ၵေႃႉၸၢႆးၵေႃႈ တိုၼ်းပဵၼ်ၵေႃႉၸၢႆးၵူၺ်း

ၵေႃႉၸၢႆးၵေႃႈ တိုၼ်းပဵၼ်ၵေႃႉၸၢႆးၵူၺ်း
---------------------------------------------
မီးဝၼ်းၼိုင်ႈ ၼၢင်းယိင်းၵေႃႉၼိုင်ႈ ၶႂ်ႈၸၢမ်းတူၺ်းၼမ်ႉၸႂ်ၽူဝ်မၼ်းလႄႈ မၼ်းဝူၼ်ႉဝႃႈ သင်ဝႃႈၵဝ် ဢမ်ႇလၢတ်ႈသင်သေ ပၢႆႈဢွၵ်ႇၵႂႃႇပေႃးၼႆ ၽူဝ်မၼ်းတေၶိုၼ်းတုမ်ႉတွပ်ႇၸိူင်ႉႁိုဝ်ဢၼ်ဝႃႈၼၼ်ႉ မၼ်းၼၢင်းပဵၼ်ဢၼ်ၶႂ်ႈႁူႉၼမ်ႉၸႂ်ၽူဝ်မၼ်းတေႉတေႉၼၼ်ႉယဝ်ႉ။

