လွၵ်းလၢႆး(5)ပိူင် "သွၼ်လုၵ်ႈသူယိပ်းငိုၼ်း"

==============================
''ငိုၼ်းၼႆႉဢမ်ႇမီးတၢင်းၽိတ်း လွင်ႈဢၼ်ၸဝ်ႈၵဝ်ႇဢမ်ႇမီးၺၢၼ်ႇသေ ၸႂ်ႉတိုဝ်းမၼ်းၼၼ်ႉၵွၺ်းဢိူဝ်ႈ
ပဵၼ်တၢင်းၽိတ်း''။
-NawlaomurngKL

ပေႃႈမႄႈၵူႊၵေႃႉ ႁူႉၶႂ်ႈႁၼ်လုၵ်ႈလၢင်းၶိုၼ်ႈယႂ်ႇၶႂ်ႈႁႂ်ႈလုၵ်ႈလၢင်း လႆႈလီလႆႈပဵၼ်ၵူႊၵေႃႉယဝ်ႈ။

ယွၼ်ႉၼၼ် ၼင်ႇႁိုဝ်လုၵ်ႈလၢင်း ပေႃးတေၵျႃႉၶႅၼ်ႇ လႄႈမီးတၢင်းႁူႉႁၼ်ၶိုတ်းပိူၼ်ႈၼၼ်ႉ ယူႇတီႈတူဝ်ၵေႃႈ
လီ ႁႅင်းၸႂ်ၵေႃႈယဝ်ႉ ပေႃႈမႄႈတိုၼ်းယူႇၽၢႆႇလင် သေပၼ်ႁႅင်းယုၵ်ႉယွင်ႈပၼ်တႃႇသေႇ။

ၵူၺ်းၵႃႊ
ၶဝ်ႁဵတ်းပၼ်ႁဝ်းယူႇၼၼ်ႉ ၶဝ်ၵႃႈပေႉမီးၸႂ်ႁၵ်ႉၼႃႇ တၢၼ်ႇႁိုဝ်ၵေႃႈယႃႇ ၶဝ်တေႁဵတ်းလႆႈၵႃႈၼင်ႇ
ၶဝ်ႁူႉၶဝ်မေႃၼၼ်ႉၵူၺ်း ၼွၵ်ႈလိူဝ်ၼၼ်ႉၶဝ်တေဢမ်ႇၸၢင်ႈႁဵတ်းႁိုဝ်။

လွင်ႈၵၢၼ်ငိုၼ်းၼႆႉၵေႃႈ တေႃႈၼင်ႇၼၼ်ယဝ်ႈ။ ၸိူဝ်းပဵၼ်ပေႃႈမႄႈ ယူႇၽၢႆႇပႃႈလင်သေ ပၼ်ႁႅင်းၵႂႃႇ
ဝႃႈ ယူႇမိူင်းပိူၼ်ႈမေႃၵဵပ်းမေႃႁွမ်ၼႃႈ မေႃၸႂ်ႉမေႃၸၢႆႇၼႃႈ ၶဝ်ၵေႃႈတေမေႃဝႃႈၼင်ႇၼႆၵွၺ်း။ ၵွပ်ႈဝႃႈ
ၼႆႉပဵၼ် ၼင်ႇၵႃႈၶဝ်မီးၼၼ်ႉယဝ်ႉ။ တႃႇႁႂ်ႈမီးငိုၼ်းလူဝ်ႇၵဵပ်းလူဝ်ႇႁွမ်ၼႆ ၽႂ်ၵေႃႈႁူႉၵူႊၵေႃႉယဝ်ႈ။ ဢၼ်
ဢမ်ႇႁူႉၼႆႉ ပဵၼ်ဢၼ်ဝႃႈတေႁဵတ်းႁိုဝ်ၵဵပ်းၼႆၵွၺ်းလိၵ်ႈႁူဝ်ၼႆႉယိူင်းဢၢၼ်းၸူးထိုင် ပေႃႈ"လႄႈမႄႈ"

