မိူဝ်ႈဢၼ် ဢတ်ႉတ သုမ်ႇငိုပ်းတၼ် ႁႃသင်ၵေႃႈဢမ်ႇႁၼ်

ၸွင်ႈလူင်ႇၼိုင်ႈ လိူဝ်ဝၼႆၼၼ်ႉ ၵူၼ်းႁၢႆဝႆႉယူႇၵေႃႉၼိုင်ႈၼႆၼၼ်ႉယဝ်ႉ။ ၵွပ်ႈၼၼ်ၶဝ်ႁႃၵူၼ်းၵေႃႉၼၼ်ႉယူႇ မၼ်းမီးတီႈလႂ် တူၵ်းလုၵ်းႁိုဝ် တူၵ်းႁွင်ႈဝႆႉယူႇႁႃႉဢွၼ်ၵၼ်ႁႃတူၺ်းယူႇ။ ၵွပ်ႈၶဝ်ၵင်ႈၸွင်ႈဝႆႉလႄႈ ၶဝ်ဢမ်ႇၸၢင်ႈမုင်ႈတူၺ်းတင်းၼိူဝ် ၼိူဝ်ၵၢင်ႁၢဝ်၊ ၼိူဝ်ၵၢင်ႁၢဝ်ၼၼ်ႉ မၼ်းႁၢင်ႈလီၸိုၼ်ႈသႂ်ၵႃႈႁိုဝ်ၼႆ ၶဝ်ဢမ်ႇႁူႉ သေဢမ်ႇၵႃး ၵူၼ်းၵေႃႉဢၼ်ၶိုၼ်ႈမီးယူႇၼိူဝ်တူၼ်ႈမႆႉၼၼ်ႉၵေႃႈ ၶဝ်ဢမ်ႇႁၼ်။

ၵူၼ်းၵေႃႉဢၼ်မီးၼိူဝ်တူၼ်ႈမႆႉၼ်ႉတေႉ တမ်းဝၢင်းပႅတ်ႈၸွင်ႈဢၼ်ၵင်ႈၼိူဝ်ႁူဝ်မၼ်းသေ မီးသုၼ်ႇမုင်ႈႁၼ်လႆႈတင်း ၼိူဝ်ၵူၺ်းသေဢမ်ႇၵႃး ႁၼ်လႆႈတၢင်းႁၢင်ႈလီၼိူဝ်ၵၢင်ႁၢဝ်ထႅင်ႈၵွၼ်ႇယဝ်ႉ။

ၵူၼ်းတီႈၼိူဝ်ၼၼ်ႉ ၵူၼ်းတီႈတႂ်ႈပဵၼ်လူႉၸိူင်ႉႁုိဝ်ၵေႃႈ ႁၼ်လႆႈႁူႉလႆႈ လိူဝ်သေၵူၼ်းဢၼ်မီးတင်းတႂ်ႈၼၼ်ႉ ၵူႈၸိူဝ်ႉၵူႈလွင်ႈယူႇယဝ်ႉ။

တီႈပွင်ႇမၼ်းသမ်ႉ- ၸွင်ႈၼၼ်ႉ ၽူႈတႅမ်ႈႁၢင်ႈၶဝ်မၢႆထိုင်ဝႃႈ ပဵၼ် (ဢတ်ႉတ) ၸဝ်ႈၵဝ်ႇၼၼ်ႉယဝ်ႉ။ ပေႃးဝႃႈဢတ်ႉတ မႃးငိုပ်းသုမ်ႇဝႆႉပေႃးၼႆ မိူၼ်ၸွင်ႈမုင်းသုမ်ႇဝႆႉၼၼ်ႉလႄႈ ၽၢႆႇၼိူဝ် တင်းၼိူဝ်ႁၢင်ႈလီတၢၼ်ႇႁိုဝ်ၵေႃႈ ဢမ်ႇငွၵ်ႈႁၼ် ဢမ်ႇတူၺ်းမုင်ႈႁၼ်လႆႈ။

