ၵႂၢမ်းထႅင်ႈႁႅင်းၸႂ် ႑႔ ၶေႃႈ တွၼ်ႈတႃႇၼႂ်းၸၢတ်ႈပၢၼ်တေမီးတၢင်းသိူဝ်း

**********************************

႑ႉ မၢင်ပွၵ်ႈ ႉႉႉႉ 
လွင်ႈတၢင်းသိူဝ်းၸႂ်ၶွင်ႁဝ်းၵေႃႈ
ၽုတ်းဢွၵ်ႇပဵၼ်မႃးတီႈလွင်ႈယုမ်ႉၶူဝ်
ၵူၺ်းၵႃႈ ႉႉႉ မၢင်ပွၵ်ႈသမ်ႉ
လွင်ႈယုမ်ႉၶူဝ်ၶွင်ႁဝ်းၼၼ်ႉၵေႃႈ
ပဵၼ်တီႈမႃးၶွင်တၢင်းမူၼ်ႈသိူဝ်း။

႒ႉ လွင်ႈတၢင်းၶွင်ၶၢဝ်းယၢမ်းဢၼ်ပၼ်ႇမုၼ်ၵႂႃႇၼၼ်ႉ
မီးလွင်ႈလဵဝ် ၵေႃႈပဵၼ် ၵူႊလွင်ႈꧦေတဢမ်ႇလႆႈ
ပဵၼ်မႃး ပွၵ်ႈလဵဝ်ၵူၺ်း။

႓ႉ မီးၶၢဝ်းယၢမ်းတွၼ်ႈတႃႇတေဢွၵ်ႇၶၢဝ်းတၢင်းတႃသေႇ
သမ်ႉဝႃႈတေဢမ်ႇမီး ယိူင်းမၢႆ ဢၼ်ၼႄႉၼွၼ်း
ၵေႃႈယဝ်ႉ။

႔ႉ လူၵ်ႈလုၵ်ႈၼႆႉတႅၵ်ႈၼိူင်းမိူၼ်ၼင်ႉပပ်ႉလိၵ်ႈလူင်
ၵူၺ်းၵႃႈတွၼ်ႈတႃႇၵူၼ်းၵေႃႉဢၼ်ဢမ်ႇယၢမ်ႈ
ဢွၵ်ႇၶၢဝ်းတၢင်းသေပွၵ်ႈၼၼ်ႉ မၼ်းၵေႃႈတေဢမ်ႇ
ပိူင်ႈသင်ၵၼ်တင်းၵူၼ်းဢၼ်လူပပ်ႉလႆႈၼႃႈလဵဝ်ၵူၺ်း။

႕ႉ လူဝ်ႇလႆႈဝႆႉလွင်ႈဢွၵ်ႇၶၢဝ်းတၢင်းပဵၼ်လွင်ႈယႂ်ႇ
ဢမ်ႇၸႂ်ႈ ႉႉႉ ယိူင်းမၢႆ ႉႉႉ
ယွၼ်ႉဝႃႈလွင်ႈတၢင်းသိူဝ်းၼၼ်ႉမၼ်းဢမ်ႇလႆႈပဵၼ်
မႃး မိူဝ်ႈႁဝ်းထိုင်ယိူင်းမၢႆ ၵူၺ်းၵႃႈ ႉႉႉ မၼ်းၵိူတ်ႇၶိုၼ်ႈ
ၽွင်းမိူဝ်ႈႁဝ်းဢွၵ်ႇၶၢဝ်းတၢင်းပႆတၢင်းၼၼ်ႉယဝ်ႉ။

႖ႉ ၵၢမ်ႇလီၵႃႈႁိုဝ်ယဝ်ႉ ႉႉႉ တီႈလၢႆလၢႆၵေႃႉ
လႆႈတူၺ်းႁၼ် သၽႃႇဝတၢင်းႁၢင်ႈလီၼႂ်းပႃႇထိူၼ်ႇ
ဢၼ်သိူင်ႇတူဝ်ဝႆႉၼၼ်ႉ ၼၼ်ႉၵေႃႈပဵၼ်တၢင်းႁၢင်ႈလီ 

