ၶၢဝ်းယၢမ်း ႉႉႉ ပဵၼ်တွၼ်ႈတႃႇ ႉႉ လွင်ႈၶိုၼ်ႈယႂ်ႇ

ႉႉႉႉႉႉ ဝၼ်းၼိုင်ႈ မီးၸၢႆးၼုမ်ႇၵေႃႉၼိုင်ႈ မိူၼ်ၼင်ႇ
ဝႃႈတူၵ်းသုမ်းသေလွင်ႈꧦ ယဝ်ႉၵေႃႈဢမ်ႇလႅပ်ႈမီးတၢင်း
မုင်ႈမွင်း ၼႂ်းၽဝ သင်ထႅင်ႈယဝ်ႉ။

ယွၼ်ႉပၼ်ႁႃလၢၵ်ႇလၢႆး မႃးတိုတ်းတၢႆးသုမ်ႇငမ်း လၢႆလွင်ႈ

လၢႆမဵဝ်းဢၼ်တမ်းဝၢင်းၽႅၼ်ဝႆႉ ဢမ်ႇပဵၼ်မႃးၼင်ႇ
ၵၢင်ၸႂ်ဢဵၼ်းဢၢၼ်းလႄႈ ႉႉႉႉ ဝၼ်းၼိုင်ႈ ၸၢႆးၼုမ်ႇ
ၼၼ်ႉၵေႃႈ ၸင်ႇလႆႈယွၼ်းဢွၵ်ႇၵၢၼ်သေ ယွၼ်းၶၢတ်ႇ
သုတ်းသဵင်ႈၵၼ်တင်းၵေႃႉႁၵ်ႉမၼ်းၸၢႆး ႉႉႉ

ယဝ်ႉၵေႃႈ ဝူၼ်ႉဝႃႈတူဝ်ၵဝ်ႇတေသုတ်းသဵင်ႈဢႃႈသၢၵ်ႈ
လူင်း ဢမ်ႇၶႂ်ႈယူႇၼႂ်းမိူင်းၵူၼ်းၼႆႉထႅင်ႈယဝ်ႉ ၼ​ႆလႄႈ
ႉႉႉ ဢွၼ်တၢင်းဢၼ်မၼ်းၸၢႆး တေႁႅမ်တူဝ်တၢႆၼၼ်ႉ
မၼ်းၸၢႆးလႆႈတႅပ်းတတ်းသဵၼ်ႈၸႂ်ပႆၶဝ်ႈၵႂႃႇၼႂ်းပႃႇထိူၼ်ႇ
တွၼ်ႈတႃႇတေၵႂႃႇ ဢုပ်ႇၵုမ်ၵၼ်တင်းၸဝ်ႈပႃႇထိူၼ်ႇ
ပဵၼ်ပွၵ်ႈလိုၼ်းသုတ်းၼႆလႄႈ ႉႉႉႉႉ

" ၸဝ်ႈပႃႇထိူၼ်ႇၶႃႈ!! ယွၼ်းႁႂ်ႈၸဝ်ႈႁဝ်းပၼ်လွင်ႈတၢင်း
ၶႃႈ ၼိုင်ႈၶေႃႈလူးဝႃႈ ႉႉ ပဵၼ်သင်လႄႈ ၶႃႈဢမ်ႇထုၵ်ႇလီ
သုတ်းသဵင်ႈဢႃႈသၢၵ်ႈၶႃႈလူင်း ပႅတ်ႈသေ

ၸဝ်ႈပႃႇထိူၼ်ႇၸင်ႇလႆႈတွပ်ႇဝႃႈ ႉႉႉႉ
" ၸၢႆး ၸၢမ်းလွမ်တူၺ်းၸိူဝ်းႁိမ်းႁွမ်းတူဝ်ၸၢႆးၼၼ်ႉလူး 

ၸွင်ႇၸၢႆးႁၼ်တူၼ်ႈယႃႈၵၢင်ႈပႃ လႄႈ တူၼ်ႈမႆႉ
သၢင်းၼၼ်ႉႁိုဝ်??? ""

