ၼမ်ႉၽိုင်ႈ ဢၼ်ၸႅတ်ႈ၊ ဢၼ်တု၊ လႄႈၽွၼ်းလီၼမ်ႉၽိုင်ႈ

ၼမ်ႉၽိုင်ႈၼႆႉ ပဵၼ်တၢင်းၵိၼ်ဝၢၼ် ၵူၼ်းႁဝ်းၵူၺ်း
ဢမ်ႇၵႃးၶဝ်ႈတၢင်းတိုဝ်းပႃး မိူၼ်ၼင်ႇ ပဵၼ်ယႃႈယႃ
 တႃႇပၢႆးယူႇလီ၊
ၸွႆႈထႅမ်ပၼ်ႁၢင်ႈၽၢင် တိူဝ်းႁၢင်ႈလီမႃးလိူဝ်ၵဝ်ႇ၊
ၽဵဝ်ၼိူဝ်ႉၼင်ႇပီးသၢၼ်ႈလႅပ်ႈလဝ်းမႃး ၸၵႂႃႇၸိူဝ်း
ၼႆႉယဝ်ႈ။
ၵူၺ်းၵႃႈ ပေႃးၸူးဢဝ် ဢၼ်ပိူၼ်ႈၵႆႉတမ်းၶၢႆ ၸိူဝ်း
 ၼၼ်ႉၸမ်ႉဢမ်ႇသူႈလႃလီၺႃး ဢၼ်ၸႅတ်ႈမၼ်း
လႄႈ လူဝ်ႇဢွၼ်ၵၼ်ၽၢင်ႉသိုဝ်ႉဢဝ်ယူႇတေႉတေႉ
ယဝ်ႈ။ သင်ၸိူဝ်ႉဝႃႈ သိုဝ်ႉၺႃးမႅၼ်ႈ ဢၼ်ပွမ်
မၼ်းသေ သမ်ႉထၢင်ႇဝႃႈ ပဵၼ်ဢၼ်ၸႅတ်ႈမၼ်းၼႆသေ

ဢဝ်မႃးႁဵတ်းတႃႇ ပၢႆးယူႇလီၼႆၸိုင် ဢမ်ႇပဵၼ်ၽွၼ်းလီၵူၺ်း
ဢမ်ႇၵႃး ၸၢင်ႈတုမ်ႉတိူဝ်ႉပၢႆးယူႇလီၸဝ်ႈၵဝ်ႇသေ ၸၢင်ႈၺႃး
ၽွၼ်းၸႃႉ ဢၼ်ဝႃႈၼၼ်ႉ လူဝ်ႇဢွၼ်ၵၼ်ၽၢင်ႉသေသိုဝ်ႉ
ယူႇၼႆၶႃႈ။

ၼမ်ႉၽိုင်ႈၸႅတ်ႈ
႑ႉ ၼမ်ႉၽိုင်ႈၸႅတ်ႈၼႆႉ ဢမ်ႇမီးပူၵ်ႇ
႒ႉ ပီမၼ်းႁိုင်ၵႂႃႇသေတႃႉၵေႃႈ ၼမ်ႉၽိုင်ႈၼၼ်ႉ တိုၼ်းမိူၼ်
    ၵဝ်ႇၵူၺ်း။ တိုၼ်းတင်၊ တိုၼ်းဢမ်ႇလႅဝ်ႈ ၼႆယဝ်ႉ။
႓ႉ ႁၢင်ႈၽၢင်တိုၼ်းႁၢင်ႈလီ ဢူၼ်ႈၼူၼ်ႈလီ။
႔ႉ သႂ်ႇဝႆႉၼႂ်းတဝ်ႈပလႅင်း ပီမၼ်းႁိုင်သေတႃႉ ဢမ်ႇၵၢမ်ႈ
    ပဵၼ်ၶႅပ်း ပဵၼ်ၶႅပ်း။
႕ႉ ပေႃးသႂ်ႇဝႆႉ ၼႂ်းတဝ်ႈပလႅင်းတဵမ်တဵမ်သေ ဝႆႉႁိုင်ၸိုင်
    ၸၢင်ႈလိူတ်ႇၶိုၼ်းမႃးၼႆၼၼ်ႉယဝ်ႈ။
႖ႉ ယွတ်ႇသႂ်ႇၼိူဝ်ၸေႈၽိုၼ်ၶၢဝ်ႇၵေႃႈ ၸေႈၽိုၼ်ၶၢဝ်ႇ
ၼၼ်ႉတေဢမ်ႇပွင်ႇ တေလိူၼ်ႈၸိုမ်းယူႇၼိူဝ်ၸေႈၼၼ်ႉ
ၵူၺ်း၊ ၸေႈဢၼ်ၼမ်ႉၽိုင်ႈယမ်းၼၼ်ႉ ဢဝ်ၸုတ်ႇၽႆး
ၵေႃႈၽႆးမႆႈၵမ်းလဵဝ်ၼႆယဝ်ႉ။

