ဢရသႃႇၼမ်ႉမၢၵ်ႇၽႃႈလႄႈ တၼ်ႇၼႃႇ ပူႇဢမၢတ်ႈ

ဢရသႃႇၼမ်ႉမၢၵ်ႇၽႃႈ လႄႈ တၼ်ႇၼႃႇ ပူႇဢမၢတ်ႈ
--------------------------------------------
မိူဝ်ႈၵူႈပွၵ်ႈ တီႈမိူင်းၼိုင်ႈ မီးဝႆႉယူႇၼၢင်းႁေႃၶမ်းလူင်ပႃးၼိုင်ႈ
ႁၢင်ႈလီၼႃႇၼႆယဝ်ႉ။ ၵေႃႉပဵၼ်ၼၢင်းႁေႃၶမ်းလူင်ၼႆႉ ယွၼ်ႉမၼ်းႁၢင်ႈလီၼႃႇလႄႈ ၸဝ်ႈၶုၼ်ႁေႃၶမ်းႁၵ်ႉလိူဝ်သေပိူၼ်ႈ

ၼႆၼၼ်ႉယဝ်ႉ။ ၸဝ်ႈၼၢင်းႁေႃၶမ်းၼၼ်ႉ မၼ်းႁၢင်ႈလီတၢၼ်ႇႁိုဝ် ပေႃးဝႃႈၼႆၸိုင် ၵူၼ်းၸိူဝ်းယူႇၽၢႆႇတႂ်ႈၸဝ်ႈၶုၼ်ႁေႃ

ၶမ်းၶဝ်မိူၼ်ၼင်ႇ ဢမၢတ်ႈၽွင်းမိူင်းၶဝ် ႁူဝ်သိုၵ်းလူင်ၶဝ်ၸၵႂႃႇ ၵူၼ်းၸၢႆးၶဝ်ၵမ်ႉၼမ် ပိူၼ်ႈဢၼ်ၵၼ်လႆႈၸႂ် ၶႂ်ႈႁၵ်ႉ

ၼၢင်းႁေႃၶမ်းလူင် ၼၼ်ႉယူႇယဝ်ႉ။  ၸဝ်ႈႁေႃၶမ်း ၸဝ်ႈၸၢႆး တၢင်ႇဝၢၼ်ႈတၢင်ႇမိူင်းၵေႃႈယင်းလႆႈၸႂ်ထႅင်ႈၵွၼ်ႇ။
မီးဝၼ်းၼိုင်ႈ ပူႇဢမၢတ်ႈလူင် ၶႂ်ႈတၢင်ႇလဝ်ႈထိုင် ၸဝ်ႈၼၢင်းႁေႃၶမ်းၸွမ်းလူၺ်ႈ ၽိင်ႈၽႃႉဝၢၼ်ႈမိူင်းလႄႈ ယွၼ်းဢၶႂၢင်ႉၶဝ်ႈၸူးၼၢင်း ႁေႃၶမ်းၼႆယဝ်ႉ။ ၸဝ်ႈၼၢင်းႁေႃၶမ်းၵေႃႈ ပွႆႇၶႂၢင်းပၼ်မၼ်းၶဝ်ႈၵႂႃႇၸူးမၼ်းၼၼ်ႉယဝ်ႉ။
မူိဝ်ႈယၢမ်းၼင်ႇၼၼ် မႅၼ်ႈမိူဝ်ႈၸဝ်ႈၼၢင်းႁေႃၶမ်းတိုၵ်ႉဢၢပ်ႇၼမ်ႉယဝ်ႉသေ  မႃးႁဵတ်းႁၢင်ႈယူႇလႄႈ ပဵၼ်ဢၼ်ႁၢင်ႈလီ ထုၵ်ႇၸႂ်ဝႆႉ တွၼ်ႈတႃႇၵူၼ်းဢၼ်ႁၼ်မၼ်းၼၢင်းၼၼ်ႉယူႇယဝ်ႉ။

