႁဝ်းမီးၵၢမ်ႇမီးမုၼ် ဢၼ်ဝႃႈငိုၼ်းၼႆၼၼ်ႉၵူႊၵေႃႉ
ယူႇယဝ်ႉ ၵွပ်ႈၼၼ်ႁဝ်းၸင်ႇမႃးပဵၼ်ၵူၼ်း ဢၼ်မီး
ၺၢၼ်ႇတၢင်းႁူႉၼႆႉၼၼ်ႉၼႃႇ။သၽႃႇဝၵူၼ်းမီး
ငိုၼ်းၼင်ႇၵၼ် ပေႃးတေဢွၵ်ႇတၢင်း ၵႂႃႇတီႈလႂ်ၸိုင်
ၵေႃႉဢၼ်ၶဝ်လႆႈၸႂ်လူတ်ႉၼၼ်ႉ တေၶီႇလူတ်ႉသေ
ၵေႃႉလႆႈၸႂ်ၶိုၼ်ႈၶိူင်ႈၵေႃႈ တေၶိုၼ်ႈၶိူင်ႈၵႂႃႇယဝ်ႈ။

ပိၵ်ႉသမ်ႉယိူင်းမၢႆ တီႈၶဝ်ၶႂ်ႈၵႂႃႇ(ဢမ်ႇၼၼ်)တီႈတေ
လႆႈၵႂႃႇ မိူၼ်ၵၼ်သေၵေႃႈ ပေႃးလၢႆးၶဝ်ၵႂႃႇဢမ်ႇမိူၼ်
ၵၼ်ၸိုင် လွင်ႈထိုင်ၵႂႃႇၽႂ်းလႄႈထိူင်း ၶိုၵ်ႉၶႅမ်ႉလႄႈ
ၶုၺ်ႈၼဝ်ႈၵေႃႈ တေပိူင်ႈၵၼ်ယဝ်ႈ။ၵူၼ်းၸိူဝ်းဢၼ်
ၸူဝ်ႈၶူပ်ႇသၢဝ်းပၢႆ ၼႂ်းယၢမ်းလဵဝ်ၼႆႉၵေႃႈ တေႃႈၼ
င်ႇၼၼ် ၸူဝ်ႈၶူပ်ႇသၢမ်သိပ်းၼၼ်ႉ ပေႃးဢမ်ႇတၢႆ
ၸဝ်ႉႁေ တေလႆႈႁွတ်ႈၵူႊၵေႃႉယဝ်ႈ။ၵူၺ်းၵႃႊယွၼ်ႉ
လၢႆးၵႂႃႇ ႁဝ်းပိူင်ႈၵၼ်လႄႈ တႃႇႁဝ်းတေလႆႈၸၢမ်ႇ
ၽွၼ်းလီၵူႊလွင်ႈလွင်ႈၼၼ်ႉၵေႃႈ တေဢမ်ႇမိူၼ်ၵ
ၼ်လႆႈ။

!ၽႅၼ်ၵၢၼ်ဢၼ်ထုၵ်ႇလီႁၢင်ႈႁႅၼ်းတေႃႈလဵဝ်ၼႆႉ!

(1)ၽၢတ်ႇႁၢင်းလႆႈယဝ်ႉ
===================
ၸဵမ်ပိူၼ်ႈၸဵမ်ႁဝ်း ဢမ်ႇမီးၽႂ်ၶႂ်ႈၽၢတ်ႇတီႈယူႇ တီႈ
ၵိၼ်ႁဝ်းသေ ၶၢႆႉႁႃတီႈမႂ်ႇ။ၵူၺ်းၵႃႊမၼ်းၵိုင်ႇလီၶၢႆႉ
ယဝ်ႉ။ပေႃးထိုင်ပၢၼ်ၼႆႉ ၵႂႃႇၽၢတ်ႇယၢၼ်သေ တီႈ
ႁိမ်းႁွမ်း ဢၼ်ႁဝ်းမိုတ်ႈလႆႈယဝ်ႉ။ၵႂႃႇၵႆလႆႈၼင်ႇၵႃႈ
ႁႅင်းပိၵ်ႇႁဝ်း မိၼ်ၵႆလႆႈၼၼ်ႉ။ၵူၼ်းတၢင်းၼမ် ဢွၼ်
ၵၼ်ၵႆႉလေႇ ယွင်ႈဢၢမ်းတၢင်းၵတ်းယဵၼ် ႁူမ်ႈမႆႉ
ဢၼ်ပဵၼ်ပေႃႈမႄႈၼၼ်ႉ။ၸွင်ႇယၢမ်ႈႁၼ် တူၼ်ႈမႆႉ
ဢွၼ်ႇတူၼ်ႈလႂ် ယႂ်ႇသုင်လႆႈတႂ်ႈတူၼ်ႈမႆႉလူင်ႁိုဝ်။
တွင်းၵၼ်ဝႆႉၶႃႈလႃႈ လုၵ်ႈလၢင်းဢၼ်ပိုင်ႈယူႇတႂ်ႈ
ပေႃႈမႄႈတိၵ်းတိၵ်းၼၼ်ႉ ဢမ်ႇမီးတၢင်းၶိုၼ်ႈယႂ်ႇ
ဢမ်ႇမီးဝၼ်းၸုၵ်းၼိူဝ်မၢၵ်ႇၵၢဝ်ႈ သၼ်ၶႃတူဝ်ၵဝ်ႇ
လႆႈ ဢမ်ႇမီးဝၼ်းတင်ႈတူဝ်လႆႈ။