မၼ်းၸၢႆးၵေႃႈၸင်ႇတွပ်ႇဝႃႈ ႉႉႉႉ
" ႁၼ်ၶႃႈဢေႃႈ "

ၸဝ်ႈပႃႇထိူၼ်ႇၵေႃႈၸင်ႇသိုပ်ႇလၢတ်ႈထႅင်ႈဝႃႈ
" မိူဝ်ႈၵဝ်ၽုၵ်ႇ ၸိူဝ်ႉၽၼ်း ၶွင်တူၼ်ႈယႃႈၵၢင်ႈပႃလႄႈ
တူၼ်ႈမႆႉသၢင်းၼၼ်ႉ ၵဝ်ပႂ်ႉတူၺ်းလႄႈလုမ်းလႃးမၼ်းလီ 

မိူဝ်ႈမၼ်းလႆႈႁပ်ႉသၢႆႁိူဝ်ႈလႅတ်ႇထွင်ႇပၼ် လႆႈႁပ်ႉ
ၼမ်ႉၽူၼ်ဢၼ်တူၵ်းလူင်းမႃး တူၼ်ႈယႃႈၵၢင်ႈပႃၵေႃႈ 

ဢွၵ်ႇမႂ်ၽေႈႁူမ်ႇၸွမ်းလိၼ် ပဵၼ်သီၶဵဝ် ႁၢင်ႈလီတႃပေႃးတဵမ်ၵႂႃႇသဵင်ႈမူတ်း

တွၼ်ႈတႃႇ ႉႉႉ မႆႉသၢင်းသမ်ႉမိူၼ်ၼင်ႇဝႃႈဢမ်ႇမီးဢီႈ
သင်ၵိူတ်ႇၶိုၼ်ႈ ၵူၺ်းၵႃး ႉႉႉ ၵဝ်ၵေႃႈဢမ်ႇပႆသုတ်းသဵင်ႈ
လွင်ႈတၢင်းမုင်ႈမွင်းၵဝ် ႉႉႉႉ

ပူၼ်ႉမႃးထႅင်ႈသွင်ပီႊယဝ်ႉ တူၼ်ႈယႃႈၵၢင်ႈပႃၵေႃႈၽေႈ
ဝႆး သမ်ႉပေႃးၸွတ်ႇ ၶဵဝ်တဵမ်ၵႂႃႇမူတ်း
ၵူၺ်းၵႃႈ ႉႉဢမ်ႇႁၼ်ဝႃႈ တူၼ်ႈမႆႉသၢင်းတေမီးၼေႃႇ

ပႅၼ်ဢွၵ်ႇမႃးသေၼေႃႇ

ထိုင်မႃးပီႊထီႉသၢမ် တူၼ်ႈမႆႉသၢင်းၵေႃႈဢမ်ႇပႆႇယွမ်း

ဢွၵ်ႇၼေႃႇ ၵဝ်ၵေႃႈယင်းတိုၵ်ႉမီးတၢင်းမုင်ႈမွင်းယူႇဝႃႈ
ဢမ်ႇဝၼ်းၼိုင်ႈၵေႃႈဝၼ်းၼိုင်ႈ မၼ်းတိုၼ်းတေဢွၵ်ႇ
ၼေႃႇ မႃးပၼ်ၵဝ်ႁၼ်ယူႇ။

သီႇပီႊပူၼ်ႉၵႂႃႇယဝ်ႉၵေႃႈ ဢမ်ႇပႆႇမီးဢီႈသင်ၵိူတ်ႇၶိုၼ်ႈ
တေႃႇပေႃးထိုင်းမႃး ပီႊထီႉႁႃႈ ၵဝ်ႁၼ်ၼေႃႇမၼ်းလဵၵ်ႉꧦ 