ၸိူဝ်းဢၼ်ၶႂ်ႈ သင်ႇသွၼ်လၢႆးၵဵပ်း လၢႆးႁွမ်ငိုၼ်းပၼ်ၵေႃႉပဵၼ်လုၵ်ႈ ဢၼ်ၽၢတ်ႇမုင်ႉၽၢတ်ႇႁၢင်းၶဝ်သေ
ဢွၵ်ႇတင်ႈတူဝ်တင်ႈႁၢင်းမႂ်ႇၼၼ်ႉယဝ်ႈ။ မဵဝ်းၵူၼ်းၵႂႃႇတၢင်းၼႆႉ ပေႃးႁူႉဝႆႉတၢင်းၵွၼ်ႇ ၸင်ႇၸၢင်ႈၵႂႃႇ
ငၢႆႈလႄႈၸဵဝ်းထိုင် တႃႇတေႁူႉတၢင်းၼၼ်ႉ ႁဝ်းၶဝ်လူဝ်ႇလႆႈလဵပ်ႈႁဵၼ်းဢဝ်တီႈ ၵူၼ်းဢၼ်ယၢမ်ႈၵႂႃႇၶဝ်
ၸိူဝ်းၼၼ်ႉယဝ်ႈ။ၼႂ်းပပ်ႉမၢႆတွင်းၶဝ် ႁၢင်ႈၽႅၼ်ႇလိၼ်ၶဝ်ၸိူဝ်းၼႆႉ ပဵၼ်ၶူဝ်းၶွင်လွင်ႈယႂ်ႇ ဢမ်ႇမီးဢမ်ႇပဵ
ၼ် တႃႇႁဝ်းၵူၼ်းတိုၵ်ႉတေႇၽိုၵ်းပႆၼႆႉတေႉတေႉ။ လွၵ်းလၢႆးယိပ်းငိုၼ်း(5)ပိူင်ၼႆႉ ပဵၼ်လွၵ်းလၢႆးဢၼ်

ပေႃႈ ၽူႈမီးပၺ်ႇၺႃႇၵေႃႉၼိုင်ႈ သင်ႇသွၼ်ပၼ်တီႈလုၵ်ႈၸၢႆးဢွၼ်ႇမၼ်း ႁႂ်ႈပဵၼ်ၽူႈမၢၵ်ႈမီး(သ​ထေး) 

