ၶူဝ်းၶွင်ဢႃႈမူၺ်ႇ ၵမ်းလိုၼ်းသုတ်းၶွင်ပေႃႈ

ႉႉႉႉႉႉမီးလုင်းၵေႃႉၼိုင်ႈ မိူဝ်ႈမၼ်းတိုၵ်ႉၼုမ်ႇꧦယူႇၼၼ်ႉ 

မၼ်းလႆႈပဵၼ်ႁူဝ်ၼႃႈၵူၼ်းႁဵတ်းၵၢၼ် ယူႇၼႂ်းမေႃႇၶမ်း 

ၵႃႈႁႅင်းၵေႃႈလႆႈၼမ်တေႉ ႉႉႉႉ
ၵူၺ်းၵႃႈ ႉႉႉ လုင်းၵေႃႉၼႆႉဢမ်ႇတွၼ်ႉယၢမ်ႈၵဵပ်းငိုၼ်း
ၵဵပ်းတွင်းသေပွၵ်ႈ မီးၵႃႈႁိုဝ်ၵေႃႈ ၸႂ်ႉၸၢႆႇသဵင်ႈꧦမူတ်ႉ

လုင်းၵေႃႉၼႆႉပဵၼ်ၵူၼ်းၸႂ်လီ မီးမႅတ်ႉတႃႇ ၽႂ်မႃးယိမ်
ဢီႈသင်ၵေႃႈပၼ်မူတ်း ယဝ်ႉၵေႃႈလဵင်ႉဢူၺ်းၵေႃႉဢူၺ်း
သေႈယူႇၵူႊၶၢဝ်းယၢမ်းယူႇယဝ်ႉ ။

လုင်းၵေႃႉၼႆႉမီးဢူၺ်းၵေႃႉၼမ်တေႉၼမ်ဝႃႈ ႉႉႉ တေႃႇ
ပေႃးထိုင်မၼ်း ဢႃႈသၢၵ်ႈယႂ်ႇၵေႇထဝ်ႈမႃးလွၺ်းလွၺ်း ႉႉႉ 

ၵမ်းလိုၼ်းသုတ်းမၼ်းၵေႃႈ ဢမ်ႇမီးငိုၼ်းၵ​ဵပ်း
လိူဝ်သေဢိတ်း ငိုၼ်းၶမ်းဢၼ်မၼ်းႁႃလႆႈမႃးမိူဝ်ႈမၼ်း
ႁဵတ်းၵၢၼ်ၼၼ်ႉၵေႃႈ တေႃႈသဵင်ႈမူတ်းယဝ်ႉ။

လုင်းၼႆႉ မီးလုၵ်ႈဝႆႉယူႇ 5 ၵေႃႉ မိူဝ်ႈမၼ်းဢမ်ႇမီးငိုၼ်း
ယဝ်ႉၼၼ်ႉ မၼ်းၵေႃႈဢမ်ႇၸၢင်ႈႁဵတ်းႁိုဝ် ႁူႉဝႃႈတေလႆႈ 

မိူဝ်းပိုင်ႈဢိင်ယူႇၸွမ်း လုၵ်ႈလၢင်း တင်း 5 ၵေႃႉ
ဝႃႈၼႆယဝ်ႉ ႉႉႉ

ဝၼ်းၸၼ် ( ဝၼ်းတၢင်လႃႇ ) ၵေႃႈမိူဝ်းယူႇႁိူၼ်းလုၵ်ႈ
သၢဝ် သမ်ႉထုၵ်ႇလုၵ်ႈၶူၺ်လၢတ်ႈၵႂၢမ်းဢမ်ႇေပႃးလီသႂ်ႇ
ႉႉႉ ပဵၼ်သင်လႄႈ ဢူႈႁဝ်းဢမ်ႇမိူဝ်းႁိူၼ်းလုၵ်ႈလၢင်း
တၢင်ႇၵေႃႉၽွင်ႈၼေႃ ႉႉႉ ၶႃႈတေႁဵတ်းသင်ၵေႃႈပေႉယူႇ
ယၢပ်ႇ ဢိုတ်ႇဢတ်ႉတေႉယဝ်ႉ ႉႉႉ ဝႃႈၼႆသေ