ၽူႈတႅမ်ႈလိၵ်ႈ ဢမ်ႇလႆႈၶႂ်ႈႁႂ်ႈၵူႊၵေႃႉ ၽၢတ်ႇပေႃႈ
မႄႈ ယဝ်ႉၵေႃႈဢမ်ႇလႆႈၶတ်းၸႂ်တိုၵ်းသူၼ်း ႁႂ်ႈလုၵ်ႈ
လၢင်း ပွၺ်ႇၽႃႈပေႃႈမႄႈ။ၽူႈတႅမ်ႈၵူၺ်းၶႂ်ႈမွၵ်ႇပၼ်
လၢႆးႁၵ်ႉလုၵ်ႈလႄႈ ႁၵ်ႉပေႃႈမႄႈဢၼ်ထုၵ်ႇမႅၼ်ႈ
ၼၼ်ႉၵွၺ်း။ၵွပ်ႈပဵၼ်တႃႇ လုၵ်ႈသူၶဝ်တေယူႇလႆႈ
ဝၢႆးသေဢမ်ႇမီး သူၶဝ်ယဝ်ႉၼၼ်ႉ။ႁဝ်းဢမ်ႇလႆႈယူႇ
ၸွမ်းပေႃႈမႄႈသေတႃႉ ဢမ်ႇၸႂ်ႈဝႃႈႁဝ်းပွၺ်ႇပႅတ်ႈ
လူး ႁဝ်းၵူၺ်းဢွၵ်ႇမႃးတင်ႈတူဝ် တႃႇတွပ်ႇလဵင်ႉပၼ်
ၵုၼ်းမုၼ်ၶဝ်ၸဝ်ႈၶိုၼ်းၵူၺ်းၼင်။

ၽုၺ်ႇတႃၵႂၢင်ႈၵႂၢင်ႈသေ လဵၼ်ႈၵေႃႉၵူၼ်းၸေးၸေး
====================================
မိူင်းၵူၼ်းလူင်ၼႆႉ သင်ၵေႃႈလႅၵ်ႈလၢႆႈယူႇတိၵ်းတိၵ်း
ယဝ်ႈ။မၼ်းမိူၼ်ႁဝ်းၵူႊၵေႃႉ တူၵ်းယူႇၼႂ်းၵၢင်မႄႈ
ၼမ်ႉလူင် ဢၼ်တင်းၸႅဝ်ႈ တၢင်းလိုၵ်ႉၼၼ်ႉလီလီ။
ပေႃးႁဝ်းဢမ်ႇလုၺ်းၵေႃႈ တေၸူမ်ၵမ်းလဵဝ်ယဝ်ႈ။

ၸဵမ်ပၢႆးပၺ်ႇၺႃႇ၊ၾိင်ႈငႄႈၾိင်ႈထုင်း၊လွင်ႈယူႇလွင်
ႈသဝ်းႁဝ်း ပေႃးၵိုတ်းယူႇၵေႃႈတိုၼ်းၸူမ် တူၵ်းၵႂႃႇ
ၽၢႆႇလင်ပိူၼ်ႈၵမ်းလဵဝ်။ၵူၼ်းၸိူဝ်းဢၼ်ၵႂႃႇလႆႈၵႆၶဝ်
ၼၼ်ႉတႄႉ ပိူၼ်ႈတေတူၺ်းၵႂၢင်ႈၵႂၢင်ႈ မုင်ႈၵႆၵႆသေ
ၶတ်းၸႂ်လုၺ်း တေႃႇပေႃးပူၼ်ႉပိူၼ်ႈ ႁႂ်ႈပေႃးဢမ်ႇ
မီးၽႂ် ယူႇဝႆႉၽၢႆႇၼႃႈၶဝ်ယဝ်ႈ။