ၽုတ်းဢွၵ်ႇၶိုၼ်ႈမႃးတီႈၼိူဝ်လိၼ်ၼၼ်ႉယူႇ။

မိူဝ်ႈတႅၵ်ႈၼိူင်းၸွမ်းတူၼ်ႈယႃႈၵၢင်ႈပႃငဝ်ႈတေႃႇပၢႆ
ၼၼ်ႉ ၼေႃႇမႆႉသၢင်း လဵၵ်ႉꧦ ဢိတ်းဢွၼ်ႇဢွတ်းၵွၺ်း။
ၵူၺ်းၵႃႈဝႃႈ ႉႉ ဝၢႆးသေပူၼ်ႉမႃးႁူၵ်းလိူၼ်ယဝ်ႉၼၼ်ႉ
မႆႉသၢင်းၵေႃႈယိုတ်ႈတူၼ်ႈလမ်းမၼ်းသုင်ၶိုၼ်ႈလိူဝ်သေ

တူၼ်ႈယႃႈၵၢင်ႈပႃၼၼ်ႉ ပဵၼ်ႁႃႈပုၼ်ႈၵွၼ်ႇ"

" မႆႉသၢင်း ၸႂ်ႉၶၢဝ်းယၢမ်း ပဵၼ်ႁႃႈပီႊၼႂ်းၵၢၼ်ယင်ႇ
ႁၢၵ်ႈ ၽေႈႁၢၵ်ႈၼႂ်းလိၼ်ၼၼ်ႉ ႁၢၵ်ႈမႆႉသၢင်းၼၼ်ႉ
ၵႅၼ်ႇၶႅင်လိူဝ် ယဝ်ႉၵေႃႈႁွင်းႁပ်ႉတူၼ်ႈလမ်းမႆႉသၢင်း
ဢၼ်သုင်လႆႈ ၼင်ႇဢမ်ႇမီးပၼ်ႁႃသင် ၵဝ်တေဢမ်ႇ

ပၼ်လွင်ႈဢၼ်ၵဝ်သၢင်ႈၶိုၼ်ႈမႃး ထူပ်းၺႃးလွင်ႈထတ်း
သၢင်ႈ ဢၼ်ၶဝ်ႁွင်းႁပ်ႉဢမ်ႇလႆႈ ပဵၼ်ဢၼ်ၶၢတ်ႇ

" ၸွင်ႇၸ​ၢႆးႁူႉႁိုဝ်? ဝႃႈၶၢဝ်းယၢမ်းဢၼ်ပူၼ်ႉမႃးၼၼ်ႉ
ဢၼ်ၸၢႆး တိုၵ်ႉၶတ်းၸႂ်တေႃႇသူႈမႃးယူႇၵူႊၶၢဝ်းယၢမ်း
ၼၼ်ႉ မၼ်းပဵၼ်ၽွင်းယၢမ်းဢၼ်ၸၢႆးတိုၵ်ႉၽေႈယင်ႇ
ႁၢၵ်ႈၸၢႆးၵူၺ်း ၵဝ်ဢမ်ႇယၢမ်ႈသုတ်းသဵင်ႈလွင်ႈတၢင်း
မုင်ႈမွင်းတီႈမႆႉသၢင်းသေပွၵ်ႈ ယဝ်ႉၵဝ်ၵေႃႈဢမ်ႇယၢမ်ႈ

သုတ်းသဵင်ႈၸွမ်းၸၢႆး"

မိူဝ်ႈၸဝ်ႈပႃႇထိူၼ်ႇတေႁၢႆလၢႆၵႂႃႇၼၼ်ႉၶဝ်လႆႈလၢတ်ႈဝႆႉဝႃႈ "​ 

ယႃႇၵုမ်ႇဢဝ်တူဝ်ၵဝ်ႇၵႂႃႇတႅၵ်းၼိူင်းပိူၼ်ႈယူႇ
တူၼ်ႈမႆႉသၢင်း မီးၽွၼ်းလီပိူင်ႈၵၼ်တင်းတူၼ်ႈယႃႈ
ၵၢင်ႈပႃယူႇ ၵူၺ်းၵႃႈ ႉႉႉ တူၼ်ႈမႆႉတင်းသွင်မဵဝ်းၵေႃႈ
ႁဵတ်းႁႂ်ႈပႃႇထိူၼ်ႇမီးတၢင်းႁၢင်ႈလီလႆႈမိူၼ်ၵၼ်ယဝ်ႉ။
ၶၢဝ်းယၢမ်းတွၼ်ႈတႃႇၸၢႆးတေမႃးထိုင် ထိုင်ဝၼ်းဢၼ်
ၸၢႆး တေထိပ်ႇတူဝ်ၵဝ်ႇႁႂ်ႈပေႃးသုင်လႆႈ တၢၼ်ႇဢၼ်ႇ
ၸၢႆးၶႂ်ႈသုင်လႆႈ " ၼႆသေ ႉႉႉႉႉ