မႃးဝၼ်းဢၢင်းၶၢၼ်း ( ဝၼ်းဢႅင်ႇၵႃႇ ) ၵေႃႈမိူဝ်းယူႇ
ႁိူၼ်းလုၵ်ႈၸၢႆး ၼၼ်ႉၵေႃႈထုၵ်ႇလုၵ်ႈလၢၼ်လႄႈလုၵ်ႈ
ပႂ်ႉ ႁဵတ်းၶိတ်ႉလၢတ်ႈပၢႆႇသႂ်ႇထႅင်ႈဝႃႈ ႉႉႉႉ
ႉႉႉ ၶၢၼ်ႉႁၼ်ပူႇႁဝ်းတေႉယဝ်ႉ ၶဝ်ႈၽၵ်းဢၼ်လုၵ်ႈလႆႈ
ၸႂ် တူၺ်းလူးပူႇႁဝ်းၵေႃႈၵိၼ်ပႅတ်ႈမူတ်း ပဵၼ်သင်လႄႈ
ပူႇႁဝ်း ဢမ်ႇၵႂႃႇတၢင်ႇႁိူၼ်းၽွင်ႈၼေႃ? ႉႉႉႉၼႆလႄႈ

ပဵၼ်ယူႇၸိူင်ႉၼႆတိၵ်းꧦသေ လုင်းၵေႃႉၼၼ်ႉၵေႃႈ ပိၼ်ႇ
လႅၵ်ႈလၢႆႈ ၵႂႃႇယူႇႁိူၼ်းလုၵ်ႈၵေႃႉၼၼ်ႉၵမ်း ႁိူၼ်းလုၵ်ႈ
ၵေႃႉၼႆႉၵမ်း ထုၵ်ႇလုၵ်ႈလၢၼ် လုၵ်ႈပႂ်ႉ လႃႇဝႃႈယူႇၵူႊ
ၶၢဝ်းယၢမ်း ႉႉႉ

ၵူၺ်းၵႃႈ ႉႉႉ လုင်းၵေႃႈ ႁူႉၵႃႈတေလႆႈယိူၼ်ႉ
ယွၼ်ႉဝႃႈ လုင်းၵေႃႈဢမ်ႇမီးငိုၼ်းၵဵပ်းသေဢိတ်းၼႆ
ယဝ်ႉ။

ယူႇမႃးဝၼ်းၼိုင်ႈ ႉႉႉ လုင်းၵေႃႉၼၼ်ႉၵေႃႈတႅပ်းတတ်း
သဵၼ်ႈၸႂ် ႁွင်ႉလုၵ်ႈလၢင်း တၢင်းသဵင်ႈမၼ်းမႃးသေ
ယဝ်ႉၵေႃႈလၢတ်ႈဝႃႈ ႉႉႉ ပေႃႈတေဢမ်ႇယူႇ မွၵ်ႈ 2 ပီႊ
ၼႃႈလုၵ်ႈ ယွၼ်ႉဝႃႈဢူၺ်းၵေႃႉပေႃႈ ဢၼ်ပဵၼ်ၸဝ်ႈၶွင်
မေႃႇၶမ်းၼၼ်ႉ ၶဝ်မႃးယွၼ်းႁႂ်ႈပေႃႈၵႂႃႇၸွႆႈၵၢၼ်မၼ်း
တီႈမေႃႇၶမ်း ၶွင်မၼ်းၼၼ်ႉ ပေႃႈတေလႆႈၵႂႃႇၸွႆႈ
ၶဝ်တေႉꧦဢိူဝ်ႈၼႃႈလုၵ်ႈ ႉႉႉႉ ၼႆလႄႈ

မိူဝ်ႈလုၵ်ႈလၢင်းတၢင်းသဵင်ႈလႆႈယိၼ်းထွမ်ႇၼင်ႇၼၼ်
ယဝ်ႉၵေႃႈ ဢွၼ်ၵၼ်ၸူမ်းသိူဝ်းယုမ်ႉယၢႆႈ ယဝ်ႉၵေႃႈ
ဢွၼ်ၵၼ် မွၵ်ႇလၢတ်ႈႁႂ်ႈပေႃႈၶဝ်ၼၼ်ႉ ၵႂႃႇပူၼ်ႉꧦသေ
တေဢမ်ႇလႆႈပဵၼ် တူဝ်ပၼ်ႁႃ ဢီးသင်ထႅင်ႈၼႆယဝ်ႉ။