ၼမ်ႉၽိုင်ႈဢၼ်တုႉ ဢၼ်ပွမ်
႑ႉ ၼမ်ႉၽိုင်ႈပွမ်ၼႆႉမီးပုၼ်းပူၵ်ႇ။
႒ႉ ၼမ်ႉၽိုင်ႈပွမ်ၼႆႉ ဢမ်ႇတင် ၼမ်ႉမၼ်းတေလႅဝ်ႈၼႆယဝ်ႉ။
႓ႉ မၢင်ပွၵ်ႈမၢင်လႂ် လႆႈဢၢႆသႅဝ် ဢၼ်သူမ်ႈဝႆႉၼႆယဝ်ႉ။
႔ႉ ပေႃးဝႆႉႁိုင်မႃးၸိုင် ၸၢင်ႈႁၼ်ပဵၼ်ၶႅပ်းဝႆႉ ၼႆယဝ်ႉ။
     ဝႆႉပီမၼ်းႁိုင်ၸိုင် ၸၢင်ႈယဵၼ်းပဵၼ်ၵိူဝ်ဝၢၼ်ၵႂႃႇၼႆၼၼ်ႉယဝ်ႉ။

ၽွၼ်းလီ ၼမ်ႉၽိုင်ႈ
႑ႉ ပေႃးဢဝ်တႃးပၼ်တီႈၼႃႈၸိုင် မီးႁွႆးဢၢတ်းသိဝ်၊ ႁွႆးဢၢတ်း
 ၵူႈမဵဝ်းမဵဝ်း တိုၼ်းႁၢႆယူႇၼႆၼၼ်ႉယဝ်ႉ။ ပေႃးၵိၼ်ပၼ်တင်း
 ၼမ်ႉမႆႈၼိုင်ႈဝၼ်းလႂ် ၼိုင်ႈပွၵ်ႈၸိုင် ၸွႆႈထႅမ်ပၼ်လႆႈၼိူဝ်ႉ
ၼင်ႁၢင်ႈၽၢင်ၸဝ်ႈၵဝ်ႇ တိူဝ်းႁၢင်ႈလီမႃးၵူၺ်းဢမ်ႇၵႃး
ၸွႆႈထႅမ်ပႃးပၼ် ႁႂ်ႈပၢႆးယူႇလီၶႅမ်ႉလႅပ်ႈၼႆယဝ်ႉ။
 တၢင်းပဵၼ်ၶေႃးၸဵပ်းၼႆႉ ပေႃးၵိၼ်ပၼ်တင်းၼမ်ႉဢုၼ်ႇ
(ၼမ်ႉမႆႈ)ၼမ်ႉၼဵင်ႈၸိူဝ်းၼႆႉၸိုင် တၢင်းပဵၼ်ၶေႃးၸဵပ်းႁၢႆ၊
ၵတ်းသၼ်ႇၵတ်းႁိုတ်ႉၸိူဝ်းၼႆႉၵေႃႈ ပေႃးၵိၼ်ပၼ်တင်း
ၼမ်ႉဢုၼ်ႇ(ၼမ်ႉမႆႈ)ၼႆၸိုင် တူဝ်ၵေႃႈဢူၼ်ႇႁုၼ်ႈၶိုၼ်ႈမႃး
သေ ၶႅၼ်းႁၢႆၼႆယဝ်ႉ။