ၸၢႆးၼုမ်ႇၵေႃႉၼၼ်ႉပေႃႈ ဝူၼ်ႉလႆႈသေၶိုၼ်းဝိၼ်ႇဝၢႆႇ
ပွၵ်ႈၶိုၼ်းႁိူၼ်း ၸွမ်းလူၺ်ႈလွင်ႈတၢင်းမုင်ႈမွင်း ယဝ်ႉ
ၵေႃႈ လွင်ႈမၼ်ႈၸႂ်ၼႂ်းၽဝမၼ်းၸၢႆးၼႆယူႇယဝ်ႉ။

***************
ၼႂ်းဝၼ်းဢၼ်ႁဝ်းဝူၼ်ႉဝႃႈ ႁဝ်းႁဵတ်းလီတီႈသုတ်းယဝ်ႉ
ၵူၺ်းၵႃႈ လၢႆꧦလွင်ႈၵေႃႈဢမ်ႇပဵၼ်မိူၼ်ၼင်ႇၸႂ်ဢၼ်ႁဝ်း
ဢဵၼ်းဢၢၼ်း ၼႂ်းဝၼ်းဢၼ်ၼႃႈၵၢၼ်ႁဝ်းဢမ်ႇၶိုၼ်ႈ
ယႂ်ႇတိူဝ်းတွၼ်းၼင်ႇဢၼ်မုင်ႈမွင်းဝႆႉ ၼႂ်းဝၼ်းဢၼ်
ႁဝ်းႁဵတ်းလွင်ႈလီယဝ်ႉပႆႇႁၼ်ၽွၼ်းလီသင် ၼႂ်းဝၼ်း
ဢၼ်ႁဝ်းတိုၵ်ႉ ၵေႃႇတူဝ်ယင်ႇႁၢၵ်ႈ ႉႉႉႉ ႁဝ်းပဵၼ်မိူၼ်
ၼင်ႇတူၼ်ႈမႆႉသၢင်း ဢၼ်ပႂ်ႉဝၼ်းတူၼ်ႈမၼ်းယႂ်ႇတဵမ်
ပႃႇထိူၼ်ႇၼၼ်ႉယဝ်ႉ။

သူင်ႇႁႅင်းၸႂ်ပၼ်ၵူႊၵေႃႉ ယိူၼ်ႉၵၼ်ႈထႅင်ႈဢိတ်းၼိုင်ႈ
ယႃႇၽူမ်ႈယွမ်းသုမ်း သိုပ်ႇၶေႉၶဵင်ႉၵႂႃႇ ယဝ်ႉၵေႃႈတင်ႈၸႂ်
ပႂ်ႉဝၼ်းဢၼ်ႁဝ်းတေယိုင်ႈယႂ်ႇၵႅၼ်ႇၶႅင်ပေႃး ပဵၼ်တူၼ်ႈ

မႆႉသၢင်း ဢၼ်မီးၵႃႈၶၼ်ယိုင်ႈယႂ်ႇတေႃႇၽႅၼ်ႇလိၼ်
ၶႃႈၼႃႈၵူႊၵေႃႉတၢင်းသဵင်ႈ။

ၼမ်ႉယမ်ထိုင်ၽူႈလူလိၵ်ႈတၢင်းသဵင်ူၶႃႈ။
ပိၼ်ႇတႅမ်ႈ ၶႅၵ်ႇၸူဝ်ႈၶၢဝ်း { မိူင်းသူႈ }
02-01-2018