ၽွၼ်းလီလွင်ႈလႆႈၸုပ်ႇၼူမ်ၵၼ်

ၽွၼ်းလီလွင်ႈလႆႈၸုပ်ႇၼူမ်ၵၼ်။

ၵူၼ်းႁဝ်းပေႃးၵပ်းၵၢႆႇလူၺ်ႈ တၢင်းႁၵ်ႉမႃး လွင်ႈၸုပ်ႇၼူမ်ၵၼ်ၼႆႉ ၶႂ်ႈဝႃႈဢမ်ႇလွတ်ႈၽႂ်၊ လွင်ႈၸုပ်ႇ ၼူမ်ၵၼ်ၼႆႉပဵၼ်ဢၼ်ႁဵတ်းႁႂ်ႈၸၼ်ၸႂ်ၵၼ်၊ လႄႈပဵၼ်ဢၼ်ပၼ်လႆႈတၢင်းသိူဝ်းၵၼ်ဢၼ်ၼိုင်ႈယဝ်ႉ ၼႂ်းတၢင်းႁၵ်ႉၼၼ်ႉ။ ၵူၺ်းပေႃးထၢမ်ၵၼ်ဝႃႈ ၵွပ်ႈသင်လႄႈလႆႈၸႂ် လွင်ႈၸုပ်ႇၼူမ် ၵၼ်လႃႇ ပေႃးဝႃႈ ၼႆ ၸိုင် တင်းဢၢႆတင်းတေတွပ်ႇဝႃႈ ၵွပ်ႈပၼ်လႆႈတၢင်းမူၼ်ႈသိူဝ်းၼႆယူႇယဝ်ႉ။ ပေႃးဢဝ်ၸွမ်းထုင်း ၵူၼ်းလေႃးၵၶူင်းၵၢင်ဝႃႈၵေႃႈ လွင်ႈၸုပ်ႇၼူမ်ၵၼ်ၼႆႉ ပဵၼ်ႈၽိင်ႈမၼ်းၵေႃႈဝႃႈလႆႈဢၼ်ၼိုင်ႈယဝ်ႉ ၼႂ်းၵေႃႉႁၵ်ႉၵၼ်သွင်ၵေႃႉၼၼ်ႉ။ ၵပ်းၵၢႆႇလူၺ်ႈလွင်ႈၸုပ်ႇၼူမ်ၵၼ်ၼႆႉသေ  ၵူၼ်းၶူၼ်ႉၶႂႃႉလဵပ်ႈႁဵၼ်း ဝႃႈမၼ်းမီးၽွၼ်းလီတႃႇၵူၼ်းႁဝ်းၼမ်ယူႇၼႆၼၼ်ႉယဝ်ႉ။ ၽွၼ်းလီမၼ်း သမ်ႉ ပဵၼ်သင်လၢႆလၢႆလႃႇ ပေႃးဝႃႈၼႆၸိုင်------

႑ - ႁႅင်းၶၢမ်ႇတူဝ်ၸဝ်ႈၵဝ်ႇ တေတိူဝ်းလိူဝ်မႃး။

မိူဝ်ႈတိုၵ်ႉၸုပ်ႇၼူမ်ၵၼ်ယူႇၼၼ်ႉ မႅင်းၽတ်ႉတိရိယႃး မွၵ်ႈပႅတ်ႇသိပ်း တေမီးယူႇၼႂ်းသူပ်းၸဝ်ႈၵဝ်ႇ ၼႆယဝ်ႉ။ ၼႂ်းမႅင်း ပႅတ်ႇသိပ်းၼၼ်ႉ မႅင်းၵမ်ႈၽွင်ႈတေပၼ်လႆႈ ၽွၼ်းလီ ႁႅင်းၶၢမ်ႇတူဝ်တႃႇၵူၼ်းႁဝ်း ၼႆယဝ်ႉ။ (ၽူႈၶူၼ်ႉၶႂႃႉ လဵပ်ႈႁဵၼ်း တီႈမိူင်းၼႄႇတႃႇလၼ်ႇ)

႒ - ပၢႆးယူႇလီၶဵဝ်ႈ ၶႅမ်ႉလႅပ်ႈလီ။

သြႃႇဝူၼ်ႇ တီႈမိူင်း ၼယူးယွၵ်ႉ (New Yok) ၶဝ်ဝႃႈ လွင်ႈၸုပ်ႇၼူမ်ၵၼ်ၼႆႉ ႁဵတ်းႁႂ်ႈၼမ်ႉလၢႆး၊ ဢမ်ႇၼၼ် ၼမ်ႉၶဵဝ်ႈဢွၵ်ႇလီသေ တေႁဵတ်းႁႂ်ႈ ၼမ်ႉဢႅတ်ႉသိတ်ႉ ဢၼ်မီးၼႂ်းၼမ်ႉၶဵဝ်ႈၼၼ်ႉ တေ ယွမ်းလူင်းၵႂႃႇၼႆယဝ်ႉ။ ပေႃးဝႃႈ ၼမ်ႉဢႅတ်ႉသိတ်ႉၼႂ်းၶဵဝ်ႈယွမ်းလူင်းၵႂႃႇပေႃးၼႆ တေႁဵတ်းႁႂ်ႈၶဵဝ်ႈ ၶၢဝ်မႃးၼႆယဝ်ႉ။ ယဝ်ႉၵေႃႉ သဵဝ်မဵၼ်ၶဵဝ်ႈၵေႃႈ တေလူတ်းယွမ်းလူင်းပႃးၼႆယဝ်ႉ။