credit-original writer

ၸဝ်ႈၵဝ်ႇႁွတ်ႈတီႈလႂ် ၸဝ်ႈၵဝ်ႇထိုင်တီႈလႂ် ၸဝ်ႈၵဝ်ႇယူႇတီႈလႂ်ၵေႃႈ ယႃႇပေယူႇၵႂႃႇၵိၼ်ၵႂႃႇတီႈၼၼ်ႈ မိူၼ်ပိူၼ်ႈ တၢင်ႇၵေႃႉ ယိူင်ႈပိူၼ်ႈတၢင်ႇၵေႃႉၵူၺ်း၊ လူဝ်ႇၶတ်းၸႂ်ႁႂ်ႈပူၼ်ႉပိူၼ်ႈ ၶတ်းၸႂ်ႁႂ်ႈၵျႃႉလိူဝ်ပိူၼ်ႈ၊ ၶတ်းၸႂ်ႁႂ်ႈဢွင်ႇမၢင်ႇလိူဝ် ပိူၼ်ႈတၢင်ႇၵေႃႉၼၼ်ႉယဝ်ႉ။ လူဝ်ႇၶတ်းၸႂ်ႁႂ်ႈမေႃဝႆႉထၢတ်ႈၸႂ် သုင်၊ ပၢႆးၸႂ်သုင်ၼၼ်ႉယဝ်ႉ။ ပေႃးဝႃႈထၢတ်ႈ ၸႂ်ႁဝ်းသုင်၊ လၢႆးဝႆႉဝၢင်းၸႂ်၊ ၼမ်ႉၸႂ်၊ ပၢႆးၸႂ်ႁဝ်းသုင်ပေႃးၼႆ ပဵၼ်မႃးပၼ်ႁႃသင်ၵေႃႈ ယူႇတင်းၼိူဝ်မၼ်းသေ တူၺ်းႁၼ်လႆႈ ၸတ်းၵၢၼ်ပၼ်လႆ ၵေႈလိတ်ႈပၼ်လႆႈ ငၢႆႈငၢႆႈဢိူဝ်ႈပၼ်ႁႃၸိူဝ်းၼၼ်ႉ။ တႃႇတေၶိုၼ်ႈသုင်လႆႈတင်း ၼႃႈၼၼ်ႉ ပေႃးဝႃႈ မီးမႃႇၼမႃးၸၼ် မႃးႁႄႉႁၢမ်ႈဝႆႉၵေႃႈ လူဝ်ႇၶတ်းၸႂ် တႅပ်းပႅတ်ႈၸႂ်မႃႇၼ ၼၼ်ႉယဝ်ႉ။ ဢီသင် ၵေႃႈ (ၵဝ်ၵဝ်)ၼႆ (ၸႂ်ဢတ်ႉတ) လူင်ဢၼ်သုမ်ႇငိုပ်းတၼ်ဝႆႉ တင်းၼႃႈၸဝ်ႈၵဝ်ႇၼၼ်ႉၵေႃႈ လူဝ်ႇၶတ်းၸႂ်ႁႂ်ႈဝၢင်း ၽႃႈပႅတ်ႈၼၼ်ႉယဝ်ႉ။

ပေႃးဝႃႈ ဢဝ်ၸႂ်ဢတ်ႉတၼၼ်ႉ ပွႆႇပႅတ်ႈ ဝၢင်းပႅတ်ႈၵွၼ်ႇ ၸွင်ႇတေမုင်ႈႁၼ်လႆႈ ငွၵ်ႈႁၼ်လႆႈ တင်းႁၢင်ႈလီၼိူဝ်  ၵၢင်ႁၢဝ်လႄႈတၢင်းႁၢင်ႈလီ ၼႂ်းမိူင်းၶူင်းၵၢင်။ ၵူၼ်းႁဝ်းၵူႈၵေႃႈၵေႃႈၶႂ်ႈႁၼ် တၢင်းႁၢင်ႈလီၼိူဝ်ၵၢင်ႁၢဝ် လႄႈ   တၢင်းႁၢင်ႈလီ ၼႂ်းမိူင်းၶူင်းၵၢၼ်လူင်ၼႆႉ မိူၼ်ၵၼ် ၵူႈၵေႃႉယူႇၼၼ်ႉယဝ်ႉ။

ပၢႆးဝူၼ်ႉၶပ်ႉ 

from ဝါဝါဝင္း*