မိူဝ်ႈလႆႈတဵမ်သွင်ပီႊယဝ်ႉၼၼ်ႉ လုင်းၵေႃႉၼၼ်ႉၵေႃႈ
ပွၵ်ႈမႃး လႆႈတိူၵ်ႈလဵၵ်းလူင်ယႂ်ႇꧦ မႃးၸွမ်းၼိုင်ႈလုၵ်ႈ
ၽွင်းယၢမ်းမၼ်းၵႂႃႇလႂ်ၵေႃႈ တေလၢၵ်ႈၵႂႃႇၸွမ်းယူႇၵူႊ
တီႈၼၼ်ႉယဝ်ႉ။ လုၵ်ႈလၢင်းတၢင်းသဵင်ႈၵေႃႈဢွၼ်ၵၼ်
ထၢင်ႇပိူင်ႈၸႂ် လႄႈထၢမ်ဝႃႈ ႉႉႉႉ တိူၵ်ႈဢီႈသင်ၶႃႈၼၼ်ႉ
ပေႃႈ ႉႉႉႉ ၵေႃႉပဵၼ်ပေႃႈၶဝ်ၼၼ်ႉၵေႃႈၸင်ႇတွပ်ႇဝႃႈ
ႉႉႉ ပဵၼ်ၶူဝ်းၶွင်ဢႃႈမူၺ်ႇၵမ်းလိုၼ်းသုတ်း ဢၼ်ေပႃႈ
လႆႈမႃး မိူဝ်ႈပေႃႈၵႂႃႇႁဵတ်းၵၢၼ်တီႈမေႃႇၶမ်းၼၼ်ႉဢိူဝ်ႈ
သင်ၸိူဝ်ႉဝႃႈၽႂ် တူၺ်းထိုင်ပေႃႈ တေႃႇထိုင်လူမ်းထူၺ်ႈ
ၸႂ် ၵမ်းလိုၼ်းသုတ်း ပေႃႈတေဢဝ်ၶူဝ်းၶွင်ဢႃႈမူၺ်ႇ
တင်းသဵင်ႈတၢင်းမူတ်းၼႆႉ ပၼ်မၼ်း ႉႉႉ ဝႃႈၼႆသေ

လုၵ်ႈလၢင်းတၢင်းသဵင်ႈၵေႃႈ ဢွၼ်ၵၼ်ပႃးၵၼ်တိုၼ်ႇ
တဵၼ်ႈ ဢွၼ်ၵၼ်မႃးတူၺ်းထိုင်လုမ်းလႃးပေႃႈၶဝ်ပေႃး
ဢမ်ႇထၢတ်ႇေႁပွၵ်ႈ ႉႉႉႉႉ
ဝၼ်းၸၼ် (ဝၼ်းတၢင်လႃႇ ) လုင်းၵေႃႈယူႇၸွမ်းလုၵ်ႈ
သၢဝ်ၵေႃႉယႂ်ႇ လုၵ်ႈၶူၺ်လႄႈတင်းလၢၼ်ꧦမၼ်းၼၼ်ႉ
ၵေႃႈ ဢွၼ်ၵၼ်ဢဝ်ဢူၵ်းဢဝ်ၸႂ် ႁႃၶွင်လီလီမႃးပၼ်
ၵိၼ် ၵူၺ်းၵႃႈဢမ်ႇပႆႇတၼ်းသင်ၵေႃႈ လုၵ်ႈၸၢႆးၵေႃႉထီႉ
2 ၵေႃႈမႃးၶႆႊ ႁႂ်ႈမိူဝ်းယူႇၸွမ်း ၼႆသေ

ဢမ်ႇပႆႇတၼ်းသင်ၵႅပ်းဢွၼ်ႇၵမ်းၼိုင်ႈ လုၵ်ႈသၢဝ်ၵေႃႉ
ထီႉ 3 ၵေႃႈမႃးၸွမ်းၶႆႊႁႂ်ႈမိူဝ်းယူႇၸွမ်း လုၵ်ႈလၢင်း
တင်း 5 ၵေႃႉ ၶွင်လုင်းၵေႃႈ ဢွၼ်ၵၼ်ႁိမ်ၵၼ် ဢဝ်
ဢူၵ်းဢဝ်ၸႂ် လႄႈႁဵတ်းပၼ်ၵူႊလွင်ႈꧦလီတေႉလီဝႃႈ
ၼႆယဝ်ႉ။

ၵူၺ်းၵႃႈ ႉႉႉ ၽွင်းယၢမ်းၵႂႃႇလႂ်ၵေႃႈ လုင်းၵေႃႈတေလၢၵ်ႈ
တိူၵ်ႈလုၵ်ႈၼၼ်ႉ ၵႂႃႇၸွမ်းယူႇတႃႇသေယဝ်ႉ။

