တေလႆႈႁၢင်ႈလီၸိူင်ႉႁိုဝ်

တေလႆႈႁၢင်ႈလီၸိူင်ႉႁိုဝ်


၊ ပေႃးၵပ်းၵၢႆႇလူၺ်ႈ လွင်ႈႁၢင်ႈလီၼႆ ၽႂ်ႂဢမ်ႇၽႂ်ၵေႃႈ
ပဵၼ်ဢၼ်ၶႂ်ႈႁၢင်ႈလီလၢႆလၢႆ ၶႂ်ႈႁၢင်ႈလီလွၼ်ႉလွၼ်ႉယဝ်ႉ။
ၵမ်ႉပႃႈၼမ်တေႉ ပေႃးတႃးမုၼ်ႈတၢင်ႇၽွင်ၼႆ ပဵၼ်
ဢၼ်လၢႆးႁဵတ်းႁႂ်ႈႁၢင်ႈလီလႄႈ ပဵၼ်ဢၼ်ႁဵတ်းတႃႇႁႂ်ႈ
ႁၢင်ႈလီၼႆယဝ်ႉ။ ၵူၺ်းၵႃႈ ဢၼ်လႂ်လၢႆလၢႆလူဝ်ႇလႆႈႁၢင်ႈ
လီလႄႈ ဢၼ်လႂ်လၢႆလၢႆထုၵ်ႇလီႁၢင်ႈလီဢၼ်ဝႃႈၼၼ်ႉ
ၵမ်ႈၽွင်ႈၵေႃႈတေႁူႉယူႇ ၵမ်ႈၽွင်ႈၵေႃႈတေဢမ်ႇႁူႉ။

ပေႃးမႃးထတ်းသၢင်ႈတူၺ်း ဢၼ်ႁဵတ်းႁႂ်ႈၵူၼ်းႁဝ်းႁၢင်ႈ
လီၼႆ ႁၼ်ဝႆႉယူႇသီႇတွၼ်ႈ သီႇဢၼ်---

႑ ၼႆႉ ၼႃႈတႃႁၢင်ႈလီ။
႒ ၼႆႉ တူဝ်ၶိင်းႁၢင်ႈလီ။
႓ လွင်ႈၼုင်ႈဝႆႁၢင်ႈလီ။
႔ ၼမ်ႉၸႂ်ႁၢင်ႈလီ။ သီႇဢၼ်ၼႆႉယဝ်ႉ။

ၵမ်ႉပႃႈၼမ် တေဢွၼ်ၵၼ်ဝႆႉ (မၢႆၼိုင်ႈ) ၼႃႈတႃႁၢင်ႈလီ
ၼၼ်ႉပဵၼ်ယႂ်ႇယူႇ ယွၼ်ႉဝႃႈ ပေႃးၼႃႈတႃႁၢင်ႈလီၼႆ
ထၢင်ႇဝႃႈ မၼ်းႁၢင်ႈလီတင်းတူဝ်ယဝ်ႉ ၼႆၼၼ်ႉယဝ်ႉ။

လွင်ႈႁၢင်ႈလီၼႆႉ ပေႃးမႃးဢဝ် ပိူဝ်းသိူၼ်ႉမၼ်းဝႃႈၸိုင်

႑ ၼႃႈတႃႁၢင်ႈလီၼႆႉ ႁၢင်ႈလီလႆႈ 30% ပိူဝ်းသိူၼ်ႉ
႒ တူဝ်ၶိင်းႁၢင်ႈလီၼႆႉ ႁၢင်ႈလီလႆႈ 30% ပိူဝ်းသိူၼ်ႉ
႓ ၼမ်ႉၸႂ်ႁၢင်ႈလီၼႆႉ ႁၢင်ႈလီလႆႈ 40% ပိူဝ်းသိူၼ်ႉ

ယွၼ်ႉၼၼ် ပေႃးႁဵတ်းႁၢင်ႈသေႁၢင်ႈလီၵူၺ်းၸိုင်
ၼႂ်း100% ပိူဝ်းသိူၼ်ႉၼၼ်ႉ တေႁၢင်ႈလီလႆႈ 30%
ပိူဝ်းသိူၼ်ႉၵူၺ်း။ တႃႇတူဝ်ၶိင်းႁၢင်ႈလီၼၼ်ႉၵေႃႈ
မၼ်းလွမ်ႇလွင်ႈဝႆႉတေႉတေႉၼင်ႇၵဝ်ႇ။ ပေႃးလၢတ်ႈ
သိုဝ်ႈသိုဝ်ႈ တၢင်းႁၢင်ႈလီၼၢင်းယိင်းၼိုင်ႈၵေႃႉၼႆႉ
ဢၼ်တူဝ်ၶိင်းႁၢင်ႈလီၼၼ်ႉ မၼ်းၸၼ်ၸႂ်လႆႈ
ၼိူဝ်ၵူၼ်းၸၢႆးၶဝ်ၼမ်သေၼႃႈတႃႁၢင်ႈလီၼၼ်ႉ
ယဝ်ႉ။ တႃႇတူဝ်ၶိင်းႁၢင်ႈလီၼႆႉ ဢမ်ႇဝႃႈၵူၼ်းယိင်း
ၵူၺ်း ၵူၼ်းၸၢႆးၵေႃႈလူဝ်ႇလႆႈႁၢင်ႈလီပႃး။