လူင်ၵေႃႉၼိုင်ႈ ၼႂ်းမိူင်းဢၼ်လုၵ်ႈၸၢႆးမၼ်းၵႂႃႇယူႇၼၼ်ႉယဝ်ႈ။ၽူႈလူလိၵ်ႈႁဝ်းၶဝ် တေယၢမ်ႈလႆႈငိၼ်း
ၵၼ်ယူႇထၢင်ႇတႄႉ ပပ်ႉဢၼ်ၸိုဝ်ႈဝႃႈ The Richest Man In Babylon(ၵူၼ်းမၢၵ်ႈမီး သေပိူၼ်ႈမူတ်း
မိူင်း ပေႇပီႇလူၼ်ႇ)ၼႆၼၼ်ႉ။ ဢႃႇၶၢတ်ႉ ၵေႃႉဢၼ်ပဵၼ်ၽူႈမၢၵ်ႈမီးသေပိူၼ်ႈသုတ်း ၼႂ်းမိူင်းပေႇပီႇလူၼ်
ႇၼႆႉ မၼ်းမီးလုၵ်ႈၸၢႆးၵေႃႉၼိုင်ႈ ဢၼ်ၸိုဝ်ႈႁွင်ႉဝႃႈ ၼူဝ်ႇမႃႇသႃး ၼႆၼၼ်ႉယဝ်ႈ။ ပေႃးဝႃႈလုၵ်ႈၸၢႆး
မၼ်း ယႂ်ႇမႃးတၢၼ်ႇတၢၼ်ႇ ပေႉတူဝ်လႆႈယဝ်ႉၼၼ်ႉမၼ်းဢမ်ႇပၼ်လုၵ်ႈၸၢႆးမၼ်း ယူႇပျေႃႇမူၼ်ႈပႂ်ႉၵိၼ်
ၶူဝ်းၶွင် ဢၼ်မၼ်းႁႃဝႆႉၼၼ်ႉသေဢမ်ႇၵႃး ယင်းပၢႆၸႂ်ႉလုၵ်ႈမၼ်းဝႃႈ ႁႂ်ႈဢဝ်ၶမ်းတႅင်းၵႃးၼိုင်ႈထူင်သေ
ႁူမ်ႈတၢင်း ၶႅပ်းလိၼ်ၼဵဝ်ၼိုင်ႈၶႅပ်းယဝ်ႉ ၵႂႃႇတင်ႈတူဝ်ဝၢၼ်ႈပိူၼ်ႈမိူင်းပိူၼ်ႈတႃႉ ပေႃးဢမ်ႇလႆႈသိပ်းပီႊ
ယႃႇမႃးၶိုၼ်းၼႆယဝ်ႈ။ ယဝ်ႉၵေႃႈ သင်ဝႃႈလႆႈသိပ်းပီလႄႈ ပွၵ်ႈမႃးၶိုၼ်းသေတႃႉ ပေႃးဢမ်ႇပဵၼ်မႃး ၵူၼ်း
မၢၵ်ႈမီးလူင်ၵေႃႉၼိုင်ႈၼႆ တေဢမ်ႇပၼ်ဢမူၺ်ႇၼႆႉလႆႈ။ တေဢဝ်လူႇပႅတ်ႈသဵင်ႈသဵင်ႈၵွၺ်းၼႆယဝ်ႈ။

လုၵ်ႈၸၢႆးဢွၼ်ႇၵေႃႈ ဢဝ်တၢင်းထူင်ၶမ်းလႄႈ ႁူမ်ႈတၢင်း ၶႅပ်းလိၼ်ၼဵဝ်သေ ႁၢႆဢွၵ်ႇႁိူၼ်းၵႂႃႇၼႂ်းၶၢဝ်း
တၢင်းသိပ်းပီႊတဵမ်"ယဝ်ႉၸင်ႇပွၵ်ႈမႃးၶိုၼ်းၼႆယဝ်ႉ။ မႃးၵေႃႈ သမ်ႉလႆႈပဵၼ်သ​ထေးလူင်မႃးတေႉၼႆယဝ်ႈ။

ဝၼ်းမၼ်းမႃးၼၼ်ႉ ပေႃႈၶဝ်ၽိတ်ႈမွၵ်ႇပီႈၼွင်ႉသေမႃးထွမ်ႇ တူဝ်ထူပ်းမၼ်း ဢၼ်မၼ်း လႆႈၶတ်းၸႂ်မႃး
ၶၢဝ်းတၢင်း(႑႐) တေႃႇပေႃးပဵၼ် သ​ထေးလူင်ၵေႃႉၼိုင်ႈတီႈမိူင်းၶဝ်ၼၼ်ႉ။ မၼ်းလၢတ်ႈၼေဝႃႈ ၶမ်း
ဢၼ်ပေႃႈၶဝ် ပၼ်မၼ်းၵႂႃႇၼၼ်ႉ ဢမ်ႇၵိုတ်းသေပႅၵ်ႉယဝ်ႉၼႆယဝ်ႈ။ ယဝ်ႉၵေႃႈ ဢၼ်ႁဵတ်းႁႂ်ႈမၼ်းၸၢႆး
ပဵၼ်သ​ထေးလူင်မႃးၼႆႉ ဢမ်ႇၸႂ်ႈၶမ်း။တီႈတေႉမၼ်း ပဵၼ်ပၵ်းပိူင်လၢႆးယိပ်းငိုၼ်းၼႂ်းၶႅပ်းလိၼ်ၼဵဝ်ၼႆႉ
ၵွၺ်းယဝ်ႉ ဢၼ်ႁဵတ်းႁႂ်ႈမၼ်းပဵၼ်သ​ထေးၼႆယဝ်ႈ။