ဢၼ်ပိူၼ်ႈတူၺ်းဢမ်ႇႁၼ်။

႗ႉ ၵူႊၵမ်းဢၼ်သူတႅပ်းတတ်းသဵၼ်ႈၸႂ်
လူၵ်ႈလုၵ်ႈၼႆႉပၼ်လွင်ႈၼၼ်ႉၵိူတ်ႇၶိုၼ်ႈတီႈသူယဝ်ႉ။

႘ႉ ယွမ်းႁပ်ႉၼႂ်းလွင်ႈဢၼ်ႁတ်းတႃႉသူ
ယဝ်ႉသူတေလႆႈႁူႉၸၵ်း လွင်ႈတၢင်းသိူဝ်း
ဢၼ်သူဢဝ်ပေႉမၼ်းလႆႈ။

႙ႉ သင်ၸိူဝ်ႉဝႃႈၵူၼ်းႁဝ်းၼင်ႈယူႇၼွၵ်ႈႁိူၼ်း
ယဝ်ႉၵေႃႈမုင်ႈတူၺ်းလၢဝ်ၼိူဝ်တွင်ႉၾႃႉၵူႊၶိုၼ်း
ၶႃႈလၢမ်းလႆႈယူႇဝႃႈ မူႇၸုမ်းၶဝ်တေၸႂ်ႉၽဝၸၢတ်ႈ
ပၢၼ်ယၢင်ႇပိူင်ႈၵၼ်လိူဝ်ၼႆႉထႅင်ႈ။

႑႐ႉ ယႃႇဝူၼ်ႉဝႃႈ သူသွၼ်တူဝ်ၵဝ်ႇလႆႈ
ၸွမ်းလူၺ်ႈတူဝ်သူႁင်းၵူၺ်း။

႑႑ႉ ၵူၼ်းၵေႃႉဢၼ်ႁတ်းဢွၵ်ႇၶၢဝ်းတၢင်းၵႂႃႇၵႆ
လႆႈတီႈသုတ်းၼၼ်ႉၵူၺ်း ဢၼ်တေႁႃၶေႃႈတွပ်ႇလႆႈ
ဝႃႈ ၵူၼ်းႁဝ်းပႆၵႂႃႇၵႆလႆႈမွၵ်ႈၵႃႈႁိုဝ်ၼႆၼၼ်ႉ။

႑႒ႉ လွင်ႈၼွၼ်းၾၼ်ဢၼ်ႁၢင်ႈလီတီႈသုတ်းၼၼ်ႉ
ၵိူတ်ႇၶိုၼ်ႈလႆႈ မိူဝ်ႈသူတိုၼ်ႇၶိုၼ်ႈမႃးယဝ်ႉ။

႑႓ႉ ၵၢၼ်လႆႈႁဵတ်းလွင်ႈလီတီႈၵူႊၵေႃႉ
ဢၼ်ႁဝ်းထူပ်းၺႃးထူပ်းႁၼ်ႁႂ်ႈလႆႈၼၼ်ႉ
ပဵၼ် ၵၢၼ်ၶေႉၶဵင်ႇလွင်ႈယၢပ်ႇၼႂ်းၸၢတ်ႈပၢၼ်။

႑႔ႉ သင်ၸိူဝ်ႉဝႃႈႁဝ်းလႆႈယိၼ်းသဵင်ႁူဝ်ၸႂ်ႁဝ်း
မွၵ်ႇလၢတ်ႈဝႃႈ မႂ်းႁဵတ်းဢမ်ႇလႆႈလေႃႇ ၼႆ
ၵူၺ်းၶိုၼ်းမေးမွၵ်ႇလၢတ်ႈတူဝ်ၵဝ်ႇဝႃႈ ၵဝ်ႁဵတ်းလႆႈ
ဢိူဝ်ႈ ႉႉႉ ၼႆလႄးယဝ်ႉသဵင်ၼၼ်ႉၵေႃႈတေယဵၼ်ႁၢႆၵႂႃႇ
ပႅတ်ႈၵူၺ်းမၼ်းယဝ်ႉ ႉႉႉႉ။

***** ၶႃႈဝူၼ်ႉတေပဵၼ်ႁႅင်းၸႂ်တႃႇၵူႊၵေႃႉယူႇၶႃႈ

ၼပ်ႉယမ်ထိုင်ၽူႈလူလိၵ်ႈတၢင်းသဵင်ႈၶႃႈ။
ပိၼ်ႇ ၶႅၵ်ႇၸူဝ်ႈၶၢဝ်း - မိူင်းသူႈ
22 - 01 - 2018