တွၼ်ႈတႃႇ ၸၢတ်ႈပၢၼ်ၸဝ်ႈၵဝ်ႇဝၼ်းမိူဝ်းၼႃႈ မၼ်းယူႇတီႈၶေႃႈတွပ်ႇၸဝ်ႈၵဝ်ႇၵူၺ်း။

႑ - (ၵ) ၵဝ်တိုၵ်ႉလဵၵ်ႉလႅင်ယူႇ၊ ၵဝ်ပႆႇၵေႃႉယႂ်ႇ၊ တင်းႁူႉတင်းႁၼ်ၵေႃႈပႆႇၼမ်။
(ၶ) တိုၵ်ႉလဵၵ်ႉၼွႆႉၼႆႉ လီဢိူဝ်ႈ သင်ဝႃႈႁဵတ်းၽိတ်းၵႂႃႇၵေႃႈ မီးၶၢဝ်းယၢမ်းၶိုၼ်းမူၼ်ႉမႄးလႆႈ။

႒ - (ၵ) ၵဝ်ၼႆႉဢယုယႂ်ႇယဝ်ႉ၊ ဢမ်ႇၶႂ်ႈႁဵတ်းၶႂ်ႈသၢင်ႈသင်ယဝ်ႉ။
(ၶ) ၵဝ်ၼႆႉဢႃယုယဝ်ႉ၊ ပေႃးၵဝ်ဢမ်ႇလုၵ်ႉႁဵတ်းတေႃႈလဵဝ် ၵဝ်တေလႆႈလုၵ်ႉႁဵတ်းမိူဝ်ႈလႂ်။

(ၵ) ၵဝ်မီးဝႆႉ ၼႃႈႁိူၼ်ႈလုၵ်ႈမႄးၼမ်သေ လွင်ႈဢၼ်လူဝ်ႇတူၺ်းထိုင်လုမ်းလႃးၵေႃႈ ၼမ်ဢိူဝ်ႈ ယွၼ်ႉၼၼ်
တႃႇတေၵႂႃႇႁႃႁဵတ်းၵၢၼ် တၢင်ႇတီႈတၢင်ႇတၢင်းၼၼ်ႉ ၵဝ်ဢမ်ႇပဵၼ်လႆႈ။
(ၶ) တင်းႁိူၼ်း ၵဝ်မီးဝႆႉလုၵ်ႈမႄးၵဝ်ဢိူဝ်ႈ ယွၼ်ႉၼၼ် ၵဝ်တေလႆႈၶတ်းၸႂ်ႁႂ်ႈဢွင်ႇမၢင်ႇထိုင်တီႈၼၼ်ႉယဝ်ႉ။



(ၵ) ၵဝ်ပႆႇတဵမ်ထူၼ်ႈလႆႈ၊ ယွၼ်ႉၼၼ် ႁႂ်ႈၵဝ်လႆႈလဵပ်ႈႁဵၼ်းတူၺ်းထႅင်ႈၵွၼ်ႇ ။
(ၶ) ၵူၼ်းႁဝ်းၼိုင်ႈၵေႃႉတႃႇတေတဵမ်ထူၼ်ႈလႆႈဢၼ်ဝႃႈၼၼ်ႉ မၼ်းဢမ်ႇပဵၼ်လႆႈ၊ ယွၼ်ႉၼၼ် ၵဝ်တေၶတ်းၸႂ် ႁဵတ်းၵႂႃႇသေ ဢဝ်တူဝ်ထူပ်းၼမ်ၼမ်ၸွမ်းၼႃႈၵၢၼ်ၵဝ်သေယဝ်ႉ။

(ၵ) ၵဝ်ၶႂ်ႈလုၵ်ႉႁဵတ်း ၵၢၼ်ပၢႆးမၢၵ်ႈမီးၵဝ်ဢိူဝ်ႈ၊ ၵူၺ်းၵႃႈ ၵဝ်ဢမ်ႇမီးတိုၼ်းလၢင်းမၼ်း။
(ၶ) ၵဝ်ဢမ်ႇမီးတိုၼ်းလၢင်းမၼ်း၊ ၵူၺ်းၵႃႈ ပေႃးႁဵတ်းၵၢၼ် ပၢႆးမၢၵ်ႈမီးၵဝ်တေလႆႈတေႇႁဵတ်းႁိုဝ်ၵႂႃႇ။

ၸဝ်ႈၵဝ်ႇတေလႆႈ ပေႉတူဝ်ၸဝ်ႈၵဝ်ႇ၊ တေလႆႈဝႆႉမိူၼ်ၼင်ႇ ၵဵမ်းဢၼ်ၼိုင်ႈၼၼ်ႉယဝ်ႉ။ ယဝ်ႉၵေႃႈ ယႃႇလၢတ်ႈဝႃႈ ၵဝ်ပႆႇတဵမ်ထူၼ်ႈ၊ ၵဝ်ပႆႇပဵၼ်လႆႈ၊ ၵဝ်ဢမ်ႇမီး၊ ၵႂၢမ်းၸိူဝ်းၼႆႉ ဢမ်ႇထုၵ်ႇလီလၢတ်ႈထႅင်ႈယဝ်ႉ။ ၸၢတ်ႈပၢၼ်ၸဝ်ႈၵဝ်ႇၼၼ်ႉ ဝႆႉမိူၼ်ၼင်ႇ ၵဵမ်းၼိုင်ႈဢၼ်သေ ႁႃလွၵ်းလၢႆးတႃႇတေဢဝ်ပေႉမၼ်းႁႂ်ႈလႆႈလႄႈ။ သင်ဝႃႈ ၸၢတ်ႈပၢၼ်ၸဝ်ႈၵဝ်ႇၼၼ်ႉ ၶႂ်ႈပူၼ်ႉလႆႈ ၸၢတ်ႈပၢၼ်ယူဝ်းယူဝ်းယူႇၵေႃႈ၊ တင်းဝူၼ်ႉ တင်းႁဵတ်း တင်းလၢတ်ႈၸဝ်ႈၵေႃႈ တေလႆႈၶိုၵ်ႉၶႅမ်ႉသေၵူၼ်းယူဝ်းယူဝ်းၶဝ်ၼၼ်ႉယဝ်ႉ။ ပေႃးၶႂ်ႈၵျႃႉလိူဝ်သေ ပိူၼ်ႈၵေႃႈ လွင်ႈႁဵတ်းလွင်ႈသၢင်ႈၸဝ်ႈၵဝ်ႇၼၼ်ႉၵေႃႈ တေလႆႈၵျႃႉသေပိူၼ်ႈၼၼ်ႉယဝ်ႉ။

ပၢႆးဝူၼ်ႉၶပ်ႉ
Credit : kyaw kyaw soe