မၢႆတွင်း။ ၶမ်းဢၼ်ပေႃႈမၼ်း ပၼ်ၵႂႃႇၼၼ်ႉဢမ်ႇမီးယဝ်ႉသေတႃႉ မၼ်းၶိုၼ်းဢဝ်မႃးတႅၼ်းၶိုၼ်း ၶမ်း
ဢၼ်ၼမ်ႉၼၵ်းမၼ်း တၢၼ်ႇၵၼ်တၢင်းၶမ်းပေႃႈၶဝ်ၼၼ်ႉယူႇ။ ဢဝ်မႃး ၶမ်းတႅင်းၵႃးသွင်ထူင်ၼင်
လူင်သွင်ထူင် တႃႇထူင်ၼိုင်ႈမႃးတႅၼ်း လႄႈထႅင်ႈထူင်ၼိုင်ႈ ဢဝ်မႃးၵၼ်ႇတေႃးပေႃႈၽူႈမီးပၺ်ႇၺႃႇ
ယႂ်ႇၼႆယဝ်ႈ။(The Richest Man In Babylon)

ပၵ်းပိူင်လၢႆးယိပ်းငိုၼ်းႁႃႈပိူင်
=====================
1.ၵူၼ်းၵေႃႉဢၼ် ဝူၼ်ႉတႃႇၼႃႈႁေႃတေႃႁိူၼ်းလႄႈဝၼ်းမိူဝ်းၼႃႈသေ မေႃၵဵပ်းမေႃႁွမ်ငိုၼ်းၶဝ်ႈ
တူဝ်ၵဝ်ႇဝႆႉ ၼႂ်းသိပ်းပုၼ်ႈ ၼိုင်ႈပုၼ်ႈတႃႇသေႇၼႆႉ။ငိုၼ်းတေလႆၶဝ်မႃးႁႃမၼ်း တႃႇသေႇမိူၼ်ၵၼ်ယဝ်ႈ
ၼႆယဝ်ႉ။

ပဵၼ်ၵၢၼ်ငၢႆႈငၢႆႈ ဢၼ်ၵူႊၵေႃႉႁဵတ်းလႆႈၼၼ်ႉယဝ်ႈ။ ယွၼ်ႉမၼ်းငၢႆႈၼႃႇလႄႈႁိုဝ်ဢမ်ႇႁူႉ ၵမ်ႉၼမ်သမ်ႉ
ဢမ်ႇႁဵတ်း ၸင်ႇဝႃႈမိူင်းၵူၼ်းၼႆႉ ၵူၼ်းၽၢၼ်ၸင်ႇလႆႈၼမ်သေ ၵူၼ်းမီးၶဝ်။သိပ်းပုၼ်ႈၼိုင်ႈပုၼ်ႈဢၼ်
ဝႃႈၼႆႉ မင်ၵေႃႉတေပႆႇၶဝ်ႈၸႂ်ၵွၼ်ႇ။ၼႂ်းငိုၼ်းလိူၼ်ၸဝ်ႈၵဝ်ႇ ၼိုင်ႈမိုၼ်ႇၼႆႉႁွမ်ၼိုင်ႈႁဵင် ၼႆၼၼ်ႉယဝ်ႉ။
ၼိုင်ႈႁဵင်ၼၼ်ႉယႃႇယႃႉ ယႃႇသူင်ႇတၢင်းႁိူၼ်းႁိုဝ်တၢင်းလႂ် ပေႃးလူဝ်ႇသူင်ႇ ႁႂ်ႈၸႅၵ်ႇဢဝ်ထႅင်ႈ ၼႂ်းၼိုင်ႈ
မိုၼ်ႇၼၼ်ႉတႃႉ။