ၶၢဝ်းယၢမ်းၵေႃႈပူၼ်ႉမႃး 7ပီႊ ယဝ်ႉ လုင်းၵေႃႉၼၼ်ႉ
ၵေႃႈလႆႈသဵင်ႈၵၢမ်ႇ လပ်ႉလွႆငိုၼ်းလွႆၶမ်းၵႂႃႇပႅတ်ႈသေ
ဝၢႆးသေပၢင်မႃႇသႃႇယဝ်ႉတူဝ်ႈလီငၢမ်းယဝ်ႉၼၼ်ႉ
လုၵ်ႈလၢင်းတၢင်းသဵင်ႈၵေႃႈ ဢွၼ်ၵၼ်မႃးဝႅင်းႁွပ်ႈတိူၵ်ႈ
လဵၵ်းလုၵ်ႈၼၼ်ႉ တႃႇတေၸႅၵ်ႇၶူဝ်းၶွင်ဢႃႈမူၺ်ႇၵၼ်

လုၵ်ႈသၢဝ်ၵေႃႉယႂ်ႇသုတ်း ပဵၼ်ၵူၼ်ူၵေႃႉၽုၺ်ႇၽႃလဵၵ်ႉꧦ
ယဝ်ႉၵေႃႈႁၼ်ဝႃႈယင်းမီးၽႃႈၽိုၼ်သီၶၢဝ် ထႅင်ႈထၢပ်ႈ
ၼိုင်ႈႁေႃႇဝႆႉ ယဝ်ႉၵေႃႈလႆႈမီးၽိုၼ်လိၵ်ႈၽိုၼ်ၼိုင်ႈ
ဝၢင်းဝႆႉယူႇ လုၵ်ႈသၢဝ်ၵေႃႉယႂ်ႇသုတ်းၵေႃႈၸင်ႇလႆႈၽုၺ်ႇ
လူၽတ်းတူၺ်း ႁႂ်ႈၼွင်ႉꧦၵူႊၵေႃႉလႆႈထွမ်ႇငိၼ်းၵၼ်

ၼႂ်းၽိုၼ်လိၵ်ႈၼၼ်ႉတႅမ်ႈဝႆႉဝႃႈ ႉႉႉႉႉ
ထိုင် ႉႉႉႉ လုၵ်ႈႁၵ်ႉပေႃႈၵူႊၵေႃႉ
ဢွၼ်တၢင်း ႉႉ ပေႃႈယိၼ်းၸူမ်းၵွၼ်ႈႁိၼ်ၵူႊၵွၼ်ႈၼႂ်း

တိူၵ်ႈလဵၵ်းလုၵ်ႈၼႆႉ ဢၼ်လႆႈတူၺ်းထိုင်လုမ်းလႃး
ၽဝ​ပေႃႈ တေႃႇထိုင်ဝၼ်းလိုၼ်းသုတ်း ပေႃႈယွၼ်းႁႂ်ႈ
လုၵ်ႈꧦၵူႊၵေႃႉ မႅင်ႇၵၼ်ၵွၼ်ႈႁိၼ်ၼႂ်းတိူၵ်ႈလဵၵ်းလုၵ်ႈ
ၼႆႉ ႁႂ်ႈတၢၼ်ႇꧦ ၵၼ် တွၼ်ႈတႃႇဢဝ်ဝႆႉၾၢင်ႉသတိ ၸႂ်
ပၼ်သူၵူႊၵေႃႉ ႁႂ်ႈမေႃၵဵပ်းမေႃႁွမ်တေႇၸဵမ်ဝၼ်းမိူဝ်ႈၵႂႃႇ
သင်ဝႃႈေပႃးသူၶဝ် ၵႄႇထဝ်ႈမႃး သူတေဢမ်ႇလႆႈမီးၽဝ
ဢၼ်ၼႃႈလီဢၢႆမိူၼ်ပေႃႈၼ​ႆႉ ႉႉႉႉႉ
#ႁၵ်ႉလုၵ်ႈၵူႊၵေႃႉ
ပေႃႈ ႉႉႉႉႉႉ

ၼပ်ႉယမ်ၽူႈလူလိၵ်ႈတၢင်းသဵင်ႈၶႃႈ။
ပိၼ်ႇတႅမ်ႈ ၶႅၵ်ႇၸူဝ်ႈၶၢဝ်း - မိူင်းသူႈ
28-12-2017