ယႃႇၸႂ်လဵၵ်ႉ ယႃႇၶေႃးၶူမ်

ယႃႇၸႂ်လဵၵ်ႉ ယႃႇၶေႃးၶူမ်

ပေႃးဢမ်ႇမီးၶႅပ်းတိၼ်တႃႇတိုဝ်းလႄႁႆႈယူႇၸိုင်၊
ဝူၼ်ႉႁၼ်ထိုင် ၵေႃႉဢၼ်ဢမ်ႇမီးၶႃတႃႇတေပႆၼၼ်ႉလႄႈ

ႁဵတ်းၵၢၼ်ဢမ်ႇပေႃးသၢင်ႇတေႃႇလႄႈ ဢမ်ႇမိူၼ်ၸႂ်ပွင်ႉ
ယူႇပေႃးဝႃႈၼႆၸိုင်၊ ဝူၼ်ႉႁၼ်ထိုင်ၸိူဝ်းဢၼ်ဢမ်ႇမီး
ၵၢၼ်သင်တႃႇတေႁဵတ်းၼၼ်ႉလႄႈ။

ၵေႃႉႁၵ်ႉၵၼ်သွင်ၵေႃႉ လႆႈၽိတ်းထုၵ်ႇမေႃးၵႂၢမ်းၵၼ်
ယူႇလႄႈ ၸႂ်လမ်ၵၼ်ယူႇၸိုင်၊ ဝူၼ်ႉႁၼ်ထိုင် ၸိူဝ်းပိူၼ်ႈ
ဢၼ်လႆႈၽၢတ်ႇၵၼ်ၼၼ်ႉလႄႈ။

ၼႂ်းလူၵ်ႈၼႆႉမီးၵဝ်ၵူၺ်းယူဝ်ႉဢၼ်ၵၢမ်ႇႁၢႆႉလိူဝ်ပိူၼ်ႈ
ပေႃးၵုမ်ႇပွင်ႉၵၢမ်ႇၸဝ်ႈၵဝ်ႇယူႇပေႃးဝႃႈၼႆၸိုင်၊ ဝူၼ်ႉႁၼ်
ထိုင် ၵူၼ်းၸိူဝ်းတူၵ်းတၢင်းယၢပ်ႇဢၼ်ၶၢၼ်ၸႂ်ယူႇၸိူဝ်း
ၼၼ်ႉလႄႈ။

သင်ဝႃႈၵေႃႉႁၵ်ႉလႆႈပွႆႇၽႃႈပႅတ်ႈလႄႈ လႆႈတိူဝ်ႉၸႂ်ယူႇ
ပေႃးဝႃႈၼႆၸိုင်၊ ဝူၼ်ႉႁၼ်ထိုင် လုၵ်ႈဢွၼ်ႇၽၢၼ်ပေႃႈ
မႄႈဢၼ်ဢမ်ႇမီးတီႈပိုင်ႈဢိင်ၼၼ်ႉလႄႈ။

ထုၵ်ႇၺႃးလိုပ်ႈဢွၵ်ႇၵၢၼ်လႄႈ ပဵၼ်ၸႂ်ဢမ်ႇလီ ၸႂ်ဢမ်ႇ
သိူဝ်းယူႇပေႃးဝႃႈၼႆၸိုင် ဝူၼ်ႉႁၼ်ထိုင် ၵူၼ်းႁူဝ်ပၢၵ်ႇ
ႁူဝ်ႁဵင်ဢၼ်ဢမ်ႇမီးၵၢၼ်ၸိူဝ်းၼၼ်ႉလႄႈ။

သင်ဝႃႈၸဝ်ႈၵဝ်ႇ သိုဝ်ႉၶီႇလႆႈလူတ်ႉထိပ်ႇဢွၼ်ႇၵူၺ်း
လႄႈ လႆႈၼႃႈလဵၵ်ႉတႃၼွႆႉယူႇပေႃးဝႃႈၼႆၸိုင်၊ ဝူၼ်ႉႁၼ်
ထိုင် ၵူၼ်းၸိူဝ်းဢၼ်ဢမ်ႇမီးသင်သေ လႆႈပႆတၢင်းယူႇ
ၼၼ်ႉၶႃႈလႄႈ။

ယႃႇၸႂ်လဵၵ်ႉ ယႃႇၶေႃးၶူမ် ပၼ်ႁႅင်းၸႂ်ၸဝ်ႈၵဝ်ႇၶိုၼ်း။