ဢၼ်ပီႈၼွင်ႉတႆႁဝ်း ထုၵ်ႇလီမီး ထုၵ်ႇလီတႅမ်ႈမၢႆဝႆႉ၊ ထုၵ်ႇလီႁဵတ်းမၢႆၽၢင်ဝႆႉ

ဢၼ်ပီႈၼွင်ႉတႆႁဝ်း ထုၵ်ႇလီမီး ထုၵ်ႇလီတႅမ်ႈမၢႆဝႆႉ၊ ထုၵ်ႇလီႁဵတ်းမၢႆၽၢင်ဝႆႉ
----------------------------------------------------------------------------------
           ၼႂ်းၾိင်ႈထုင်းတႆးႁဝ်း ဢၼ်လမ်ႇလွင်ႈသေပိူၼ်ႈၼႂ်း ပၢႆးၶိူင်ႈတွႆႇ
မူၼ်ႈ ဢၼ်ပဵၼ်ၾိင်ႈထုင်းတႆးႁဝ်းတေႉတေႉ ဢၼ်ပဵၼ်လွင်ႈႁႆႇၵွင် တူပ်း
ၵွင်ၼၼ်ႉယဝ်ႉ။ ၵွင်တႆးႁဝ်းၼႆႉ ၵူၼ်းၸၢႆးတႆးႁဝ်း ဢမ်ႇသူႈမေႃႁႆႇၵူႈၵေႃႉ၊ 

ပေႃးဝႃႈပဵၼ်ပွႆးမႃးၼႆ ၸူးဢဝ်တၢင်းသူင်သေ တွႆႇႁႆႇၵႂႃႇႁဵတ်းၼၼ်ၵူၺ်း၊
သဵင်မၼ်းၵေႃႈ ဢမ်ႇပေႃးလီထွမ်ႇ မိူၼ်ၼင်ႇၵူၼ်းထဝ်ႈၵူႈပွၵ်ႈၶဝ်ႁႆႇ၊
ဢမ်ႇၸႂ်ႈလႄႈဝႃႈ ပေႃးမေႃတူပ်းၼႃႈၵွင်သေ ပေႃးဝႃႈၵွင်ဢွၵ်ႇသဵင်ယဝ်ႉၵေႃႈ
မေႃႁႆႇၵွင်တိၵ်းတိၵ်းတေႉ ဢမ်ႇပႆႇၸႂ်ႈလၢႆးမၼ်း။
ဢၼ်ၵူၼ်းၼုမ်ႇၶဝ်ႁႆႇတေႃႈလဵဝ်ၼႆႉ ၵမ်ႉၼမ် သဵင်မၼ်း ဢမ်ႇမေႃလၢႆႈ
ႁႆႇၵႂႃႇလၢႆးၵဝ်ႇလၢႆးလဵဝ်ယူႇတိၵ်းတိၵ်း၊ ပေႃးပဵၼ်ၸိူင်ႉၼၼ် မိူဝ်ႈတိုၵ်ႉႁႆႇၼၼ်ႉ
လီထွမ်ႇယူႇၵေႃႈ ပေႃးႁႆႇႁိုင်မႃး တေၶၢၼ်ႉငိၼ်းသဵင် မၼ်းၵႂႃႇ၊ ယွၼ်ႉဝႃႈ
လၢႆးႁႆႇမၼ်းမီးဢၼ်လဵဝ် သဵင်မၼ်းၵေႃႈ ဢွၵ်ႇဢၼ်လဵဝ်ယူႇတိၵ်းတိၵ်း
ၼၼ်ႉယဝ်ႉ။ ႁဝ်းမႃးထွမ်ႇတူၺ်း တင်းဢၼ်ၵူၼ်းထဝ်ႈၶဝ်ႁႆႇ မိူဝ်ႈၵူႈပွၵ်ႈၼၼ်ႉ သဵင်မၼ်းလီထွမ်ႇ ယဝ်ႉၵေႃႈသဵင်မၼ်းမေႃလႅၵ်ႈလၢႆႈၵႂႃႇ၊ ၵူၼ်းထွမ်ႇမၼ်းၵေႃႈလီသူၼ်ၸႂ်လႄႈ လီၶဝ်ႈၸႂ်တေႉတေႉ။