2.ငိုၼ်းၼႆႉ မၼ်းၵႆႉႁဵတ်းၵၢၼ်ပၼ်တေႃႇ ၵေႃႉဢၼ်မီးၺၢၼ်ႇတၢင်းႁူႉသေ ၽေႈတိုၼ်းမၼ်းၼၼ်ႉတေႉ
တေႉ။  မၼ်းတေၽေႈယဝ်ႉ သိုပ်ႇၽေႈပၼ်ထႅင်ႈ မိူၼ်ၼင်ႇ ၽုင်ဝူဝ်းၽုင်ၸဵၼ်ၶဝ် ၸိူဝ်းၼၼ်ႉယဝ်ႈ
ၼႆယဝ်ႉ။

ႁွမ်ဝႆႉလၢႆလၢႆၵေႃႈ ပႆႇယဝ်ႉၼင်ႇၵဝ်ႇ။ပေႃးဢမ်ႇမေႃႁဵတ်းႁႂ်ႈမၼ်းၽေႈ ၵမ်ႉၼမ်တေဝူၼ်ႉထိုင်ယေးငိုၼ်း
ၼႆႉၵေႃႈၸႂ်ႈယူႇ။ၵူၺ်းၵႃႊမီႈထႅင်ႈ မိူၼ်ၼင်ႇသိုဝ်ႉဝႆႉတိူၵ်ႇႁႆႈလွၵ်းၼႃး တီႈလိၼ်။ သိုဝ်ႉဝႆႉၶူဝ်ဢၼ်ၸၢင်ႈ
မျႅတ်ႈၶိုၼ်း ဝၢႆးၼႆႉလႆူၼၼ်ႉ ပဵၼ်ၵၢၼ်ၽေႈငိုၼ်းမူတ်းမူတ်းယဝ်ႈ။

3.ငိုၼ်းၼႆႉလႆႈၸႂ်ယူႇၸွမ်း ၵေႃႉမေႃႁပ်ႉထွမ်ႇဢဝ်တၢင်းႁူႉႁၼ် ၽူႈလူင်ႉလႅၼ်ႇၵၢၼ်ငိုၼ်းၶဝ် ၸိူဝ်း
ၼၼ်ႉၵူၺ်းၼႆယဝ်ႈ။  မၢင်ၵေႃႉဢမ်ႇမေႃၵဵပ်းငိုၼ်း တီႈၵူၼ်းဢၼ်မေႃၵဵပ်းၶဝ်ၵေႃႈ ဢမ်ႇၵႂႃႇတွင်ႈ

ထၢမ်လႄႈ ပိူၼ်ႈႁဵတ်းၵၢၼ်ႁဝ်းႁဵတ်းၵၢၼ်ယူႇၵေႃႈ ဢမ်ႇၶိုတ်းပိူၼ်ႈ။ ၶေႃႈၼႆႉမၼ်းပႃးၸဵမ်ဢၼ် 

ႁဝ်းလူလိၵ်ႈလွင်ႈပၢႆးမၢၵ်းမီးထွမ်ႇၶူၺ်ႇ ယဝ်ႉၵေႃႈၶဝ်ႈပၢင်တၢၼ်ႈၶႆႊ ၸိူဝ်းၼႆႉမူတ်းယဝ်ႈ။

4.ငိုၼ်းၼႆႉ ၶဝ်တေလႅၼ်ႈပၢႆႈ ၵူၼ်းဢၼ်လူင်းတိုၼ်းတီႈ ၼႂ်းၵၢၼ်ဢၼ်ၽူႈလူင်ႉလႅၼ်ႇၶဝ် ဢမ်ႇပၼ်ႁႅင်း
တၢမ်တူဝ်ၸဝ်ႈၵဝ်ႇၵေႃႈ ဢမ်ႁူႉလီလီသေ လၢမ်းသၶိုင် လၢမ်းသႁဵတ်းၸိူဝ်းၼၼ်ႉယဝ်ႉၼႆယဝ်ႈ။