႒ႉ ၼမ်ႉၽိုင်ႈၼႆႉ ဢၼ်ဢမ်ႇလီ ၼႂ်းတူဝ်ၼႂ်းတွင်ႉ မိူၼ်ၼင်ႇ
 ၵိၼ်ၽိတ်းသေ ပဵၼ်ငူၼ်ႉ ပဵၼ်ၵွင်ႉယူႇ ၼႂ်းသႆႈၸိူဝ်းၼၼ်ႉ
ၵေႃႈမေႃၸွႆႈလၢင်ႉၵႄႈလဵတ်ႈ ႁဵတ်းႁႂ်ႈၶႅၼ်းမႃးၶိုၼ်းၼႆယဝ်ႉ။
ပေႃးၵိၼ်ပၼ်တင်းၼမ်ႉမၢၵ်ႇၽႃႈ ၼမ်ႉမၢၵ်ႇဢိုၼ်ႈၸိူဝ်းၼႆႉ
ၸိုင် ယိုင်ႈၶႅၼ်းၶႅမ်ႉၼႆယဝ်ႉ။ လူမ်းတွင်ႉၵေႃႈ လေႃႈလီ
 လႅၼ်ႈလီတေႉၼႆၼၼ်ႉယဝ်ႉ။
႓ႉ ၸွႆႈထႅမ်ပၼ် ႁႅင်းတူဝ်ႁႅင်းၸႂ် ႁႂ်ႈၵႅၼ်ႇၶႅင်လႄႈ ရေႃးၵႃႇ
     တၢင်းပဵၼ်ၵေႃႈ ဢမ်ႇၶဝ်ႈထိုင်တူဝ်လႆႈၼႆယဝ်ႈ။
႔ႉ ထၢတ်ႈဢၼ်ဢမ်ႇလီ ဢမ်ႇၶႅမ်ႉ ဢၼ်ၶွၼ်ႈယူႇၼႂ်းလိူတ်ႈ
ၼႂ်းတူဝ်ၸဝ်ႈၵဝ်ႇၼၼ်ႉ ၼမ်ႉၽိုင်ႈၼႆႉၸွႆႈထႅမ် သုၵ်ႈလၢင်ႉ
ပၼ် ႁႂ်ႈလိူတ်ႈၸဝ်ႈၵဝ်ႇ ၸိုၼ်ႈသႂ်လေႃႈလႅၼ်ႈလီမႃးၶိုၼ်း
ၼႆယဝ်ႈ။
႕ႉ ၸွႆႈထႅမ်ပၼ်တပ်း၊ ပွတ်ႇ၊ မၢၵ်ႇႁူဝ်ၸႂ် ႁႂ်ႈၸိုၼ်ႈလီ မီးႁႅင်း
သေၵုမ်းထိင်ႈပၼ်ပႃးလိူတ်ႈၶိုၼ်ႈ လိူတ်ႈလူင်း ႁႂ်ႈၽဵင်ႇပဵင်း
ၵၼ်လီၼႆယဝ်ႉ။

     ႁႂ်ႈယူႇလီ ၵိၼ်ဝၢၼ် ၵၼ်ၵူႈၵေႃႉသေၵမ်း။


ပၢႆးဝူၼ်ႉၶပ်ႉ

ဢဝ်မႃးၼႂ်း တၢင်းႁူႉမႂ်ႇ မၢႆသွင်မႃးၸႅၵ်ႇပၼ်ၵၼ်ႁႂ်ႈႁူႉ
ၸိူဝ်းပႆႇလႆႈလူဢၢၼ်ႇ။