ႁဝ်းႁဵတ်းၵေႃႉၵူၼ်းၸေးၵေႃႈ တေႁူပ်ႉႁၼ်မီးမႃး
တၢင်းႁူႉၸေးၸေးယဝ်ႈ။မီးၵႂၢမ်းသင်ႇသွၼ်ဝႆႉဝႃႈ
ယႃႇႁဵတ်းၵေႃႉၵူၼ်းမိူၵ်ႈၼႆသေတႃႉ တေမီးၽႂ်လၢႆ
ၵေႃႉ ၼႂ်းမိူင်းၵူၼ်းၼႆႉ ႁႂ်ႈပေႃးလီၼႃႇၼႃႇ သႂ်ၸွၼ်း
ငွၼ်း ယႃႇယၢမ်ႈႁဵတ်းၽိတ်းသင်ၼၼ်ႉ။ဢၼ်တမ်း
ၸႂ်လႆႈတႄႉ ႁဝ်းဢမ်ႇဝႄႈ ယူႇႁၢင်ႇၵႆတင်းၵူၼ်းမိူၵ်ႈ
ႁဝ်းၵူၺ်းၶတ်းၸႂ်လႆႈ ယႃႇႁႂ်ႈမိူၵ်ႈၶဝ်ၼၼ်ႉ ၸပ်းမႃး
တီႈႁဝ်းၵူၺ်း။

ႁဵတ်းၸွမ်းလွင်ႈမုင်ႈၾၼ်တူဝ်ၵဝ်ႇ
========================
ၸဵမ်မိူဝ်ႈလဵၵ်ႉတေႃႇယႂ်ႇ ႁဝ်းၶဝ်ၵူႊၵေႃႉၼႆႉ တိုၼ်း
မီးဝႆႉယူႇသေလွင်ႈလွင်ႈယဝ်ႈ။ဢၼ်ႁဝ်းၶႂ်ႈပဵၼ်။မၢင်
လွင်ႈၵေႃႈ ယွၼ်ႉသၢႆငၢႆ ယွၼ့်ႁိမ်းႁွမ်းသေလႄႈႁဝ်း
ဢမ်ႇႁတ်းႁဵတ်း ၼေၼမ်ႉၼေတူဝ် ၾၼ်ႁဝ်း။

မီးႁွင်ႈၵၢၼ်ၶူၼ်ႉၶႂႃႉတီႈၼိုင်ႈ သွပ်ႇထၢမ်ၵူၼ်းၸမ်
တၢႆၶဝ် မွၵ်ႈၼိုင်ႈပၢၵ်ႇၼႆႉ။ထၢမ်ၶဝ်ဝႃႈ ၼႂ်းၵၢၼ်
ဢၼ်သူၶဝ် လႆႈႁဵတ်းၽိတ်းပိူင်ႈမႃးလႄႈ တင်းၵၢၼ်
ဢၼ် ဢမ်ႇလႆႈႁဵတ်းသၢင်ႈမႃးၼၼ်ႉ သူၶဝ်ယိၼ်း
ၼႅင်ၸႂ် ဢၼ်လႂ်လိူဝ်ၼႆႉယဝ်ႈ။ၼႂ်းသၢမ်ပုၼ်ႈၼၼ်ႉ
သွင်ပုၼ်ႈလိူဝ်ၼႆႉ ၶဝ်တွပ်ႇဢွၵ်ႇမႃးမိူၼ်ၵၼ်ဝႃႈ ၶဝ်
ၼႅင်ၸႂ် ဢၼ်ၶဝ်ဢမ်ႇလႆႈႁဵတ်းၼၼ်ႉလိူဝ် ၼႆၵူႊၵေႃ
ႉ။ၾၼ်ဢၼ်ဢမ်ႇလႆႈၼေၼမ်ႉၼေတူဝ် တီႈဢၼ်
ဢမ်ႇလႆႈၵႂႃႇ ၵၢၼ်ဢၼ်ဢမ်ႇလႆႈႁဵတ်း ၸိူဝ်းၼႆႉၸိူဝ်
းၼႆႉ ၶဝ်ၼႅင်ၸႂ်ၸွမ်း ဢၼ်ၶဝ်ဢမ်ႇလႆႈႁဵတ်းမႃး
ၸိူဝ်းၼၼ်ႉ တေႉတေႉၼႆယဝ်ႈ။

ယႃႇႁႂ်ႈတၢင်းၵူဝ်ၼၼ်ႉ မႃးပေႉပုၼ်ႈ ၸႂ်ၶႂ်ႈပဵၼ်သူ
ၶဝ်ၼၼ်ႉသေၵမ်း။ယုမ်ႇယမ်ဝႃႈ လိၵ်ႈႁူဝ်ၼႆႉၼႆႉ
တေပဵၼ်ႁႅင်းၸႂ် တႃႇတႆးၵေႃႉၵူႊၵေႃႉ ၸိူဝ်းလႆႈလူ
ဢၢၼ်ႇၼႆႉယူႇ။

မႂ်ႇသုင်ၵၢင်ဝၼ်းၶႃႈ။မီးတၢင်းႁၼ်ထိုင်ၼင်ႇႁိုဝ်ၼိူဝ်
လိၵ်ႈႁူဝ်ၼႆႉၵေႃႈ ၶွမ်းမႅၼ်းၵၼ်လႆႈယူႇ။

ၼေႃႇလၢဝ်မိူင်း (ၼွင်ဢူႇ)
27. ၼူဝ်ႇဝႅမ်ႇပိူဝ်ႇ. 2017
ဝၼ်းၸၼ်