ဢၼ်ၵူၼ်းထဝ်ႈမိူဝ်ႈၵူႈပွၵ်ႈ ၶဝ်ႁႆႇလႄႈ တင်းဢၼ်ၵူၼ်းၼုမ်ႇတေႃႇ လဵဝ်ၶဝ်ႁႆႇၼၼ်ႉ ၽၢင်ႉသေထွမ်ႇတူၺ်း 
သဵင်မၼ်းတိုၼ်းပိူင်ႈၵၼ်၊ ဢၼ်ၵူၼ်းထဝ်ႈၶဝ်ႁႆႇၼၼ်ႉ တိုၼ်းလီထွမ်ႇသေ ၵူၼ်းၼုမ်ႇတေႃႈလဵဝ်ၶဝ်ႁႆႇယူႇ၊
ဢမ်ႇၸႂ်ႈလႄႈဝႃႈ ၵူၼ်းၼုမ်ႇတေႃႈလဵဝ် ဢမ်ႇမေႃႁႆႇတေႉ ဢမ်ႇၸႂ်ႈၼင်ႇၵဝ်ႇဢၼ်မေႃႁႆႇမၼ်းၵေႃႈ မီးယူႇ
တင်းၼမ်။ 
ၵူၺ်းၵႃႈ ၼင်ႇႁိုဝ်တေမေႃႁႆႇၵၼ်ၵူႈၵေႃႉၼၼ်ႉ တႆးႁဝ်း ၸိူဝ်းဢၼ်လူင်ႉလႅၼ်ႇ ၽၢႆႇႁႆႇၵွင် တွႆႇၵွင်ၼၼ်ႉ
ထုၵ်ႇလီတႅမ်ႈမၢႆဝႆႉ ႁဵတ်းပပ်ႉသေ ပိုၼ်ၽႄပၼ် ၵူၼ်းၼုမ်ႇဢၼ်တေယႂ်ႇၶိုၼ်ႈမႃးတေႃႈလဵဝ်လႄႈ မိူဝ်းၼႃႈ
ၼၼ်ႉယူႇ။

ယဝ်ႉၵေႃႈ ၵွင် မွင်း လႄႈသႅင်ႇ ၵႃႈၼူၵ်ႉ ၵႃႈတူဝ်း ၸိူဝ်းၼႆႉ မၼ်းပဵၼ်ၶူဝ်းၶွင်ၾိင်ႈထုင်းတႆးၼႆထုၵ်ႇလီ ႁဵတ်း
မၢႆၽၢင်မၼ်း( မၢတ်ႈပုင်ႇတိၼ်ႇ) ဝႆႉၼၼ်ႉယဝ်ႉ။ ပေႃးဝႃႈဢမ်ႇမီးမၢႆၽၢင်မၼ်းပေႃးၼႆ ၵူၼ်းတၢင်ႇၶိူဝ်းၶဝ် 
ၸၢင်ႈမႃးႁိမ်ၵႂႃႇ ဢဝ်ႁဵတ်းပဵၼ်ၾိင်ႈထုင်းၶဝ်ၼၼ်ႉယဝ်ႉ။

မိူၼ်ၼင်ႇ ဢၼ်မီးယူႇၼႂ်းမိူင်းတႆးႁဝ်းတေႃႈလဵဝ်ၼႆႉဢမ်ႇဝႃႈ ပႃႈဢူဝ်ႉ ပႃႈလွင်ႈ ၶဝ်ၵေႃႈဝႃႈ လွင်ႈႁႆႇၵွင်မွင်း
ၼႆႉ ၶဝ်ၵေႃႈဝႃႈပဵၼ်ၾိင်ႈထုင်းၶဝ်ၼၼ်ႉယဝ်ႉ။