ၼႃႈတႃႁၢင်ႈလီလၢႆလၢႆ တူဝ်ၶိင်းဢမ်ႇႁၢင်ႈလီၵေႃႈ
ပႆႇလႆႈဝႃႈႁၢင်ႈလီတဵမ်ထူၼ်ႈ။ တူဝ်ၶိင်းႁၢင်ႈလီလၢႆ
လၢႆၵူၺ်း ၼႃႈတႃဢမ်ႇႁၢင်ႈလီၵေႃႈ ပႆႇလႆႈဝႃႈတၢင်း
ႁၢင်ႈလီၼၼ်ႉတဵမ်ထူၼ်ႈ၊ ၵူၺ်းၵႃႈ ပဵၼ်ၸိူင်ႉႁိုဝ်
ၵေႃႈလီ လွင်ႈၼႃႈတႃႁၢင်ႈလီၼႆႉ ယွၼ်ႉပိူဝ်ႈၵိူတ်ႇ
ပႃးမႃးႁင်းမၼ်းလႄႈ မၢင်ၵေႃႉၶႂ်ႈႁၢင်ႈလီယူႇ
ၵေႃႈ ဢမ်ႇၸၢင်ႈႁဵတ်းႁိုဝ်ႁင်းမၼ်း လိူဝ်သေဝႃႈ
တၢင်ႇမုၼ်ႈတၢင်းၽွင်။ ၵမ်ႈၽွင်ႈၸိူဝ်းမီးငိုၼ်းတေႉ
ၵႂႃႇသိုဝ်ႉမႄးၼႃႈ ဢၼ်ဝႃႈၼၼ်ႉၵေႃႈ မီးဝႆႉယူႇ။

လွင်ႈႁၢင်ႈလီတီႈၼႃႈတႃၼၼ်ႉ တၢင်ႇမုၼ်ႈတၢင်း
ၽွင်ဢဝ်လႆႈယူႇသေတႃႉ တႃႇတူဝ်ၶိင်းႁၢင်ႈလီ
ၼၼ်ႉတေႉ တၢင်ႇမုၼ်ႈတႃးၽွင်ဢဝ်ဢမ်ႇလႆႈ
တေလႆႈ ၽိုၵ်းလဵၼ်ႈဢဵၼ်ႁႅင်း ဢွၵ်ႇဢဵၼ်ဢွၵ်ႇ
ႁႅင်းပၼ်ၵွၼ်ႇ ၸွင်ႇၵွႆႈလႆႈၼၼ်ႉယဝ်ႉ။ ယဝ်ႉၵေႃႈ
တေလႆႈၽၢင်ႉပၼ်တၢင်းၵိၼ်ၸွမ်းၽွင်ႈၵွၼ်ႇ။

လွင်ႈၼုင်ႈဝႆၼၼ်ႉတေႉၵေႃႉၼိုင်ႈလႄႈ ၵေႃႉၼိုင်ႈ
သွၼ်ပၼ်ၵၼ်ၵေႃႈလႆႈယူႇ တေလႆႈၼုင်ႈၸိူင်ႉႁိုဝ်
လၢႆးၼုင်ႈမၼ်းႁူႉယူႇႁင်းၽႂ်ႁင်းမၼ်းၵေႃႈ၊ ၵေႃႉ
ၼိုင်ႈလႄႈၵေႃႉၼိုင်ႈ တေၼုင်ႈဢမ်ႇမိူၼ်ၵၼ်။
ပေႃးမေႃၼုင်ႈဝႆၼႆ တူၺ်းၽၢႆႇလႂ်ၵေႃႈမၼ်းတိုၼ်း
ႁၢင်ႈလီ လီတူၺ်း ဢမ်ႇဝႃႈၽၢႆႇၼႃႈႁိုဝ် ၽၢႆႇလင်။
ပေႃးႁၢင်ႈလီတီႈၼႃႈၵူၺ်းတေႉ ပေႃးတူၺ်းတီႈၼႃႈ
ၵွၼ်ႇၸွင်ႇၵွႆႈႁၼ်တၢင်းႁၢင်ႈလီမၼ်း၊ ပေႃးတူၺ်း
တင်းလင်တေႉ တေဢမ်ႇႁၼ်လႆႈတင်းႁၢင်ႈလီမၼ်း
ယွၼ်ႉၼၼ် လွင်ႈၼုင်ႈဝႆႉၼၼ်ႉၵေႃႈ ပဵၼ်ဢၼ်
လမ်ႇလွင်ႈဝႆႉတေႉတေႉ တႃႇၽူႈၶႂ်ႈႁၢင်ႈလီၶဝ်။