႓ - ႁဵတ်းႁႂ်ႈ ဢွၵ်းဢေႃၸိုၼ်ႈ။

လွင်ႈၸုပ်ႇၼူမ်ၵၼ်ၼႆႉ မၼ်းႁဵတ်းႁႂ်ႈၸဝ်ႈၵဝ်ႇ မူၼ်ႈသိူဝ်းၸႂ်လႆႈ ဢၼ်ဝႃႈၼၼ်ႉ မီးႁူဝ်ပၢၵ်ႇတဵမ်ယူႇ ယဝ်ႉ။ မိူဝ်ႈႁဝ်းတိုၵ်ႉမူၼ်ႈသိူဝ်းယူႇၼၼ်ႉ ၵွပ်ႈႁဝ်းဢမ်ႇမီးလွင်ႈၶီ လွင်ႈလိူတ်ႇမႆႈသင်လႄႈ ပၼ်လႆႈ တင်းမူၼ်ႈသိူဝ်းဢၼ်လဵဝ်ၵူၺ်းသေ ဢွၵ်းဢေႃၵေႃႈၸိုၼ်ႈပၢင်ႇၸွမ်းတေႉတေႉၼႆယဝ်ႉ။

႔ - လိူတ်ႈၶိုၼ်ႈလႄႈ ၸဵပ်းမူၺ်ႈတေႁၢႆ။

ပေႃးဢမ်ႇႁူႉတေႉတေဝႃႈၵၼ်လၢတ်ႈလိူဝ်ယူႇ၊ ဢၼ်ၼႆႉၵေႃႈ ပဵၼ်လွင်ႈတေႉ တီႈၵူၼ်းလဵပ်ႈႁဵၼ်းၶဝ် ႁူႉႁၼ်မႃးၼၼ်ႉယဝ်ႉ။ မိူဝ်ႈတိုၵ်ႉၸုပ်ႇၼူမ်ၵၼ်ယူႇၼ်ႉ ယွၼ်ႉဝႃႈလွင်ႈၵျေႃႇလွင်ႈမူၼ်ႈၼၼ်ႉ မႃးဢဝ် တီႈယူႇမၼ်းမူတ်းမူတ်းလႄႈ လွင်ႈလိူတ်ႈၶိုၼ်ႈ လွင်ႈၸဵပ်းမူၺ်ႈၸိူဝ်းၼႆႉၵေႃႈ ႁၢႆၵႂႃႇပႃးၸွမ်းလွင်ႈၵျေႃႇ လွင်ႈမူၼ်ႈၼၼ်ႉမူတ်းမူတ်းၼႆယဝ်ႉ။

႕ - လႆႈဢွၵ်ႇဢဵၼ်ႁႅင်း။

လွင်ႈၸုပ်ႇၼူမ်ၵၼ်ၼႆႉ ဢမ်ႇၸႂ်ႈဝႃႈ ၸုပ်ႇၼူမ်ၵၼ်လၢႆလၢႆၵူၺ်း၊ မၼ်းလႆႈၸႂ်ႉႁႅင်းတူဝ်ႁႅင်းၸႂ် လႄႈပဵၼ်ဢၼ်ဢွၵ်ႇဢဵၼ်ႁႅင်းၼၼ်ႉယဝ်ႉ။ ပေႃးၸုပ်ႇၼူမ်ၵၼ်လႆႈႁိုင်ႁိုင်ပေႃးၼႆ တင်းႁိူဝ်ႉမၼ်း မိူဝ်လႆႈလႅၼ်ႈဢွၵ်ႇဢဵၼ်ႁႅင်းၼၼ်ႉယဝ်ႉ။ ယွၼ်ႉဝႃႈလွင်ႈၸုပ်ႇၼူမ်ၵၼ်လႆႈ လႆႈၸႂ်ႉႁႅင်းၸႂ်ၼမ်ၼႆ ၼၼ်ႉယဝ်ႉ။

႖ - ယႃလႆႈလွင်ႈၶီငဝ်။

ၵူၼ်းၵေႃႉဢၼ်ၶီငဝ်ယူႇၼၼ်ႉ ပေႃးဝႃႈလႆႈၵျေႃႇၸွမ်းလွင်ႈၸုပ်ႇၼူမ်ပေႃးၼႆ လွင်ႈၶီငဝ်မၼ်းၼၼ်ႉ တိုၼ်းဝႃႈႁၢႆၵႂႃႇၼႆၼၼ်ႉယဝ်ႉ။ မိူၼ်ၼင်ႇ ၵူၼ်းဝူၼ်ႉၼမ်ၶဝ်ၸိူဝ်းၼႆႉၵေႃႈမိူၼ်ၼၼ်ယဝ်ႉ ပေႃးဝႃႈ ဝူၼ်ႉသင်ဢမ်ႇမႃးသင် ဢွၵ်းဢေႃတၼ်တိၵ်းၼိၵ်းၼႆတေႉ ပေႃးလႆႈၵျေုႇမူၼ်ႈၸွမ်းလွင်ႈ ၸုပ်ႇၼူမ် ယဝ်ႉၼႆတေႉ ဢွၵ်းဢေႃတေၸိုၼ်ႈပၢင်ႇမႃးသေ တေဝူၼ်ႉလႆႈၶႆႈၸၢင်ႈမႃးလိူဝ်ၵဝ်ႇယူႇၼႆယဝ်ႉ။

ၵၢၼ်ၸုပ်ႇၼူမ်ၵၼ်ၼႆႉ ပဵၼ်ၵၢၼ်လၢင်ႉဢွၵ်းဢေႃၼႆၵေႃႈဝႃႈလႆႈယဝ်ႉ။

ယိၼ်းၸူမ်းၽူႈလူလိၵ်ႈႁဝ်းၶဝ်တင်းသဵင်ႈသေ

ပၢႆးဝူၼ်ႉၶပ်ႉ

Credit: original uploder