မွၵ်ႇၶမ်းတူၼ်ႈၼိုင်ႈ

ႉႉႉႉႉႉႉ ဝၼ်းၼိုင်ႈ မီးသြႃႇၸဝ်ႈပႃးၼိုင်ႈ ၽုၵ်ႇမွၵ်ႇၶမ်းဝႆႉ 

တူၼ်ႈၼိုင်ႈ လုမ်းလႃးႁူတ်းၼမ်ႉဢဝ်ၸႂ်
သႂ်ႇလီယၢင်ႇတဵမ်ꧦထူၼ်ႈꧦ

မွၵ်ႇၶမ်းၼၼ်ႉၵေႃႈ တူၼ်ႈယႂ်ႇၵႅၼ်ႇၶႅင် ဢွၵ်ႇမွၵ်ႇႁၢင်ႈ

လီမီးသီႁၢင်ႈငၢမ်းဝႆႉယူႇ။
ႉႉႉႉႉဝၼ်းၼိုင်ႈ သြႃႇၸဝ်ႈလူဝ်ႇၵႂႃႇႁဵတ်းၼႃႈၵၢၼ်
ၼႂ်းဝဵင်းလၢႆဝၼ်းၼႆလႄႈ သြႃႇၸဝ်ႈၼၼ်ႉၵေႃႈလႆႈဢဝ်
မွၵ်ႇၶမ်းၼၼ်ႉ ၾၢၵ်ႇဝႆႉပၼ်ၸဝ်ႈသၢင်ႇဢွၼ်ႇပႃးၼိုင်ႈ
ႁႂ်ႈၸွႆႈလုမ်းလႃးဝႆႉပၼ်ၼႆယူႇ။

ၸဝ်ႈသၢင်ႇဢွၼ်ႇပႃးၼၼ်ႉၵေႃႈလုမ်းလႃးတူၺ်းထိုင်
ဢဝ်ၸႂ်သႂ်ႇ လီတေႉလီဝႃႈယူႇယဝ်ႉ။

မွၵ်ႇၶမ်းၼၼ်ႉၵေႃႈ ယိုင်ႈတူၼ်ႈယႂ်ႇႁၢင်ႈလီမႃးတေႉ

ႉႉႉႉႉ ဝၼ်းၼိုင်ႈ ၸဝ်ႈသၢင်ႇဢွၼ်ႇလူဝ်ႇပွၵ်ႈမိူဝ်းတီႈ
ႁိူၼ်းၵမ်းၼိုင်ႈၼႆလႄႈ ၵွၼ်ႇၸဝ်ႈသၢင်ႇဢွၼ်ႇတေမိူဝ်း
ၼၼ်ႉ မၼ်းၸဝ်ႈၵေႃႈလႆႈဢဝ်ထၢင်မွၵ်ႇၶမ်းၼၼ်ႉၵႂႃႇ
တၢၵ်ႇလႅတ်ႇဝႆႉတီႈ(ႁူးလႅင်း)ၼၼ်ႉသေ ဝၢႆးသေၼၼ်ႉ

လိူၵ်ႈဢမ်ႇလေႇ သမ်ႉမီးလူမ်းသၢင်းၶႅင်းလူင်ၽတ်ႇပဝ်ႇ
မႃး မႃးၽတ်ႉဢဝ်ထၢင်မွၵ်ႇၶမ်းၼၼ်ႉတူၵ်းသေ။
မွၵ်ႇၶမ်းၼၼ်ႉၵေႃႈ တူၵ်းလူင​်းမႃးသႂ်ႇၼိူဝ်လိၼ်ၼၼ်ႉသေ 

ဢဝ်ၵိင်ႇမၼ်းႁၢၵ်း ဢဝ်မွၵ်ႇမၼ်းၸမ်ႉပႅတ်ႈၵႂႃႇ
သဵင်ႈမူတ်းယူႇယဝ်ႉ။

ၸဝ်ႈသၢင်ႇဢွၼ်ႇပႃးၼၼ်ႉၵေႃႈ ပွၵ်ႈမႃးတီႈၵွျင်းသေလႆႈ
လေႃႈႁၼ်မႅၼ်ႈသႂ်ႇ ထၢင်မွၵ်ႇၶမ်းၼၼ်ႉတူၵ်းဝႆႉယူႇၼိူဝ်
လိၼ်ၼၼ်ႉၵေႃႈ တူၵ်းၸႂ် တိူဝ်ႉၸႂ် တေႉꧦဝႃႈꧦသေ
ယဝ်ႉၵေႃႈၵူဝ်ဝႃႈ သြႃႇၸဝ်ႈတေလႃႇမၼ်းၸဝ်ႈၼႆယူႇ။

ပူၼ်ႉမႃးသွင်သၢမ်ဝၼ်း သြႃႇၸဝ်ႈၵေႃႈပွၵ်ႈၽႅဝ်မႃးတီႈ
ၵွျင်းသေ ၸဝ်ႈသၢင်ႇဢွၼ်ႇပႃးၼၼ်ႉၵေႃႈ လၢတ်ႈၼေ
လွင်ႈတေႉမၼ်းၵူႊလွင်ႈ ယဝ်ႉၵေႃႈၽွမ်ႉတႃႇတေႁပ်ႉ
ဢဝ်ၵႂၢမ်းလႃႇတီႈသြႃႇၸဝ်ႈၼၼ်ႉယူႇ။