ၸဝ်ႈပူႇဢမၢတ်ႈလူင်ၵေႃႈ ဢဝ်ပၺ်ႇၺႃႇမၼ်းၸဝ်ႈသေ ထိင်းဝႆႉ ၾႆးတၼ်ႇၼႃႇ ၵိလႄႇသႃႇမၼ်းၼၼ်ႉႁႂ်ႈလႆႈယူႇ။
ပွၵ်ႈၼႆႉၵေႃႈ ဝႆႉၸႂ် ၵတ်းၵတ်းယဵၼ်ယဵၼ်သေ ၶဝ်ႈၵႂႃႇၸူးၼၢင်းႁေႃၶမ်းၼင်ႇၵူႈပွၵ်ႈဝႆႉယူႇယဝ်ႉ။
ၼၢင်းႁေႃၶမ်းၵေႃႈ ၼပ်ႉယမ်ထိုင် ပူႇဢမၢတ်ႈၼၼ်ႉသေ ႁႅၼ်းပၼ်မၢၵ်ႇမႆႉမၢၵ်ႇတွၵ်ႇတႃႇ ပူႇဢမၢတ်ႈၼၼ်ႉၵိၼ်ယူႇယဝ်ႉ မိူဝ်ႈၽွင်းမၼ်းၼၢင်း ၵႂႃႇဢဝ်မၢၵ်ႇမႆႉမႃးပၼ် ပူႇဢမၢတ်ႈၼၼ်ႉယွၼ်ႉမၼ်းၼၢင်းၼုင်ႈသိူဝ်ႈၶူဝ်းဝႆႉဢၼ်မၢင်ဢွၼ်ႇၵူၺ်းသေ ႁၼ်လႆႈတၢင်းႁၢင်ႈလီဢွၼ်ႇမၼ်းၼၢင်းတဵမ်ထူၼ်ႈလႄႈႁဵတ်းႁႂ်ႈၸႂ်ပူႇဢမၢတ်ႈၼၼ်ႉ တိုၼ်ႇတႅၼ်ႈသေ မဝ်းၸွမ်းတၢင်းႁၢင်ႈလီ ၸဝ်ႈၼၢင်းႁေႃၶမ်းဝႆႉယူႇယဝ်ႉ။

တေႇဢဝ်မိူဝ်ႈၼၼ်ႉမႃး ပူႇဢမၢတ်ႈလူင်ၼၼ်ႉၵေႃႈ ၵိၼ်ဢမ်ႇဝၢၼ်ၼွၼ်းဢမ်ႇလပ်း ၵုမ်ႇၸႂ်ၸပ်းၸွမ်း တၢင်းႁၢင်ႈလီဢွၼ်ႇၼၢင်းႁေႃၶမ်းၼၼ်ႉၵူၺ်းသေ ႁိုင်ႁိုင်မႃးၵေႃႈ ဢဝ်ယွမ်လူင်းၵႂႃႇတိၵ်းတိၵ်းၼၼ်ႉယဝ်ႉ။  ဝၢႆးၵိၼ်ဢမ်ႇဝၢၼ် ၼွၼ်းဢမ်ႇလပ်းယဝ်ႉသေ ဢဝ်ယွမ်ၵႂႃႇၵူၺ်းသေဢမ်ႇၵႃး ပၢႆၸပ်းပႃးတၢင်းပဵၼ်ၸွမ်းထႅင်ႈၼၼ်ႉယဝ်ႉ။

ယွၼ်ႉမၼ်းၸၢႆးဢမ်ႇထိင်းလႆႈၸႂ် တၼ်ႇၼႃႇ မၼ်းမိူၼ်မိူဝ်ႈဢွၼ်တၢင်းလႄႈ မၼ်းၸၢႆးၸင်ႇတေပဵၼ်ၼၼ်ၼႆၵေႃႈဝႃႈလႆႈ

ယဝ်ႉ။

ၵမ်းလိုၼ်းသုတ်းၵေႃႈ လွင်ႈဢၼ်မၼ်းလႆႈပဵၼ်ယူႇၼၼ်ႉ ၸဝ်ႈၼၢင်းႁေႃၶမ်းႁူႉၵႂႃႇသေ ၸင်ႇႁွင်ႉၶိုၼ်းပူႇဢမၢတ်ႈ

လူင်ၼၼ်ႉမႃးၸူးမၼ်းၼၢင်းၶိုၼ်းၼၼ်ႉယဝ်ႉ။ မၼ်းၼၢင်းဢဝ် ၵွၵ်းၶမ်း ၵွၵ်းငိုၼ်း ၵွၵ်းႁဵၵ်ႇ သၢမ်ၵွၵ်းတမ်းယႆၵၼ်သေ
မဵပ်ႇၼမ်ႉမၢၵ်ႇၽႃႈသႂ်ႇၼႂ်းမၼ်းယဝ်ႉ ပၼ်ပူႇဢမၢတ်ႈၼၼ်ႉသူတ်ႉၵိၼ်ၼႆယဝ်ႉ။ 