ႁဵတ်းၼၼ်သေ မၼ်းၼၢင်းတႅမ်ႈလိၵ်ႈဝႆႉၼိူဝ်ၵူႇၼွၼ်းၼၼ်ႉၽိုၼ်ၼိုင်ႈ- ႁဝ်းယူႇမႃးၸွမ်းသူၼႆႉ လီၸႂ်သဵင်ႈၼႃႇ ယွၼ်ႉၼၼ်လႄႈ တႃႇတေသိုပ်ႇယူႇၵႂႃႇၸွမ်းသူထႅင်ႈၵေႃႈ ဢမ်ႇပဵၼ်လႆႈယဝ်ႉ ယွၼ်ႉၼၼ်လႄႈ ႁဝ်းၸင်ႇဢွၵ်ႇႁိူၼ်းမႃးပႅတ်ႈသူယဝ်ႉ၊ တႅမ်ႈဝႃႈၼၼ်သေ ဢဝ်ဝႆႉတီႈၼိူဝ်ၵူႇၼွၼ်းၼၼ်ႉယဝ်ႉ၊ တူဝ်မၼ်းၼၢင်းတေႉ လၵ်ႉပႅပ်ႉဝႆႉယူႇတႂ်ႈၵူႇၼၼ်ႉသေ ပႂ်ႉထွမ်ႇသဵင်ၽူဝ်မၼ်းယူႇ။ ၽိူဝ်ႇၽူဝ်မၼ်းမႃး ၽူဝ်မၼ်းၵေႃႈမႃးႁၼ်ၽိုၼ်လိၵ်ႈဢၼ်တႅမ်ႈဝႆႉၼၼ်ႉလႄႈ ဢူဝ်ႉႉႉႉႉ ပဵၼ်လိၵ်ႈမႄးၵဝ်တႅမ်ႈဝႆႉလူးၼႆႉ တူၵ်းၸႂ်သေ သိုပ်ႇလူၵႂႃႇ၊ ပေႃးယဝ်ႉၵေႃႈ ၶိုၼ်းတႅမ်ႈလိၵ်ႈတႅမ်ႈဝႆႉပၼ်ၶိုၼ်းတီႈၽိုၼ်လိၵ်ႈၼၼ်ႉသေ မႃးလၢႆႈၶူဝ်းမၼ်းၸၢႆးယူႇ၊ လိူၵ်ႈဢမ်ႇလႄႇ ၽွင်းလၢႆႈၶူဝ်းၼၼ်ႉ သဵင်ၵႂၢမ်းတီႈၽူင်းမၼ်းၸၢႆး မေႃးဢွၵ်ႇမႃးလႄႈ မၼ်းၸၢႆးယိပ်းဢဝ်ၽူင်းမၼ်းသေ ႁလူဝ် ပဵၼ်ႁၵ်ႉႁၵ်ႉႁႃႉၼႆႉ တႃႇတေထူပ်းၵၼ်တင်းသူၼႆႉ ႁဝ်းတိုၵ်ႉလၢႆႈၶူဝ်းႁဝ်းဝႆႉယူႇဢိူဝ်ႈသူ၊ ပေႃးသူတၼ်းၵေႃႈ မႃးတီႈႁိူၼ်းႁဝ်းလႄႈ မႅၼ်ႈယဝ်ႉ တေႃႈလဵဝ်ၼႆႉ တင်းႁဝ်းလႆႈၺႃးၵူၼ်းၵေႃႉၼိုင်ႈ ႁဵတ်းႁၢႆႉသႂ်ႇႁဝ်း ပွႆႇၽႃႈပႅတ်ႈႁဝ်းၵႂႃႇ၊ ႁဝ်းၵူပ်ႉၵူႈၸွမ်းၶဝ်မႃးၼႆႉ ပဵၼ်ဢၼ်ၽိတ်းလူင် ၽိတ်းလၢင်တေႉတေႉယဝ်ႉ။
ၵူၺ်းၵႃႈ တေႃႈလဵဝ်ၼႆႉတေႉ ယွၼ်ႉမီးသူလႄႈ ၵူႈၸိူဝ်းၵူႈလွင်ႈၵေႃႈ ယဝ်ႉၵႂႃႇယဝ်ႉ။ လွင်ႈၼႆႉၵေႃႈ ပဵၼ်တွၼ်ႈသွၼ်မႂ်းဝႆႉယူႇဢၼ်ၼိုင်ႈ ဢၼ်ႁဝ်းၶႂ်ႈလၢတ်ႈသူဝႆႉၼႆႉ၊ ဢမ်ႇပေႃးႁိုင်ႁဝ်းတေလႆႈထူပ်း
ၵၼ်ယဝ်ႉၼေႃ ႁၵ်ႉႁၵ်ႉ ။ ၽူဝ်မၼ်းၼၢင်းတင်းလၢႆႈၶူဝ်းသေလၢတ်ႈၽူင်းၸူးၵေႃႉႁၵ်ႉမႂ်ႇမၼ်းယဝ်ႉၵႂႃႇယဝ်ႉ လၢႆႈၶူဝ်းၵေႃႈယဝ်ႉၵႂႃႇယဝ်ႉလႄႈ ၶိုၼ်းဢွၵ်ႇႁိူၼ်းၵႂႃႇ၊ ဝၢႆးသေၽူဝ်မၼ်းဢွၵ်ႇႁိူၼ်းၵႂႃႇယဝ်ႉ မႄးမၼ်းဢၼ်မီးယူႇတႂ်ႈၵူႇၼွၼ်းၼၼ်ႉတေႉ ပဵၼ်ၶီႈမုၵ်ႈၼမ်ႉတႃဝႆႉယူႇယဝ်ႉ။ ဢွၵ်ႇတႂ်ႈၵူႇမႃးသေ မႃးၵဵပ်းလူၶိုၼ်းလိၵ်ႈဢၼ်ၽူဝ်မၼ်းတႅမ်ႈဝႆႉၼၼ်ႉယူႇယဝ်ႉ။

မႂ်းမီးယူႇတႂ်ႈၵူႇၼၼ်ႉ ၵဝ်ႁၼ်ၶႃမႂ်းဝႆႉယူႇ၊ ၵဝ်ဢမ်ႇလႆႈသိုပ်ႇၽူင်းၸူးၽႂ်၊ ဢွၵ်ႇၵႂႃႇတင်းၼွၵ်ႈသေ ၵႂႃႇသိုဝ်ႉတၢင်းၵိၼ်မႃးပၼ်ၵဝ်ၽွင်ႈလူး၊ ၵဝ်ၵႂႃႇႁဵတ်းၵၢၼ်မႃး ပႂ်ႇလႆႈၵိၼ်သင် တိုၵ်ႉတွင်ႉမႆႈယူႇဢိူဝ်ႈၼႆႉ၊ ဢွၵ်ႇမႃးႁႅၼ်းပၼ်တၢင်းၵိၼ်ၵဝ်လႄႈ ႁၵ်ႉႁၵ်ႉ I Love you.

ႁႂ်ႈမူၼ်ႈသိူဝ်းၵၼ်သေၵမ်းၶႃႈ။
Credit: Feeling Guy.