ဢမ်ႇၶႂ်ႈဝႃႈၽႂ်လႂ်ၼင်ႇၵဝ်ႇ။တီႈၼႆႈမၼ်းတေၶႂ်ႈတွၵ်းသႂ်ႇ ၵၢၼ်တေႃႇလွင်းၼၼ်ႉၵမ်းလဵဝ် ၼႆၵေႃႈဝႃႈလႆႈ
ယူႇ။ၵူၺ်းၵႃႊမီႈထႅင်ႈတၢင်းၼမ် ၼိုင်ႈဝူင်ႈၼိုင်ႈပၢၵ်ႇၼႆႉ သႂ်ႇယူႇတႃႇသေႇ ၼႂ်းၼိုင်ႈလၢၼ်ႉၸင်ႇမီးၼိုင်ႈ
ၵေႃႉဢၼ်တေတိူဝ်ႉ။ ဢမ်ႇမီးၶူးလူင် ၽၢႆႇၵၢၼ်မၢၵ်ႈမီးၵေႃႉလႂ်လၢတ်ႈဝႃႈ ပဵၼ်ၵူၼ်းမီႈလႆႈ ယွၼ်ႉတေႃႇ
လွင်း သင်ၸဝ်ႈၵဝ်ႇ ပဵၼ်ၸဝ်ႈတႅင်ႇမၼ်းတႄႉၵေႃႈပဵၼ်လႆႈယူႇ။ ပေႃးလွင်းတႄႉ ႁူဝ်ပၢၵ်ႇၸဵတ်းသိပ်း
ပိူၼ်ႈၵိၼ်ဝႆႉယဝ်ႉ။ႁဝ်းလႆႈၵႃႈႁိုဝ်လႆႈ ပိူၼ်ႈတိုၼ်းမျႅတ်ႈယူႇယဝ်ႉ။

5.ငိုၼ်းၼႆႉ ၶဝ်တေလႅၼ်ႈပၢႆႈပႅတ်ႈ တီႈၵူၼ်းဢၼ်မုၵ်ႈမွင်းၼမ်ႉမျႅတ်ႈလိူဝ်တွၼ်းၼႃႇ၊ တူဝ်ထူပ်းသင်
ၵေႃႈ ဢမ်ႇမီးသေ လပ်းတႃယုမ်ႇငၢႆႈၸွမ်း ၵူၼ်းယွၵ်ႇလႅၼ်ၶဝ်ၸိူဝ်းၼႆႉယဝ်ႉၼႆယဝ်ႈ။

ၶေႃႈၼႆႉၼႆႉ ပေႃးဝႃႈၸဝ်ႈၵဝ်ႇ တိုဝ်းၵမ်ႁဵတ်းၸွမ်းမၢႆမီးပၵ်းပိူင်မၢႆသၢမ်ယူႇၸိုင် တေဢေႇတေႉတေႉ
တႃႇတေထူပ်းၺႃး။ ယႃႇထူပ်းၺႃးတႄႉဢမ်ႇလႆႈၼႃၵွပ်းဝႃႈ ၽီၽုၵ်ႉၸိူဝ်းၼႆႉ ၶဝ်လႆႈၸႂ်ၵူၼ်းမႃးမႂ်ႇလူႉ။

ယုမ်ႇယမ်ဝႃႈ တေၸွၺ်ႈထႅမ်ၸဵမ်ပေႃႈမႄႈ လႄႈႁူမ်ႈတင်းလုၵ်ႈလၢင်းၵူႊၵေႃႉယူႇၶႃႈဢေႃႈ။

မႂ်ႇသုင်ၵၢင်ၶမ်ႈၶႃႈ-

လိၵ်ႈပၼ်တၢင်းႁူႉ ၼႂ်းၵၢပ်ႊပၢၼ်မႂ်ႇတီႈၼႃႈလိၵ်ႈ
Page-တွၼ်ႈထိုင်ၵေႃႉၸႂ်တူၵ်း ႁပ်ႉတွၼ်ႈယူႇဢေႃႈ

ၼေႃႇလၢဝ်မိူင်း ၼွင်ဢူႇ
2.December.217
ဝၼ်းသဝ်