ၵမ်းဢွၼ်တၢင်းသုတ်းမၼ်းၼၢင်းၸႂ်ႉၸဝ်ႈဢမၢတ်ႈၼၼ်ႉသူတ်ႉၵိၼ်ၼမ်ႉမၢၵ်ႇၽႃႈၼႂ်းၵွၵ်းငိုၼ်းၼၼ်ႉဢွၼ်တၢင်းသေ 

ထၢမ်ဝႃႈ  မၼ်းမိူၼ်ႁိုဝ်ၶႃႈ ၸဝ်ႈဢမၢတ်ႈလူင်  

သူမ်ႈၵူၺ်းၶႃႈဢေႃႈ 

ၸဝ်ႈၼၢင်းႁေႃၶမ်းပေႃးယဝ်ႉၶိုၼ်းၸႂ်ႉသူတ်ႉၵိၼ်ထႅင်ႈၼႂ်းၵွၵ်းငိုၼ်း ၼၼ်ႉသေ

ထၢမ်ထႅင်ႈဝႃႈ  ၸွင်ႇမၼ်းၸဵမ်းၶႃႈႁိုဝ် ၸဝ်ႈဢမၢတ်ႈလူင် 

ဢမ်ႇၸဵမ်းတီႈၶႃႈ သူမ်ႈမိူၼ်ၵၼ်ၵူၺ်းၶႃႈဢေႃႈ
ၵမ်းလိုၼ်း ၸႂ်ႉသူတ်ႉၵိၼ်ထႅင်ႈ ၼႂ်းၵွၵ်းႁဵၵ်ႇၼၼ်ႉသေ

ထၢမ်ထႅင်ႈဝႃႈ ၸွင်ႇမၼ်းၶူမ်ၶႃႈႁိုဝ် ၸဝ်ႈဢမၢတ်ႈလူင်
ဢမ်ႇၶူမ်ၶႃႈ သူမ်ႈမိူၼ်ၵၼ်မူတ်းၶႃႈ ၸဝ်ႈၼၢင်းႁေႃၶမ်းလူင်ႁဝ်း

ၼၢင်းႁေႃၶမ်းဢမ်ႇလၢတ်ႈသင်သေယဵၼ်ဝႆႉလူင်ၵမ်းၼိုင်ႈ
ပူႇဢမၢတ်ႈၵေႃႈ ဝူၼ်ႉဝႃႈၸဝ်ႈၼၢင်းႁေႃၶမ်းတေၸႂ်ႉႁဵတ်းသင်ထႅင်ႈယူႇၼႆၼၼ်ႉယဝ်ႉ။

ၵမ်းလိုၼ်းသုတ်း ၸဝ်ႈၼၢင်းႁေႃၶမ်း လၢတ်ႈၶိုၼ်းတီႈၸဝ်ႈဢမၢတ်ႈလူင်ၼၼ်ႉ ဝႃႈ

မဵဝ်းမၢၵ်ႇၽႃႈဢၼ်ဝႃႈၼႆႉ ၶႂ်ႈသႂ်ႇၼႂ်းၵွၵ်းၶမ်းႁ ၵွၵ်းငိုၼ်း ၵွၵ်းႁဵၵ်ႇႁိုဝ် ၵွၵ်းသင်ၵိၼ်ၵေႃႈယဝ်ႉ ဢရသႃႇမၼ်းတိုၼ်းသူမ်ႈမိူၼ်ၵၼ်မူတ်းမူတ်း၊ မၼ်းပိူင်ႈၵၼ် ၵွၵ်းမၼ်းလႄႈ သီမၼ်းၵူၺ်း ၵႃႇမတၼ်ႇၼႃႇ ဢၼ်ဝႃႈၼၼ်ႉၵေႃႈ ဢမ်ႇဝႃႈၵူၼ်းၽၢၼ်
ႁိုဝ် ၵူၼ်းမီး ႁၢင်ႈၸႃႉႁိုဝ်ႁၢင်ႈလီ ပဵၼ်ၶုၼ်ႁိုဝ်ပဵၼ်ၶႃႈမၼ်းပိူင်ႈၵၼ် သီမၼ်းလႄႈ ၸၼ်ႉထၢၼ်ႈမၼ်းၵူၺ်း
ဢရသႃႇမၼ်းဢၼ်လႆႈၶၢမ်ႇၸႃးၼၼ်ႉတေႉမိူၼ်ၵၼ်မူတ်းမူတ်း ၸိူင်ႉမၢၵ်ႇၽႃႈၼၼ်ႉယဝ်ႉ ၼႆယဝ်ႉ။