ၵူၺ်းၵႃႈ ႉႉႉ သြႃႇၸဝ်ႈသမ်ႉဢမ်ႇလႆႈဝႃႈသင်သေ
ႁဵတ်းႁႂ်ႈၸဝ်ႈသၢင်ႇဢွၼ်ႇပႃးၼၼ်ႉ ပႅၵ်ႇပိူင်ႈၸႂ်တေႉꧦ
ဝႃႈꧦ ယွၼ်ႉဝႃႈသြႃႇၸဝ်ႈၼႆႉ ႁၵ်ႉမွၵ်ႇၶမ်းတူၼ်ႈၼႆႉ
တေႉꧦဝႃႈꧦ သြႃႇၸဝ်ႈၵေႃႈယုမ်ႉꧦသေလၢတ်ႈဝႃႈႉႉႉႉႉ

"ၵဝ်ၽုၵ်ႇမွၵ်ႇၶမ်းၼႆႉ ဢမ်ႇလႆႈၽုၵ်ႇဝႆႉၸႂ်လမ်ၽႂ်ၼႃႈ"
ၶေႃႈၵႂၢမ်းငၢႆႈꧦ ဢဝ်ယဵၼ်းပဵၼ် လွင်ႈပွႆႇဝၢင်း ႉႉႉႉႉ

ၵူၼ်းႁဝ်းႁဵတ်းၵၢၼ် ဢမ်ႇလႆႈႁဵတ်းဝႆႉတႃႇၸႂ်လမ်ၵၼ်
ၵူၼ်းႁဝ်းႁၵ်ႉၵၼ်ၵေႃႈ ဢမ်ႇလႆႈမီးဝႆႉတႃႇၸႂ်လမ်ၵၼ်
လွင်ႈဢၼ်လႆႈပၼ်ၵႂႃႇယဝ်ႉၼၼ်ႉ မိူဝ်ႈမၼ်းဢဝ်ပွၵ်ႈ
မႃးၶိုၼ်းဢမ်ႇလႆႈၵေႃႈ ယႃႇတၢင်ႇတၢင်းၽိတ်းၽႂ်
ႉႉႉႉႉႉ ဢမ်ႇၼၼ်ၵေႃႈတိူဝ်ႉၸႂ် ၸွမ်းမၼ်းယဝ်ႉလႃႈ။

မိူဝ်ႈမီးၵေႃႈ လူဝ်ႇလႆႈသႂ်ႇၸႂ်
မိူဝ်ႈလႆႈသုမ်းၵႂႃႇယဝ်ႉၼၼ်ႉၵေႃႈ လူဝ်ႇလႆႈမေႃပွၺ်ႇဝၢင်း
ဢမ်ႇတိတ်းၶွင်ႉၶမ်သင် ၵေႃႈပေႃးယဝ်ႉ။

ပေႃးသူၵုမ်ႇၸဵပ်းၸႂ်တီႈၼိူဝ်ပိူၼ်ႈယူႇၵေႃႈ
ၸၢတ်ႈပၢၼ်သူၵေႃႈတေမီးတေႇလွင်ႈတုၵ်ႉၶ
လွင်ႈမွင်ႈၸႂ် ဢမ်ႇသိူဝ်းၸႂ်လႆႈသေပွၵ်ႈ။

ပေႃးသူဝူၼ်ႉတႃႇယိၼ်းၸူမ်း တီႈတီႈလႂ်ၵေႃႈ
လွင်ႈလီယိၼ်းၸူမ်းၵေႃႈ တဵမ်ၵႂႃႇသဵင်ႈမူတ်းယဝ်ႉ။
ပေႃးသူႁတ်းႁၢၼ် ၼႃႈၵၢၼ်သူၵေႃႈတေၸဵဝ်းၶိုၼ်ႈယႂ်ႇ။

ဢမ်ႇၸႂ်ႈလူၵ်ႈလုမ်ႈၾႃႉၼႆႉ လိူၵ်ႈသူ ႉႉႉႉႉ
ၵူၺ်းၵႃႈ ႉႉႉ သူပဵၼ်ၵူၼ်းလိူၵ်ႈလူၵ်ႈလုၵ်ႈၼႆႉဢိူဝ်ႈ ႉႉႉ

ပေႃးၸိူင်ႉၼၼ် ယႃႇပေၸႂ်လမ်လုၵ်ႈလၢင်း ပေႃႈမႄႈ
ပီႈၼွင်ႉ ဢူၺ်းၵေႃႉႁူမ်ႈၼႃႈၵၢၼ်ၸိူဝ်းၼႆႉ
ယဝ်ႉေၵႃႈၵူႊလွင်ႈꧦၼႂ်းလူၵ်ႈၼႆႉ ယူႇယဝ်ႉ
ၶႅၼ်းတေႃႈဝႆႉၸႂ်ၵႂၢင်ႈꧦ ယဝ်ႉၵေႃႈ မီးၸႂ်မႅတ်ႉတႃႇ
တေႃႇပိူၼ်ႈၼမ်ၼမ်သေၵမ်းတႃႉ ႉႉႉႉ

ႉႉႉႉႉႉ ပေႃးမေႃပွၺ်ႇဝၢင်း ၸႂ်ၵေႃႈတေသိူဝ်း ႉႉႉႉႉႉ
ႉႉႉႉႉႉ ႁဵတ်းသင်ၵေႃႈ တေတိူဝ်းတွၼ်း ႉႉႉႉႉႉ

ၼမ်ႉယမ်ထိုင်ၽူႈလူလိၵ်ႈတၢင်းသဵင်ႈၶႃႈ။
ပိၼ်ႇတႅမ်ႈ ၶႅၵ်ႇၸူဝ်ႈၶၢဝ်း - မိူင်းသူႈ
14 - 01 -2018