ႁိူဝ်းမိူဝ်ႈၵွၼ်ႇႁႃႉ ႁိူဝ်းမႂ်ႇႁိုဝ်

ႁိူဝ်းမိူဝ်ႈၵွၼ်ႇႁႃႉ ႁိူဝ်းမႂ်ႇႁိုဝ်
-------------------------------
မိူဝ်ႈၵွၼ်ႇ တီႈမိူင်းၵိရိၼၼ်ႉ မီးဝႆႉႁိူဝ်းဢၼ်ၸိုဝ်ႈသဵင်ယႂ်ႇဝႆႉလမ်းၼိုင်ႈ၊ ၸိုဝ်ႈႁိူဝ်းၼၼ်ႉတေႉ ၶဝ်ႁွင်ႉဝႃႈ တီးသီးယပ်

( Ship of Theseus) ၼႆယဝ်ႉ။ ႁိူဝ်းလမ်းၼႆႉ ပဵၼ်ဝႆႉဢၼ်ၸိုဝ်ႈသဵင်ယႂ်ႇသုတ်း တီႈမိူင်းၵိရိသေ သမ်ႉမီးဝႆႉၼႂ်း ဝဵင်းဢတ်ႉတိၼ်ႇ (Athens)ၼၼ်ႉယဝ်ႉ။ ႁိူဝ်းလမ်းၼႆႉ ၶဝ်ထိင်းသိမ်းမႃးပၢၼ်သိုပ်ႇပၢၼ် ပဵၼ်လၢႆပီမိူင်းၼႆၼၼ်ႉယဝ်ႉ။

ႁိူဝ်းလမ်းၼႆႉ မိူဝ်ႈၵွၼ်ႇ ၶဝ်ဢွၵ်ႇၶၢဝ်းတၢင်းထူပ်းၺႃးၽေးၶဵၼ်သင်ၵေႃႈ ၶၢမ်ႈပူၼ်ႉၵႂႃႇမႃးလႆႈသေ ပဵၼ်ႁိူဝ်းဢၼ် ၶိူင်ႇ

ၶမ်ႉၼႅၼ်ႈၼႃဝႆႉၼၼ်ႉယဝ်ႉ။ ႁိူဝ်းလမ်းၼႆႉ ၶဝ်ဢဝ်ဝႆႉႁဵတ်းပဵၼ်ႁိူဝ်းတီႈၼႄပိုၼ်းသေ ၵုမ်းလုမ်းလႃးမႃး ႁၢၼ်ႉတေႃႇမိူဝ်ႈလဵဝ်ၼၼ်ႉယဝ်ႉ။
တီႈၼိူဝ်ႁိူဝ်းၼၼ်ႉ ၼိုင်ႈပီၼိုင်ႈပွၵ်ႈ ၶဝ်ႁဵတ်းပွႆးၶွပ်ႈၶူပ်ႇသေ ၽိတ်ႈထိုင်တၢင်ႇမိူင်းမႃးၶဝ်ႈႁူမ်ႈသေ သပ်းလႅင်း
ၼႄလွင်ႈႁိူဝ်းလမ်းၼႆႉ ဢၼ်လႆႈပဵၼ်မႃးၼၼ်ႉယူႇယဝ်ႉ။ၶဝ်ဝႃႈႁိူဝ်းလမ်းၼႆႉ ပဵၼ်ဝႆႉႁိူဝ်းဢၼ်ပီယၢဝ်းၶၢဝ်းႁိုင်သေ

မီးဝႆႉႁၢၼ်ႉတေႃႇတေႃႈလဵဝ်ၼႆၼၼ်ႉယဝ်ႉ။

ၽူႈလဵပ်ႈႁဵၼ်းၶဝ်ဢွၵ်ႇၶေႃႈထၢမ်ၶဝ်တေႉဝႃႈႁိူဝ်းလမ်းၼႆႉ ပဵၼ်ဝႆႉႁိူဝ်းၵဝ်ႇႁႃႉ ႁိူဝ်းမႂ်ႇႁိုဝ် ၼႆၼၼ်ႉယဝ်ႉ။