လၢႆးႁႆႇသႅင်ႇၵေႃႈ ၼင်ႇၼၼ်ယဝ်ႉ ပေႃးဝႃႈဢမ်ႇမေႃႁႆႇမၼ်း သဵင်မၼ်းတိုၼ်းဢမ်ႇလီထွမ်ႇ၊ ပေႃးဝႃႈယိပ်း
တင်းသွင်ၽၢၵ်ႇသေဢဝ်မႃးလေႃႇၵၼ်တေႉ ႁူႉတိုၼ်းဢွၵ်ႇသဵင်မၼ်းယူႇ၊ ပေႃးၸိူင်ႉၼၼ်တေႉ ၽႂ်ၵေႃႈ
ၶႂ်ႈဝႃႈမေႃၵူႈၵေႃႉယူႇ၊ ၵူၺ်းၵႃႈဝႃႈ ၼင်ႇႁိုဝ် သမ်ႉပေႃးတေမွႆႁႆႇ ႁႂ်ႈသဵင်မၼ်းပေႃးလီထွမ်ႇလႄႈ ႁႂ်ႈသဵင်မၼ်း
ၶဝ်ႈၵၼ် တင်းသဵင်ၵွင်ၼၼ်ႉ ထုၵ်ႇလီပူၵ်းပွင် သွၼ်ပၼ်ၵၼ်၊ ၾိင်ႈငႄႈ ၾိင်ႈထုင်းဢၼ်ဝႃႈၼၼ်ႉၵေႃႈ ဢမ်ႇ
သိုပ်ႇသွၼ်ပၼ်ၵၼ်သေလႄႈ ဢၼ်မေႃၵႂႃႇႁင်းၵူၺ်းၼၼ်ႉၵေႃႈ မီးတေႉမီးယူႇ၊ ဢၼ်မေႃၵႂႃႇၸိူဝ်းၼၼ်ႉ
ၵေႃႈ တေပဵၼ်ယွၼ်ႉ ဝႃႇသၼႃႇ တင်းသူင်းသေလႄႈ မေႃၵႂႃႇ ၵမ်ႉပႃႈၼမ်ယဝ်ႉ၊ ၸိူဝ်းဢၼ်တၢင်းဢၢႆယႂ်ႇ
သေ ဢမ်ႇပေႃးပႃးဝႃႇသၼႃႇတင်းသူင်ၶဝ်ၸိူဝ်းၼၼ်ႉတေႉ ၵိူတ်ႇမႃးထဝ်ႈၵႂႃႇသေလၢႆလၢႆၵေႃႈ ဢၼ်ဢမ်ႇ
မေႃႁႆႇၵွင်မွင်းသႅင်ႇ ၼၼ်ႉမီးတင်းၼမ်။ ပေႃးဝႃႈၶဝ်ဢမ်ႇမေႃႁႆႇၵေႃႈတႃႇတေႁႂ်ႈၸႂ်ႉလုၵ်ႈၶဝ်ၽိုၵ်းႁႆႇဢၼ်
ဝႃႈၼၼ်ႉၵေႃႈ တေဢမ်ႇမီးတၢင်းမၼ်း။

ယွၼ်ႉၼၼ်
လွင်ႈပူင်သွၼ်ပၼ်ၵၼ်လႄႈသင်လၢႆးႁႆႇလၢႆးမၼ်းလႄႈသင်လွင်ႈတႅမ်ႈမၢႆဝႆႉ လွၵ်းလၢႆးႁႆႇမၼ်းၼၼ်ႉလႄႈသင်
လွင်ႈတႃႇတေ ဢဝ်ႁဵတ်းမၢႆၽၢင်မၼ်းဝႆႉၸိူဝ်းၼၼ်ႉလႄႈသင်တိုၼ်းလူဝ်ႇလႆႈႁဵတ်း တိုၼ်းလူဝ်ႇလႆႈမီး တိုၼ်း
လူဝ်ႇလႆႈပဵၼ်ယူႇၼၼ်ႉယဝ်ႉ။ဝူၼ်ႉတႃႇ တႆးႁဝ်း ၶၢဝ်းယၢဝ်းၵႆ မိူဝ်ႈပႆႇထၢင်ႇႁၢင်ႈ ၼႂ်းၸၢတ်ႈပၢၼ်ပဵၼ်တႆး
ယူႇၵေႃႉၼိုင်ႈၼၼ်ႉသေ

ပၢႆးဝူၼ်ႉၶပ်ႉ
28/ 9/ 2017