ၼႃႈတႃႁၢင်ႈလီ၊ တူဝ်ၶိင်းႁၢင်ႈလီ၊ တၢင်းၼုင်ႈဝႆ
ႁၢင်ႈလီ၊ ၼႂ်းဢၼ်ႁၢင်ႈလီသၢမ်ဢၼ်ၼႆႉ ယွၼ်ႉဝႃႈ
ႁၢင်ႈလီတၢင်ႈၼွၵ်ႈတူဝ်ၵူၺ်းလႄႈ ႁူႉႁၼ်လႆႈဝႆးသေ
ဢၼ်ႁၢင်ႈလီတၢင်းၼႂ်း ၼမ်ႉၸႂ်ႁၢင်ႈလီၼၼ်ႉယူႇ။
တႃႇတေႁၼ်လႆႈ ၼမ်ႉၸႂ်ႁၢင်ႈလီၼၼ်ႉတေႉတေလႆႈ
တူၺ်းဢဝ် တင်းႁဵတ်းတင်ႈသၢင်ႈမၼ်းလႄႈ
တင်းလၢတ်ႈတင်းၸႃမၼ်းၼၼ်ႉယဝ်ႉ။ ၵူၺ်းဢၼ်
ႁၢင်ႈလီတင်းၼႂ်း ၼမ်ႉၸႂ်ႁၢင်ႈလီၼႆႉ မၼ်းႁူႉယၢပ်ႇ
သေတႃႉၵေႃႈ ပဵၼ် ဢၼ်ႁၢင်ႈလီ ဢၼ်မီးၵႃႈၶၼ်
လိူဝ်သေ ဢၼ်ႁၢင်ႈလီ သၢမ်ဢၼ်ၼၼ်ႉယူႇ။

ၽူႈတႅမ်ႈလိၵ်ႈ ၶႂ်ႈသင်ႇတေႉ တႃႇၵေႃႉဢၼ်ၶႂ်ႈႁၢင်ႈလီ
ၶဝ်ၼၼ်ႉ ယႃႇပေဢဝ်ၼႃႈတႃသေ ႁဵတ်းႁႂ်ႈႁၢင်ႈလီ
ဢၼ်လဵဝ်ၵူၺ်း တႃႇတူဝ်ၶိင်းႁဝ်းၵေႃႈ တေလႆႈႁၢင်ႈ
လီၸွမ်းလႄႈ တင်းၼုင်ႈတင်းဝႆႁဝ်းၵေႃႈ တေလႆႈမေႃ
ၼုင်ႈဝႆ ႁႂ်ႈတႅတ်ႈၼႅတ်ႈ ၼုင်ႈႁႂ်ႈပေႃးလီလွမ်လီတူၺ်း
ၸွမ်းယူႇၼၼ်ႉယဝ်ႉ။ ပေႃပိူၼ်ႈႁၼ်ၽၢႆႇလင်ႁဝ်း ႁႂ်ႈပိူၼ်ႈ
ပေႃးလႆႈ ပႆမႃးတူၺ်းတင်းၼႃႈႁဝ်းဝႃႈ မၼ်းပဵၼ်ၽႂ်
ၼႆၼၼ်ႉၵွၼ်ႇၵႂႃႈ။

ပေႃးတဵမ်လႆႈၼႂ်းၶၢဝ်သၢမ်ဢၼ်
ၼႃႈတႃၵေႃႈႁၢင်ႈလီ
တူဝ်ၶိင်းၵေႃႈႁၢင်ႈလီ
လွင်ႈၼုင်ႈဝႆၵေႃႈမေႃၼုင်ႈႁႂ်ႈႁၢင်ႈလီၼႆတေႉ
ပေႃးပဵၼ်ၽူႈယိင်း ၵူၼ်းၸၢႆးမၢဝ်ႇၶဝ်ၸိူဝ်းဢၼ်ႁၼ်
ၼၼ်ႉ ပေႃးလေႇၸႂ်ၸပ်း ၼွၼ်းပေႃးၾၼ်ႁၼ်ၵွၼ်ႇ
ယဝ်ႉ။ ပေႃးပဵၼ်ၽူႈၸၢႆးၸိုင် သၢဝ်သၢဝ်ၶဝ်ၸိူဝ်းၼၼ်ႉ
ပေႃးၶႂ်ႈတၵ်ႉ ၶႂ်ႈလၢတ်ႈတေႃႇ ၵမ်းလဵဝ်ၵွၼ်ႇၼၼ်ႉယဝ်ႉ။