ပီမၼ်းႁိုင်တေႉၸႂ်ႈယူႇ ၵူၺ်းၵႃႈ ပေႃးမႃးထတ်းသၢင်ႈတူၺ်းႁိူဝ်းလမ်းၼၼ်ႉ မႆႉဢၼ်မိူဝ်ႈၵွၼ်ႇၼၼ်ႉ ဢမ်ႇၵိုတ်းသေ
သိၵ်ႈၼၼ်ႉယဝ်ႉ ယွၼ်ႉဝႃႈပီမၼ်းႁိုင်လႄႈ မႆႉၵဝ်ႇၸိူဝ်းၼၼ်ႉၵေႃႈၽင်ႉသေ လႆႈလၢႆႈပၼ်ဢၼ်မႂ်ႇတိၵ်းတိၵ်းၼၼ်ႉယဝ်ႉ။
ဢၼ်လႂ်ၽင်ႉၵေႃႈ လၢႆႈဢွၵ်ႇ လၢႆႈဢွၵ်ႇ ႁိုင်ႁိုင်မႃးမႆႉၵဝ်ႇၼၼ်ႉဢမ်ႇၵိုတ်းသင်သႄသိၵ်ႈၼႆၼၼ်ႉယဝ်ႉ။
ၵူၺ်းၵႃႈ ၶဝ်လၢႆႈဢွၵ်ႇပႅတ်ႈဝႃႈၼႆသေတႃႉၵေႃႈ ၽၢင်ႁၢင်ႈလႄႈ လၢႆးဝႆႉ လၢႆးဝၢင်းမၼ်းတေႉ ၶဝ်ဢမ်ႇဢဝ်ပိူင်ႈ ဢမ်ႇ

ပၼ်ပိူင်ႈၶိုၼ်းႁဵတ်းမိူၼ်လၢႆးမိုဝ်းမိူဝ်ႈၵွၼ်ႇၼၼ်ႉၼႆယဝ်ႉ။

ၶႅပ်းႁၢင်ႈ ဢၼ်ၶဝ်ထႆႇဝႆႉ မိူဝ်ႈမၼ်းဢမ်ႇပဵၼ်သင်မိူဝ်ႈၵွၼ်ႇလႄႈ တင်းမိူဝ်ႈလဵဝ် မိူၼ်ၵၼ်လီလီ ဢမ်ႇၽိတ်းဢမ်ႇပိူင်ႈ
ၼႆၼၼ်ႉယဝ်ႉ။
ဢၼ်ၶဝ်လၢႆႈဢွၵ်ႇပႅတ်ႈမႆႉၵဝ်ႇမၼ်းၼၼ်ႉၵေႃႈ ၶဝ်ၶိုၼ်းဢဝ်ႁဵတ်းႁိူဝ်းသေ ဢဝ်ဝႆႉယူႇၼိူဝ်ၽၢင်ႇၼမ်ႉ တီႈတႃႈႁိူဝ်း
ၼၼ်ႉၼင်ႇၵဝ်ႇယဝ်ႉ။
ၽူႈထတ်းသၢင်ႈၶဝ်ထတ်းသၢင်ႈသေထၢမ်ဝႃႈ ႁိူဝ်းလမ်းၼႆႉ ပဵၼ်ႁိူဝ်းၵဝ်ႇႁႃႉ ပဵၼ်ႁိူဝ်းမႂ်ႇႁိုဝ် ၼႆၼၼ်ႉယဝ်ႉ။

တေဝႃႈပဵၼ်ႁိူဝ်းၵဝ်ႇ မႆႉႁိူဝ်းဢၼ်ၵဝ်ႇၼၼ်ႉသမ်ႉဢမ်ႇၵိုတ်းသေသိၵ်ႈ။ တေဝႃႈပဵၼ်ႁိူဝ်းမႂ်ႇသမ်ႉ ႁိူဝ်းလမ်းၼႆႉ
ပဵၼ်ဝႆႉၽၢင်ႁၢင်ႈႁိူဝ်းမိူဝ်ႈၵွၼ်ႇၼၼ်ႉဢမ်ႇၽိတ်းဢမ်ႇ ပိူင်ႈတီႈလႂ်သေ သမ်ႉပဵၼ်ဝႆႉႁိူဝ်းဢၼ်ၵိုၵ်းပိုၼ်းလႄႈ
ပဵၼ်ႁိူဝ်း ၼႄဝႆႉ ႁွင်ႈၼႄ တီႈၼႄပိုၼ်း ၶွင်ၵဝ်ႇမွၼ်ႇၼၼ်ႉယဝ်ႉ။

ၵူၼ်းလူလိၵ်ႈၶဝ်လူး ဝူၼ်ႉသေထတ်းသၢင်ႈၸွမ်းတူၺ်းဝႃႈႁိူဝ်းလမ်းၼႆႉ ပဵၼ်ႁိူဝ်းၵဝ်ႇႁႃႉ ဢမ်ႇၼၼ် ပဵၼ်ႁိူဝ်း
မႂ်ႇႁိုဝ်ဢၼ်ဝႃႈၼၼ်ႉ ထတ်းသၢင်ႈပၼ်လႆႈယူႇ။  ၵူၺ်းၶေႃႈတွပ်ႇတေႉ ဢမ်ႇမီး မၼ်းယူႇတီႈၵူၼ်း

ထတ်းသၢင်ႈမၼ်းၵူၺ်း။