ၵႃႇမတၼ်ႇၼႃႇ ၼႆႉ မၼ်းႁဵတ်းႁႂ်ႈၵူၼ်းႁဝ်းလိုမ်းႁၢင်ႈလိုမ်းတူဝ်သေ ဢမ်ႇၵႃး ၸၢင်ႈႁဵတ်းႁႂ်ႈၸၼ်ႉထၢၼ်ႈႁဝ်းလူင်းၵေႃႈပဵၼ်လႆႈ၊ ပေႃးဝႃႈႁဝ်းၸွမ်းၸႂ်ၵႃႇမတၼ်ႇၼႃႇႁဝ်းၼၼ်ႉယူႇၵူႈတီႈပေႃးၼႆ၊ ၸဝ်ႈၵဝ်ႇ တေလႆႈတၢင်းတုၵ်ႉၶႃႉလူင်သေ တေပဵၼ်ၽႄးၶဵၼ်တေႃႇတူဝ်ၸဝ်ႈၵဝ်ႇၶိုၼ်းဢမ်ႇႁၢင်ႉ၊ ယွၼ်ႉၼ်ၸဝ်ႈၵဝ်ႇတေလႆႈ ဢဝ် တၢင်းႁူႉပၺ်ႇၺႃႇၸဝ်ႈၵဝ်ႇသေ ၶတ်းပႅတ်ႈၽင်ႇမၼ်း ၸိူင်ႉၽင်ႇၼမ်ႉၼၼ်ႉဢိူဝ်ႈ၊ ယႃႇပၼ်လႆၵႂႃႇၵူႈတီႈဝၢႆးသေ လႆႈငိၼ်း ၶေႃႈသင်ႇသွၼ်ၼၢင်းႁေႃၶမ်းယဝ်ႉ

တၢင်းႁူႉၶဝ်ႈႁူ ၶဝ်ႈတူဝ်သေ ပူႇဢမၢတ်ႈၼၼ်ႉၵေႃႈ ပဵၼ်ဢၼ်တူၵ်းၸႂ်သေ ၼႅင်ၶိုၼ်းတေႉတေႉ။

သုတ်းယဝ်ႉ။

လွင်ႈၵၢင်ၸႂ်ၸဝ်ႈၵဝ်ႇ ဢၼ်ၶႂ်ႈပဵၼ်ၼၼ်ႉ ပေႃးတေႁဵတ်းၸွမ်းမၼ်းၼႆ တၢႆၵႂႃႇၵေႃႈ ဢမ်ႇဢိမ်ႇတိူၵ်ႈလႆႈ ဢမ်ႇသုတ်းသဵင်ႈလႆႈယွၼ်ႉၼၼ် တေလႆႈဢဝ် တၢင်းႁူႉသေ ထိင်းသိမ်းမၼ်းၵႂႃႇ ႁႂ်ႈမိူၼ်ၵူၼ်း ၶပ်းလူတ်ႉၼၼ်ႉ၊ ၵူၼ်းၶပ်းလူတ်ႉၶဝ်ၼႆႉ 

မိူဝ်ႈၶဝ်ႁေႃႈလူတ်ႉၶဝ်ၼၼ်ႉ ၶဝ်တေလႆႈထိင်းလႆႈႁူဝ်လူတ်ႉၼၼ်ႉလီလီ ပေႃးဝႃႈဢမ်ႇထိင်းႁူဝ်လူတ်ႉသေ ပွႆႇမိုဝ်းၵႂႃႇတူၺ်းၵေႃႈ လူတ်ႉၼၼ်ႉ တေလူမ်ႉဢမ်ႇႁၢင်ႉၼႆၼၼ်ႉယဝ်ႉ။

ယွၼ်ႉၼၼ်
ဝူၼ်ႉသေႁဵတ်းသၢင်ႈလႄႈ  ထတ်းသၢင်ႈသေႁဵတ်းလႄႈ   ဢဝ်တၢင်းႁူႉပၺ်ႇၺႃႇသေၼမ်းၼႃႈၵႂႃႇလႄႈ